Hindi sumasang-ayon ang OPM at gospel singer na si Jamie Rivera sa paniniwalang mapupunta sa impiyerno ang mga miyembro ng LGBTQIA+ community dahil hindi umano kalooban ng Diyos ang kanilang sexual orientation.
Sa panayam kay Jamie sa Fast Talk with Boy Abunda noong April 1, 2026, hiningan siya ng reaksiyon ng host na si Boy tungkol sa paniniwala ng iba na hindi makakaakyat sa langit ang mga gay at lesbian.
Read: Alvin Aragon criticizes celebrity parents of LGBTQIA+ children
Jamie RIVERA on the LGBTQ+ community
Ayon kay Jamie, malaki ang respeto niya LGBTQIA+ community, lalo na’t noong nagsisimula pa lamang siya sa industriya ay mga miyembro nito ang madalas niyang kasa-kasama sa mga patimpalak at show.
Saad ni Jamie: "I would disagree with that. I only have gratitude and great respect for the LGBTQ community.
"In my humble beginnings, Boy Navarrete did my makeup for free up until the time that I could already afford to pay.
"I struggle also with my outfit, kasi noon chaka ang outfit, so Arnold Galang dressed me up.
"He was the one who gave me my outfits, all my costumes up until the time that I could already pay or buy my own outfit."
Read: 9 celebrity parents who embrace and support their LGBTQ+ children
Bukod sa kanyang makeup artist at stylist, ibinahagi rin ni Jamie na karamihan sa kanyang mga nakakasama noon sa provincial tours ay mga miyembro ng LGBT community.
Sabi pa ng singer, sila pa nga raw ang nagsilbing tagapagtanggol niya, dahilan upang ituring niya ang mga ito bilang kanyang mga “angel.”
Saad ni Jamie: "Kuya Boy, you were my publicist and you didn’t ask for anything in return.
"You put me in the cover of magazines and articles, wala naman [ako non] pera.
"Yung mga former road manager ko... Sila yung nagde-defend sa akin, tumutulong sa mga provincial tours ko, sila yung tagahawi [ng fans]. They protected me.
"So, what is there to judge for if you’re surrounded by angels? Sila yung mga tumulong sa akin."
Read: Raising LGBTQ+ Kids: Can Parental Love Exist without Acceptance?
Diin pa ng "I’ve Fallen for You," at "Heal Our Land" singer: "For me, they will go to heaven. That is my point of view."
Bukod sa kanyang hit songs, kilala rin si Jamie bilang singer sa ilang mahahalagang pagtitipon ng Simbahang Katoliko.
Noong 2003, inawit niya ang “Only Selfless Love” sa pagbisita ni Pope John Paul II sa Pilipinas.
Kinanta rin ni Jamie ang “We Are All God’s Children” noong 2015 Apostolic Visit ni Pope Francis sa bansa.