Mariing pinabulaanan ni Randy Lawyer ang mabibigat na akusasyon laban sa kanya ng asawang si Melanie Marquez.
Sa panayam ni Melanie sa Fast Talk With Boy Abunda noong Lunes, Enero 5, 2026, isiniwalat ng beauty queen-actress ang diumano’y pisikal at emosyunal na pang-aabusong naranasan niya mula sa kanyang American husband.
Read: Melanie Marquez claims she was placed in mental and rehab facilities without consent
Ngayong Martes, Enero 6, inilahad ni Boy Abunda sa kanyang programa ang pagtanggi ni Randy sa mga paratang ni Melanie.
Ipinadala ni Randy ang kanyang reaksiyon sa pamamagitan ng email na ipinadala ng legal counsel ng mister ng dating beauty queen.
Ayon sa kampo ni Randy, gawa-gawa lamang ni Melanie ang kuwento nitong pang-aabuso umano sa kanya ni Randy.
Wala raw itong basehan.
Hindi rin umano umabot sa korte ang reklamong inihain ni Melanie laban kay Randy dahil ibinasura ito ng Makati City Prosecutor's Office.
Read: Vice Ganda claps back at netizen over viral “Sino ’to?” video
RANDY LAWYER REACTS TO MELANIE MARQUEZ'S ALLEGATIONS
Ulat ni Boy sa Fast Talk ngayong hapon: “Mariing itinanggi ni Randy Lawyer na sinaktan at inabuso niya ang asawang si Melanie Marquez. We did an interview with Melanie kahapon po.
“Idinetalye ni Melanie kahapon dito sa ating programa ang mga sinapit niya umanong physical and emotional abuse sa kamay ng kanyang asawa.
“Sa email na ipinadala sa amin ng mga abogado ni Randy sa PECABAR Law Office, sinabi nilang may notorious history si Melanie ng paggawa-gawa ng mga istorya ng pang-aabuso laban sa kanyang asawa.
“Ayon sa kanila, napatunayan na ng mga awtoridad na walang basehan ang kanyang mga alegasyon.
"Sa katunayan, hindi raw umabot sa korte ang kasong isinampa ni Melanie laban kay Randy dahil dinismis ito ng Office of the City Prosecutor sa Makati City.”
Nakatakdang humarap si Randy sa Bureau of Immigration para sagutin ang mga reklamo ni Melanie, na nais na ipa-blacklist ang kanyang asawa para hindi na ito makabalik sa Pilipinas.
Read: Legendary Korean actor Ahn Sung Ki dies at 74
Ito ang bahagi ng email mula sa legal counsel ni Randy: “Our client categorically denies these allegations in the strongest possible terms.
"Ms. Marquez has a notorious history of hurling ostentatious, fabricated claims of abuse at Mr. Lawyer — every single one previously investigated and dismissed as baseless and unfounded by the appropriate authority/ies and forum/a.
“The case Ms. Marquez mentioned in the interview that she previously filed against me was dismissed by the Office of the City Prosecutor of Makati (NPS No.XV-05-INV-22K-3036), and did not even reach the court of law.
“This latest stunt is nothing short of malicious harassment, designed to inflict severe reputational damage, emotional distress, and professional harm on our client.
"Mr. Lawyer will address the particularities of the Ms. Marquez’s accusations against him before the Bureau of Immigration, the proper forum.”
Read: Who is Franchesko Juan Capistrano?