Maganda ang relasyon ni Ashley Ortega sa ina ng nobyong si Mavy Legaspi na si Carmina Villarroel.
Lagpas isang taon na ang relasyon nina Ashley at Mavy.
Kinumusta ng PEP.ph (Philippine Entertainment Portal) kay Ashley ang pakikitungo sa kanya ni Carmina.
Sagot niya: "Isa rin actually, since matagal na rin kami ni Mavy, mas naging deeper na rin yung relationship ko with his family, especially si Cassy [Mavy's twin sister].
"Grabe yung na-built namin na closeness, especially last year, holidays nung Christmas and New Year.
"Halos kami yung lagi magkakasama kasi hindi naman kami nag-out of the country.
"We all celebrated here in the Philippines. So, kami yung lagi magkakasama."
Kinontra ni Ashley ang intrigang nangingialam daw si Carmina sa relasyon ng kanyang mga anak.
"I think that's fake news," sambit ng Kapuso actress.
"Sobrang bait ni Tita Carmina. Actually, even before pa naging kami ni Mavy, naka-build na rin kaming relationship ni Tita Carmina sa set ng Widows' Web [2022].
"Lock-in taping kasi yun. So, parang two months kami nagkasama sa Tagaytay.
"Mag-ate kami doon sa yung role namin sa Widow's Web. Ate ko siya.
"So, talagang yung relationship namin, we also have to work it out kasi lagi kaming magkaeksena.
"And of course, siyempre pag lock-in taping, yun yung lagi mong nakakasama during pandemic nung time na yun.
"So, lagi akong nakiki-microwave kay Tita Carmina nung time na yun.
"And of course, noong naging kami ni Mavy, nagyayaya siya, silang mag-dinner lalo na pag birthday ni Tito Zoren [Legaspi], birthday ng kambal, recently.
"Tas pag-birthday ni Tita Carmina, I was there when she turned fifty.
"And yun, there are moments nagyayaya silang mag-dinner sa house and they always welcome me."
Eksklusibong nakausap ng PEP.ph (Philippine Entertainment Portal) pagkatapos ng media conference ng Apoy sa Dugo noong February 23, 2026, sa GMA Network Studio 7.
Read: Kylie Padilla quips about leaving PH if dad Robin runs for VP
Ashley Ortega on new series Apoy sa dugo
Ang Apoy sa Dugo ay ang upcoming GMA Afternoon Prime na magsisimulang mapanood sa Lunes, March 2, 2026.
Bida rito sina Ashley, Derrick Monasterio, at Elle Villanueva.
Kasama rin sa cast sina Pinky Amador, Thea Tolentino, Ricardo Cepeda, Cai Cortez, Toniyuh, at Larkin Castor.
Ano ang role niya sa Apoy sa Dugo?
Paglalarawan ni Ashley: "I'll be playing the role of Angel Sanggalang. Magkapatid kami dito ni Elle Villanueva, which is si Vanessa.
"So, si Angel, sobrang intense po siya magmahal sa kapatid niya because, mag-isa lang kasi siya, e, nawala na yung parents niya.
"So when she found out na meron pala siyang kapatid, doon niya na-realize na puwede pa pala siya magkaroon ng pamilya.
"And then nung na-realize niya na yung kapatid niya, na-meet niya, minahal niya ng sobra until nalaman niya na may betrayal na mangyari.
"So, doon maglalaro basically yung character ni Angel. Her emotions are really extreme.
"So, pag mahal siya, mahal niya ang isang tao, grabe siyang magmahal. Pero pag magalit siya sa isang tao, grabe din yung galit na nilalabas niya."
Ito ay mula sa direksiyon ni Ralfh Manuel Malabunga.
Read: Pinky Amador reacts to “kain-suka” accusation after Palace event