Walang makasisira sa kasiyahan ni Carla Abellana na bagong kasal sa kanyang high school sweetheart na si Dr. Reginald Santos.
Ito ay sa gitna ng pambubuska ng ibang netizens sa anila'y "hugis kabaong" na wedding cake ng couple.
Dagdag pa rito si Janus del Prado na ginawan ng meme ang wedding cake na hugis rektanggulo.
Simple ang ang one-tier wedding cake na kulay puti, mahaba, at walang ibang disenyo kundi puting icing din.
Sa tabi nito ay may bouquet of white flowers at maliliit na puting bulaklak.
Ibinahagi ni Janus ang litrato ng wedding cake sa kanyang Instagram post at nilagyan ng text na: "Cake! Ba't mo kami iniwan! Huhuhu!"
"Sisiw na lang kulang," dagdag ni Janus sa caption kalakip ng smiley at peace emojis.
Ang tinutumbok ni Janus ay tulad ng comments ng ibang netizens na hugis kabaong ang wedding cake.
Sa comments section, diretsong nag-reply si Carla sa meme ni Janus.
"Masarap naman at fully edible. Pati guests nag enjoy. Para sa amin maganda siya at yun ang importante," saad ni Carla kalakip ng blushing emoji.
Malinaw na hindi big deal kay Carla kung anuman ang komento sa wedding cake nila ng kanyang mister.
Read: Carla Abellana and Dr. Reg Santos's wedding vows speak of faith
CARLA ABELLANA AND DR. REGINALD SANTOS WEDDING
Sa IG feed ni Carla, ibinahagi niya ang ilan sa unforgettable moments mula sa kanyang wedding day.
Ipinahiwatig din ni Carla na si Dr. Reginald ang kanyang first and last love.
"My first and last. A love story over 20 years in the making. Two lives coming full circle. This is our story," saad sa isang post ng Kapuso actress.
Lubos ang saya niya na nagtagpo raw muli ang landas nila ni Dr. Reginald.
Sabi ni Carla: "Different lives but almost the exact same journey. A love that was once lost has found its way back home."
Inilihim ni Carla ang tungkol sa relasyon nila ni Dr. Reginald.
Pero noong October 2025, naunang inulat ng PEP Troika ang tungkol sa couple.
Sinabi ng PEP Troika na doktor at first boyfriend ni Carla ang nobyo nito; at ikakasal na ang mga ito sa December 27.
Read: Carla Abellana, ikakasal na sa boyfriend na doktor sa December
December 1 nang kumpirmahin ni Carla na engaged nga siya sa nobyong hindi pa niya ipinapakita ang mukha sa mga litratong pinost niya sa IG.
Read: Carla Abellana announces engagement — will a wedding follow soon?
Hinintay ni Carla ang mismong wedding day nila ni Dr. Reginald bago tuluyang ipinakilala ito sa publiko.