Itinaon ni Aiko Melendez sa Valentine's Day, February 14, 2026, ang pagkumpirma sa relasyon nila ni Onemig Bondoc.
Masayang pagdiriwang ng actress-politician ang Valentine's day kahapon kapiling si Onemig.
Sa kanyang Instagram account, ibinahagi ni Aiko ang isang heartfelf poem para sa kanyang "soulmate" sa kanilang "First valentines day."
Base sa mga salitang isinulat ni Aiko, malinaw kung gaano kasaya ang puso niya ngayon.
Kalakip nito ang ilang kuha mula sa romantic Valentine's date nila sa isang beach.
May kuha rin sila kasama ang ilang staff ng hotel resort.
Read: Onemig Bondoc, Aiko Melendez "happy together... after 29 years"
Ito ang kabuuan ng tula ni Aiko para kay Onemig:
You are not just the love I asked for,
you are the love I didn’t even know I needed.
With you, love feels calm, safe, and true.
You understand me in silence,
hold me in my weakest moments,
and choose me every single day.
Thank you for loving me beyond my flaws,
for standing by me when things aren’t easy,
and for reminding me that real love doesn’t rush,
it stays.
In a world full of noise, you are my peace.
In every lifetime, I would still find my way to you.
I choose you today, tomorrow, and always.
Happy Valentine’s, my soulmate.
First valentines day!
View this post on Instagram
THE AIKO-ONEMIG ROMANCE
Unang pinag-usapan ang ugnayan nina Onemig at Aiko nang mag-guest ang aktor sa vlog ng aktres noong December 6, 2025.
Dito ay isiniwalat ni Onemig na dati na siyang nanligaw kay Aiko. Hinintay raw niya ang actress-politician sa Subic ngunit hindi ito dumating.
“I was waiting for three hours and my friends didn’t know that I was waiting for someone, so hindi sumipot.
"So, I guess, basted ako,” kuwento ni Onemig.
Sa parehong vlog ay kinumpirma ni Aiko ang kuwento.
“Ako yung hindi sumipot. Bahala na kayo, sige na cheers tayo, sisiputin na kita sa Quezon City,” sabi ni Aiko habang tumatawa.
Read: Andre Yllana, nagsalita sa rumored Aiko-Onemig relationship
Kinumpirma nina Aiko at Onemig na nasa courting stage sila sa pamamagitan ng Tiktok live nila noong madaling-araw ng January 10, 2026, Sabado.
Nasa Batangas noon sina Onemig at Aiko. Hindi umano makatulog ang dalawa kaya’t nagdesisyon silang kausapin ang kanilang fans.
Tanong ni Aiko: “Are we bagay? Talaga ba? Should I give him a chance?”
Maya-maya ay sinagot ng dalawa ang tanong ng kanilang followers kung may relasyon na sila.
“Hindi,” maikling sagot ni Aiko.
“I wish. Pero hindi niya pa ako sinasagot, e,” dagdag ni Onemig.
Nang mabasa naman ni Aiko ang katagang AI (artificial intelligence) sa live chat ay sinabi nitong baka "artificial lang" ang feelings ng dating aktor para sa kanya.
“Uy, hindi, ah. Totoo yung feelings ko sa yo,” pagkontra ni Onemig.
Pahayag pa ng aktor, 29 taon na siyang naghihintay suklian ni Aiko ang kanyang pagtingin.
Dito na rin sinagot ni Aiko kung bakit hindi niya sinipot noon si Aiko sa Subic.
Sabi niya, “Probably kasi I wasn’t ready at the time, and I thought that he wasn’t serious.”
Itinanggi rin ni Aiko ang agam-agam na showbiz lang ang paglitaw nila ng actor-turned-businessman.
Aniya, “Hindi po kami gagawa ng pelikula nga po. Wala po kaming any project together.
"You know naman that Onemig is not active anymore in show business. So it has nothing to do with tsismis o whatever.”
Makalipas ang ilang linggo, malinaw na mas lumalim na ang namamagitan sa kanila.
Read: Ex ni Aiko Melendez na si Jay Khonghun, nali-link kay Chi Atienza