Ang tambalan nina Sheryl Cruz at Romnick Sarmenta ang isa sa pinakasumikat na loveteam nung late '80 hanggang early '90s.
Produkto sila ng youth-oriented show na That's Entertainment.
Ilan sa mga pinagbidahan nilang pelikula ay ang Puso Sa Puso (1988), Langit At Lupa (1988), Pardina At Ang Mga Dwende (1989), Mundo Man Ay Magunaw (1990) at Kung Tayo'y Magkakalayo (1991).
Sa eksklusibong panayam ng PEP.ph (Philippine Entertainment Portal), hiningan si Sheryl ng reaksiyon sa pag-amin ni Romnick na nagkaroon sila ng "mutual understanding" noong kabataan nila.
Sinabi iyon ni Romnick sa Updated With Nelson Canlas podcast noong June 2024
Ayon kay Sheryl, hindi nga maiwasang maugnay sila noon.
"Magka-loveteam kami kaya lagi kaming nagkikita. At the same time, gustung-gusto ng mga tao na pagsamahin kami o kami ang magkatuluyan.
"Di ba, ganun naman talaga? Pagka mayroon namang loveteam, until now ganun naman talaga ang gusto ng mga fans.
"Nakatulong yung loveteam sa amin. It's just that di talaga kami para sa isa't isa," lahad ni Sheryl.
Dati na ring nabalita na nanligaw sa kanya si Romnick noon, pero hindi sila opisyal na naging magkasintahan.
Paliwanag ni Sheryl: "Para sa akin I was still very young. I have a lot of dreams like I have dream of being partner with other lead actors from different movie productions and natupad naman."
Siniguro ng aktres na maayos ang samahan nila ni Romnick.
"Okay naman kami, wala namang bad blood between us," paglilinaw ng aktres.
Read: Ellen Adarna debunks report that Derek Ramsay is a "good provider"
ON POSSIBLE REUNION WITH SHERYL
Eksklusibong nakapanayam ng PEP si Sheryl sa guesting nito sa "Vibe OG" segment sa Vibe music countdown show ng TV5 noong February 8, 2026 sa Meraco Theater.
Natanong din kay Sheryl kung bukas siya makatrabaho si Romnick lalo't nauuso ngayon sa showbiz ang reunion ng mga artistang dating nagkatrabaho.
"I've always been open to that. Alam naman yan ng aking agent na si Rams David.
"Siguro it's about scheduling and stuff like that. But rest assured sa mga fans na never akong tumanggi ng proyekto na kasama si Romnick.
"Basta sa akin, I never denied, I never turned down a movie project, a teleserye or any project na kasama si Romnick."
Noong kasing 2018, nabanggit ni Romnick sa isang panayam ng PEP na may offer noon na magkasama sila ni Sheryl sa isang proyekto.
Pero tumanggi ang aktor dahil may kasabay daw siyang acting project noon.
Read: Romnick reveals why he turned down reunion project with Sheryl Cruz in the past
Naniniwala naman si Sheryl na kung nakatakda silang pagsamahin ni Romnick sa isang proyekto ay mangyayari ito sa tamang panahon.
Sabi naman ni Sheryl: "Well, para sa akin, yung iba have outgrown already yung loveteam generation, yung ganyan.
"Pero siguro kung may aayusin na proyekto para sa amin at ipagkakaloob ng Maykapal, bakit hindi, di ba?
"Kahit harangan mo pa ng sibat kapag gusto ng nasa Itaas, matutuloy pa rin yan. I guess for now talagang mag-wait na lang muna sila and see kung magkakaroon."
ON ADVICE TO YOUNG LOVETEAMS
Tinanong din ng awtor na ito ang aktres kung may payo siyang maibibigay sa mga artistang nakatali sa kanilang loveteam at sa kagustuhan ng fans na mauwi sila sa totohanang relasyon.
Sabi ng aktres: "Always be grateful to your fans. Kung ano talaga yung gusto mo na ma-reach na goal as a person, as an artist, nasa sa iyo yan, you know yourself better. For every blessing, always give thanks to Our Almighty Father in heaven.
"Wag ding magpa-pressure sa fans, kasi nga, di naman yung forever mo ay yung iyong kapareha, di ba?
"Kung bata ka pa, marami pang chance to meet other people. Wag tayong magpatali sa isang kapareha.
"We are thankful na nandiyan ang kapareha natin, pero kung di naman yun talaga ang forever mo o para sa iyo, wag mong ipilit ang sarili mo."
Read: Balik-tambalang Sheryl Cruz at Romnick Sarmenta, may asim pa kaya?
CURRENT PROJECT
Samantala, abala ngayon si Sheryl sa shooting ng pelikulang Kappa-tiran ng Mamay Production.
Binalita rin ni Sheryl na may reunion project sila nina Manilyn Reynes at Tina Paner sa GMA-7. Sila ang tinaguriang Pinoy showbiz Triplets mula sa That's Entertainment.
Kuwento ni Sheryl: "I'm doing a series for GMA-7, it's called Born To Shine. Kasama dun sila Manilyn, sila Tina, si Vina Morales.
"And I think si Roselle Nava is also there, and yung mga bagong Pinoy Pop stars na ginu-groom nila. I'll be [playing] a voice coach there, and ang aking pangalan dun is si Ivana.
"I'm excited to work with Manilyn and Tina, ang mga kasama ko sa Triplets. I'm also excited to see Vina and to work with Roselle Nava. Isa rin yan sa mga nagugustuhan kong pakinggan noon ng mg kanta ni Roselle."
Nang kumustahin namin ang pagkakaibigan nila nina Manilyn at Tina, masayang ikinuwento ni Sheryl na walang nabago sa kabila ng di madalas na pagkikitang tatlo.
"Okay naman kami. Kahit di kami nagkikita, mahal pa rin namin ang isa't isa. Alam ko na busy rin sila katulad ko.
"Very fortunate kasi nga this year may guesting ako sa Vibe, may gagawing teleserye sa GMA-7, which is Born To Shine.
"I'm also happy kasi ngayong taon na ito magkakaroon din ng pelikula, yung Kappa-tiran, na makikita ng mga tagahanga ko hindi lang dito sa Pilipinas kundi everywhere."
Isa si Sheryl sa feature artist sa Vibe Live On Stage kunsaan kinanta niya ang mga sumikat na kanta niya noong '90s tulad ng "Mr. Dreamboy" at "Sabi Ko Na Nga Ba."
Si Romnick ang inspirasyon noon sa kanta niyang "Mr. Dreamboy."
Sabi pa ni Sheryl: "Very excited kasi bukod sa I'll be with my entire ka-generation ko na mga fans, they will also be here to support me. I'm very excited to see my fans singing along with me.
"At the same time, I would also like to thank yung mga tao sa Vibe na bumoto sa akin para dun sa songs ko na "Sabi Ko Na Nga Ba" saka "Mr. Dreamboy."
"It's a very big blessing na hanggang ngayon kinakanta pa rin nila at nagugustuhan pa ring pakinggan yung mga awitin na yun."