Masaya si Eric Ejercito sa takbo ng karera niya sa showbiz sa ngayon.
Kuwento ng singer-actor, kakatapos lang ng taping ng Viva One series na Project Loki, kung saan isa siya sa supporting cast.
Ngayong taon din daw ipapalabas ang pagbibidahan niyang Korean movie na The Guardian.
Sa music naman, kakapanalo lang ni Eric ng Vocal Arrangement in a Song Recording award sa 10th PPOP Music Awards na ginanap noong December.
Magsu-shooting na rin siya ng music video para sa isang bagong kanta.
Eksklusibong nakausap ng PEP.ph (Philippine Entertainment Portal) si Eric sa isang event ng Disney Plus, kung saan kasama siya sa mga invited celebrities, noong Lunes, April 6, 2026, sa isang restaurant sa Taguig.
Read: Why IU calls Byeon Woo-seok’s role in Perfect Crown his “apology”
on NEPOTISM
Si Eric ay mula sa kilalang Ejercito clan sa showbiz.
Lolo niya ang yumaong aktor na si George Estregan, na kapatid ng dating Pangulo Joseph Estrada.
Ama niya si ER Ejercito at tiyuhin si Gary Estrada.
Pinsan niya sina Jake Ejercito at Kiko Estrada.
Tinanong ng PEP si Eric tungkol sa nepotism, kung saan nagkakaroon umano ng shortcut ang mga anak ng artista sa pamamagitan ng pagbigay sa kanila ng mga role o mga award, hindi dahil sa talento, kundi dahil sa kanilang apelyido.
Sagot ni Eric, hindi raw ito swak sa kanya dahil magkaiba sila ng karera ng ama.
Action star si ER, habang P-Pop performer at character actor si Eric.
“He’s a bad boy action star. I’ve done a few action roles, but I think I’ve created my own identity. My work speaks for itself because I’m dabbling in different characters,” pahayag niya.
Hindi rin daw niya ginamit ang pangalan ng ama para makakuha ng proyekto sa showbiz.
“Come to think of it, I’ve never used his name. I really auditioned for everything. My dad’s not a singer, yet I got nominated for music.
"I’m into P-Pop, and it’s not related to what he’s doing.
"You made me realize I’m not a nepo baby because that’s not my path. I’m not an action star. Nepo baby implies you use their access to get your career,” paliwanag pa ni Eric.
Matagal na rin daw siyang independent.
“The amount of auditions that I've failed? I’ve failed so much in life, man. I’ve been through so much.
"I live by myself. I’m independent. I’ve never really asked for financial support from my parents,” sabi ni Eric.
Read: NETIZENS REACT: "Name Withheld" in topnotchers’ list
ROLE IN PROJECT LOKI
Excited si Eric na mapanood ng lahat ang finale ng Project Loki, na second project niya sa Wattpad series ng Viva.
“The first was in I Love You Since 1892, and I’m in Project Loki now. Both are showing right now on Viva One, and Project Loki on TV5 also,” kuwento ni Eric.
Isang villainous math teacher ang role ni Eric sa series na tungkol sa mga student detectives.
“I’m Professor Morayta, who is Snape-ish, like Professor Snape-ish. I’m very excited to fill the shoes of this character,” saad ni Eric.
Aniya, nahirapan daw siya sa character dahil mahaba ang mga linya nito.
“This one is also very wordy, and I’m a math teacher, so I have to be very convincing in what I teach.”
Pero hindi raw nagrereklamo si Eric.
Sa katunayan, grateful siya sa mga nakukuhang role dahil naging passion na niya ang pag-arte.
Bata pa lang ay nakakasama na siya sa mga pelikula ng amang si ER Ejercito.
Two years old lang siya noong makasali sa Asiong Salonga, isang action film kung saan gumanap si ER bilang isang sikat na gangster.
Decades later, isang VIVA artist na ang two-year-old boy na yun, at gumagawa ng sariling pangalan sa showbiz.
WHAT’S NEXT FOR ERIC?
Matapos nito ay ikinuwento niya ang pinakamalaking project na nakuha niya so far.
Ito ang The Guardian, isang upcoming Korean movie, na posibleng ipalabas ngayong taon.
Sa Pilipinas kinuhanan ang ilang eksena noong 2024.
Bukod kay Eric, bida rin sa pelikula si Yassi Pressman, at ang mga sikat na Korean stars na sina Nam Woo-hyun (The Thousandth Man, 2012) at Park Eun-hye (Jewel in the Palace, 2003).
Hanggang ngayon ay naaalala pa rin ni Eric ang karanasan sa shooting ng pelikula.
“It’s mind-blowing. The experience of working with stars from Jewel in the Palace and K-pop stars? I learned so much,” sabi niya.
Magiging stepping stone ni Eric ang The Guardian para sa pangarap niyang makarating sa Hollywood.
“My main goal is Hollywood. That’s the dream. Growing up, Hollywood was always the dream.”