Matinding batikos ang ibinabato ngayon sa Diocese of Kalookan sa Malabon na inaakusahan ng animal cruelty.
Ito ay kaugnay ng paggamit ng isang buhay na kalapati na itinali at ginamit para sa seremonya ng Salubong noong Easter Sunday, April 15, 2026, sa Diocesan Shrine & Parish of Immaculate Conception sa Malabon.
Kinondena ito ng animal welfare group na Philippine Animal Welfare Society (PAWS).
Sunud-sunod din ang batikos ng netizens sa diocese. Banat nila, ang simbahan pa raw ang nagpasimuno ng gawaing anila'y taliwas sa itinuturo ng Bibliya.
Saad ng PAWS sa isang Facebook post, “deeply concerned and shocked” sila sa ginawa sa kalapati na ginamit bilang “prop in an Easter presentation at The Diocesan Shrine & Parish of Immaculate Conception in Malabon.”
Pagdedetalye pa ng grupo, “The terrified bird was tied to a string, its wings forcibly spread with a stick as it was hoisted up for the sole purpose of removing the cloth covering the statue of the Blessed Virgin Mary.”
Pero hindi pa raw rito nagtapos ang pagdurusa ng kalapati, na itinali sa mga lobong pinalipad.
Bunsod nito, namatay ang kaawa-awang kalapati.
“The dove was tied to balloons, and the balloons were released, killing the bird and polluting the environment in the process.”
Kinuwestiyon ng PAWS ang anila'y “gimmicky version of the ritual” ng simbahan.
Bagamat nirerespeto at kinikilala ng PAWS ang tradisyon ng selebrasyon ng Salubong, ang paggamit daw ng live animal sa paraang nakasasama rito ay “inconsistent with the values of compassion, stewardship, and care for all of creation.”
Sabi ng PAWS, "Cruelty has no place in religious celebrations or in any type of gathering in our society."
Read: Why this Samar town bans carabao butchering
NETIZENS SLAM CHURCH
Dahil sa insidente, maaanghang na salita ang ibinabato ng netizens sa diocese sa Malabon.
Hirit nila, bakit Simbahan pa raw ang nagpasimuno ng gawaing lumalabag sa itinuturo nito.
Komento ng isang netizen: “Been wondering what happened to religious people out there! Don’t religions teach empathy and compassion? Coz I’m sure the Bible does.”
Susog ng isa pa: “Doves are such beautiful creatures. Can’t believe they are being used like this to celebrate Holy Week. And they call themselves religious pa.”
Buwelta ng isa pang netizen: “Ayan ha. Sa simbahan pa talaga nagsimula ang cruelty. Yung mga ‘banal-banalan’ jan ha. Tsk tsk.”
Ayon sa isa pa: “This from the people we expect to teach us about love and compassion for all of God’s creations.”
Maraming netizens ang sinabing “disturbing” ang ginawa sa ibon. Idinetalye pa nila ang ginawa rito tulad ng pagtatali sa mga pakpak nito sa kahoy, pati na rin sa lobo.
“So sad that the said church is celebrating Easter Sunday without compassion. It’s destroying the image and belief of Catholics.”
Pinuna naman ng isang netizen ang church ministry members na nasa likod daw ng programa.
Hirit ng isa pang netizen, ang respeto at awa ay hindi lang sa tao kundi kahit sa mga hayop.
Panawagan nito sa Diocese of Kalookan, “Let’s practice what we preach.”
Read: Netizens turn to induction stoves, other options after LPG hike
DIOCESE OF KALOOKAN ISSUES APOLOGY
Dahil sa matinding kritisismo, naglabas ng official statement ang Diocese of Kalookan.
Ipinost ang official statement sa Roman Caholic Bishop of Kalookan Facebook page.
“We extend our sincere apology for what transpired,” parte ng pahayag ng diocese.
Paglilinaw nito, wala raw kinalaman si Cardinal Pablo Virgilio David na naging bahagi ng seremonya.
May mga pumupuna kasi sa cardinal dahil sa insidente.
Paliwanag ng diocese, matagal na nilang ginagamit sa seremonya ang live pigeon, sa halip na batang nakabihis anghel, “as a safer and less distressing alternative.”
Pagtatanggol nito, “It had been presumed that the dove would be released immediately after the unveiling.”
Nakarating daw sa kanila ang puna ng publiko na initali ang kalapati sa kumpol ng mga lobong pinakawalan sa himpapawid.
“This act is regrettable,” sabi diocese.
Bilang tugon sa isyu: “The parish has committed to discontinue this practice. There will be no more balloon-flying in future celebrations, and the dove will be released immediately after the unveiling.
“As a community of faith, we are reminded that our expressions of devotion must always be guided by compassion and responsibility. In careing for Gods creation, we honor the Risen Lord who calls us to protect and cherish every form of life.”
