Mariing kinontra ni Ellen Adarna, 37, ang mga nagsasabing "good provider" ang estranged husband niyang si Derek Ramsay, 49, sa anak nilang si Liana.
Lili kung tawagin ni Ellen ang anak nila ni Derek na one year and four months old.
Sa Instagram Stories ni Ellen nitong Biyernes, February 20, 2026, diretsahan niyang sinagot ang ulat ng columnist-vlogger na si Cristy Fermin tungkol sa sinasabing sustento ni Derek sa anak nito.
Diumano, nagbigay si Derek at ina ng aktor ng apat na kasambahay sa nilipatang bahay ng aktres para may katuwang ito sa pag-alaaga sa kanilang anak.
Bukod pa raw rito ang allowance na binibigyan ni Derek sa anak.
Read: Ellen Adarna packs up; ready to leave Derek Ramsay's house
"So secure siya. Wala siyang dapat na idiretso dahil ang alam niya ang diretso ay hindi na dinidiretso pa," maririnig na pahayag ni Cristy sa video clip na ini-repost ni Ellen sa IG.
ELLEN ADARNA ON RECENT "ultimatum" to DEREK RAMSAY
Ang pahayag na ito ng beteranong columnist ay mabilis na tinutulan ni Ellen sa sunud-sunod niyang video na ilathala sa IG Stories.
Ayon kay Ellen, “misleading and unfair” ang pahayag ni Cristy tungkol sa usaping sustento ni Derek sa anak.
"What kind of foolishness is this Cristy Fermin? The claims being made are misleading and unfair," bulalas ni Ellen.
"Lets set the record straight. Truth matters. Facts matter. And credit should always be given where it is due," diin pa ng aktres.
Inihayag ni Ellen na hindi pa raw magbibigay si Derek ng sustento sa anak kung hindi niya ito pinaalala sa estranged husband.
Lahad ni Ellen: "Last month I told his assistant, ‘No sustento, no Lili. That’s simple.’
"I am not demanding anything beyond what is fair.
"But I will not allow a father to live comfortably, just cooling his balls, while having little to no contribution to his child, because he gets to see her almost every day."
Read: Ellen Adarna posts cryptic message about 'buti-buting tao'
Rebelasyon pa ni Ellen, nagbigay si Derek ng credit card matapos niya itong hingan ng sustento dalawang linggo pa lang ang nakakalipas.
Ang nasabing credit card ay mayroong PHP50,000 limit kada buwan.
Ayon kay Ellen, sa computation niya ay "55.80 percent" lamang daw iyon ng kabuuang monthly expense ng anak nila ni Derek.
ON HOUSEHOLD EXPENSES
Taliwas sa ulat ni Cristy, nilinaw din ni Ellen na hindi si Derek ang nagbabayad ng staff o kasambahay ni Ellen noong nagsasama pa sila sa iisang bubong.
Read: Beauty believes Ellen does not need support after separation
Ayon kay Ellen, siya ang nagpapasahod sa kanyang staff. Mayroon daw siyang limang nannies, at dalawa ay naka-assign kay Lili.
Ang pasuweldo sa isang nanny para kay Lili ang tangi raw sinagot ni Derek.
Pahayag ni Ellen: "I paid for my own staff... I paid for my own groceries.
"They did not provide a house for me—I did that myself.
"Let’s not rewrite history.
"So please, let’s stop being delusional and stop branding someone a 'good provider' when the numbers and reality say otherwise."
Read: Ellen reveals Angelica now part of Derek’s exes group chat
Inilarawan pa ni Ellen kung ano ang tingin niya sa isang "good provider.
Sabi niya, " A real provider doesn't wait to be called out. He gives willingly.
"He takes initiative. He doesn’t rely on words, flexing, or public image."
Ellen explains why Lili spent Christmas with Derek’s family
Lahad pa ni Ellen, October to December 2026 ay walang ibinigay na sustento si Derek para sa kanilang anak.
Usisa naman ng isang netizen, "Then why did Lili spent Christmas with them if he didn't provide since October?"
Sa pamamagitan ng isang video, nagbigay detalyadong sagot si Ellen.
Kung siya raw ang tatanungin, wala raw sanang problema kung hihiramin sa kanya ni Derek ang kanilang anak kahit hindi raw nagsusustento ang aktor.
Lahad ni Ellen: "At the time, October, December, I'm still okay with it because, wala, it didn't really bother me. Kaya ko naman, e. I mean, I can support Liana [by] myself.
"But then, it was my family who, like, knocked some sense into my head over the holidays when we spoke about it. And we're like, 'What, wala pa siyang bigay?'
"'You know what, kung wala siyang bigay, then don't let him see Lili, simple as that. Don't beg. Don't ask for anything. But if he doesn't give, then no Lili.' Ano ka sinusuwerte? Tama lang naman.
"So when I told them January [2026], na ayun na yung rules ko, na kapag hindi kayo nagbigay, e, di walang Lili.
"Dumating yung credit card, two weeks ago."
Read: Derek Ramsay, "lubog na lubog" dahil sa hiwalayan nila ni Ellen
Kung mayroon man daw naibibigay si Derek noong nakaraang taon, ay tanging diapers at gatas lang para kay Lili.
Patutsada rin ni Ellen, hindi niya naramdaman ang sinasabi raw ng kampo ni Derek na may binigay si Derek na supplies para sa anak noong October o November.
Saad niya: "Well, to be fair, he said he gave milk and diapers last November or October but, I don't know, we didn't see it because I'm the type na I hoard.
"I hoard milk, I hoard diapers, I mean, di ba? I even hoard makeup, what more food and stuff for my children?
"So hindi namin yun nakita and hindi namin ma-trace."
Hamon pa niya sa estranged husband: "Sana he can provide receipts so, you know, it's there."
Patutsada ulit ni Ellen: "But he said that he sent milk and diapers nung October. So there, I will not discredit that.
"And I think last... this month he bought milk daw that's good for two months.
"But I already bought also, good for three months. So, it's not here with me. So there, let's not discredit also that he bought daw."
Samantala, habang isinusulat ang artikulong ito ay wala pang inilalabas na reaksiyon si Derek tungkol sa mga naging pahayag ni Ellen.
Sinubukan ng PEP.ph (Philippine Entertainment Portal) na hingan ng reaksiyon si Derek sa pamamagitan ng pagpapadala namin ng text message at direct message.
Agad namin itong ilalathala sa oras na matanggap namin ang sagot niya.