Ganap nang abogado ang dalawang Pinoy celebrities matapos silang pumasa sa 2025 Bar Examinations — ang character actor na si Nico Antonio at ang former-model-turned-actor na si Luke Jickain.
Kasama sila 5,594 bar passers mula sa 11,420 examinees ng 2025 Bar Examinations.
Kabuuang 48.98 percent ang pumasa ngayong taon.
Lumabas ang resulta ng Bar Exam ngayong Miyerkules, January 7, 2026.
Read: Who is Franchesko Juan Capistrano?
ACADEMIC PURSUITS BEHIND THE CAMERA
Bagamat kilala sila sa harap ng camera, nagpursigi sina Luke at Nico academically.
Si Luke ay nagtapos ng law degree sa Arellano University School of Law noong June 2025.
Natapos niya ang kanyang Juris Doctor degree mula sa University of Asia and the Pacific noong 2023.
Ito ang kanyang first take ng Bar Exam.
Noong 2017, inilabas ang pelikulang Bar Boys, ukol sa magkakaibigan na mula sa iba’t ibang larangan at nag-a-aspire maging mga abogado.
Si Luke ang naging basehan ng karakter na si Joshua Zuñiga, na ginampanan ni Kean Cipriano.
Samantala, si Nico ay nagtapos sa kursong European Studies sa Ateneo de Manila Univeristy.
Nagtapos naman siya ng law sa San Beda College noong 2013.
Ito ang unang beses na nag-take siya ng bar exam dahil itinuon niya ang kanyang atensiyon sa pag-arte.
Kabilang siya sa mga pelikulang Balota at Lolo and the Kid noong 2024.
Ngayong MMFF 2025 ay kabilang siya sa cast ng UnMarry, kung saan gumanap siya bilang abogado; at may cameo role din siya bilang guard sa Bar Boys: After School, na tungkol sa lawyers at law students.
Kabilang sa recent TV projects niya ay Mommy Dearest at Sins of the Father nitong 2025.
Si Nico ay anak ng movie producer na si Atty. Joji Alonso.
Read: Philippines included again in Canada’s visa-free travel program