Hindi pa rin tinitigilan ng netizens si dating SexBomb Girls member Izzy Trazona at asawa nitong si Alvin Aragon.
Sa Facebook nitong nakaraang February 19, 2026, nag-upload si Izzy ng bago niyang zumba video.
Sabi niya sa caption, "Thank You, Lord, in every season that we have. The devil meant it for harm, but You meant it for good!
"I completely trust YOU! #temporaryseason #newday #zumbafitness® #zinizzy #zumbacommunity"
Sa comments section, may mga negatibong komentong natanggap si Izzy at karamihan dito ay tungkol sa asawa niyang si Alvin.
Sabi ng isa, "Mamaya tularan asawa mu na alam na alam nya mga ginagawa panu gumamit at humithit."
Maayos na sumagot si Izzy sa negative comments ng netizens.
Ayon kay Izzy, hindi itinatago ng mister niya ang dati nitong karanasan sa paggamit ng bawal na gamot.
"Pero ang mahalaga ay nagbago.. diba po. Have great day po!" depensa ni Izzy.
Panunuya ng isa pang netizen, "Content mo pag SuZumba kasama ang salita Ng Diyos. Asawa mo content paano mag shabuuuu."
Saad ni Izzy, wala naman daw masama sa content niyang zumba dance.
Aniya (published as is), "may masama po ba? hehe. Kanya kanya po yan… ikaw po anong content nyo po? Ill support you."
Payo ng isa (published as is), "Naku Izzy wag kang kumembot baka pagnanasahan ka ng ibang lalaki nyan."
Tugon niya (published as is), "kaya I chose every step. Salamat maam."
May netizen ding nagkomento na "si izzy lng yata naghahanap buhay s pamilya nya."
Sagot ni Izzy (published as is), "no, teamwork in every work because we have kids na inaalagaan pa. Pag taping nya ako alaga, pag ako naman work sya alaga."
ALVIN ARAGON'S CONTROVERSIAL STATEMENTS
Nag-ugat ang mga kritisismong natanggap ng dalawa dahil sa panghuhusga ni Alvin sa SexBomb Girls at sa pagtutol niya na maging bahagi si Izzy ng grupo.
Ayon kay Alvin, hindi siya pabor sa pangalan ng SexBomb na gumamit ng salitang “sex,” sa provocative na pananamit ng members, at sa sexy dance moves ng iconic girl group.
Hindi rin nakaligtas sa mga puna ni Alvin ang mga mister ng SexBombs Girls na pumayag maging bahagi ang kanilang mga misis sa reunion concert ng grupo.
Kabilang sa pinangalanan niya ay si Bulacan Vice Governor Alex Castro, ang asawa ni Sunshine Garcia.
Nagsanga-sanga pa ang isyu nang maungkat na hindi pabor si Alvin sa sexual orientation ng kanyang stepchild na si Sofia Trazona.
Si Sofia ay anak ni Izzy sa dating karelasyong si Michael Navarro. Bukas si Sofia sa kanyang transition journey bilang transwoman.
Tahasang nagsabi si Alvin na taliwas sa utos ng Diyos ang pagiging miyembro ng LGBTQ at naniniwala raw siyang sa impiyerno ang bagsak ng mga ito.
Read: K reacts to Alvin's remarks vs celeb parents with LGBTQIA+ kids
IZZY trazona on netizen calling alvin "self-righteous"
Kontrobersiyal ang mga pahayag ni Alvin, ayon sa mga bumatikos dito, dahil naturingan itong self-confessed born-again Christian pero ganoon na lamang kung magkondena ng kapwa.
Ito ang sentimiyento ng ibang nagkomento sa FB post ni Izzy.
Sabi ng netizen, si Alvin talaga ang problema dahil sobrang "self-righteous" daw nito.
Ang mahabang pahayag ng netizen: "Walang problema sa iyo kasi nararamdaman ng tao iyong naging conviction mo at iyong decision mo to follow Jesus at isapamuhay kung ano ang nasa Bible.
"Iyong asawa mo ang problema dahil para siyang modern day Pharisee na sobrang self-righteous at pilit ipinamumukha na better siya kesa sa iba.
"Hindi siya makakahikayat sa pagiging self-serving, controlling, manipulative, morally superior, and appearing arrogant.
"It’s in the delivery and expression na parang may galit at gigil with matching pandidilat ng mata.
"Nakakatakot siya and it’s not coming from a place of love, gentleness, and humility."
Ayon kay Izzy, hindi naman daw perfect ang asawa niyang si Alvin.
"I know and I believe matututunan nya din yun. Like everyone else na nagkakamali din," saad ni Izzy na waring sumasang-ayon na hindi tama ang paraan ni Alvin na "morally superior" sa religious beliefs nito.
Sabi rin ni Izzy: "But the passion to share Jesus ang I hope hindi mawala. Salamat po I respect your opinion po."
Read: Jopay Paguia saddened by Alvin Aragon’s remarks vs SexBomb Girls
IZZY grateful to supporters
Sa kabilang banda, may mga komento rin na galing sa supporters ni Izzy.
Ayon sa isa, "Keep the faith Izzy Trazona-Aragon, just finish your race, Jesus is with you."
Tugon ni Izzy (published as is), "amen! By His grace!!"
Nag-reply din si Izzy sa nagsabing "inspiring" siya.
"Praise God po," ang sagot in Izzy.
Komento ng pang netizen: "I love how you're choosing to focus on the good in every season!
"What the enemy meant for harm, God will use for our good.
"We keep the faith and keep moving forward. You're an inspiration!"
Tugon ni Izzy: "Choosing and deciding to focus on what is important… All glory to Him!!"
Read: 1976: The Golden Year of Philippine Cinema