Kinontra ni Eric Quizon ang mga pahayag na kumukuwestiyon sa kontribusyon ng yumaong amang si Dolphy sa entertainment industry dahilan para hindi pa ito kinikilala bilang National Artist.
Si Dolphy, na tinaguriang King of Comedy sa Pilipinas, ay pumanaw sa edad na 83 noong July 10, 2012.
Paliwanag ni Eric sa PEP.ph (Philippine Entertainment Portal), may mga kontra na iluklok ang kanyang ama bilang National Artist dahil kuwestiyonable umano ang body of work nito.
“Because, honestly, sinasabi kasi nila ang mga pelikula ng daddy ko daw walang substance, walang laman, puro slapstick,” saad ni Eric.
Hindi tinukoy ni Eric kung sino ang mga kritiko na kumukontra, pero sinalungat niya ang mga ito.
“I beg to disagree,” sabi ni Eric.
“Pag pinanood mo ang pelikula ng daddy ko, parating he talks about family and kids at pagmamahal.
"Parating may family, may touch na ganoon… my dad gives importance to family."
Bukod pa rito, kailangan din daw ikunsidera ang kontribusyon ni Dolphy sa entertainment industry.
Ang showbiz career ni Dolphy ay tumagal ng higit anim na dekada at itinuturing siya bilang isa sa mga haligi ng Philippine entertainment industry.
Pagpapatuloy ni Eric: "Also, sa akin, yung contribution ng daddy ko sa bansa natin, napatawa niya, napasaya niya, kahit sa sandali, sa panonood sa kanya.
"Napasaya niya ang maraming Pilipino.
“So I think that’s a feat na hindi mapapantayan ng kahit na sino.”
Read: Eric Quizon reveals how adopted sister waived her 50% inheritance
KEEPING DOLPHY’S LEGACY ALIVE
Kaugnay pa rin ng isyu ng National Artist, sinabi ni Eric na buhay pa si Dolphy ay nino-nominate na ito para sa parangal subalit hindi naigagawad.
“Buhay pa yung daddy ko parati na nilang nino-nominate,” pakli niya,
Sa puntong ito, kung sakaling gawaran ng posthumous National Artist award ang kanyang ama ay ikatutuwa raw nila ito.
Pero may panghihinayang si Eric.
Aniya: “So alam mo, of course, if they give it to him, thank you. It’s a big… it’s a huge honor.
"If they don’t, okay lang din. Because, I think, he’s already dead.
“So, kung ma-honor man siya, parang posthumously. Sa pamilya namin, yes [karangalan siya].
"Pero sana ibinigay nila sa daddy ko nung buhay pa siya, because he deserves it. My dad deserves it.”
Para sa kanilang mga naiwan ng Comedy King, sinabi ni Eric na ang importante ay panatilihing buhay ang sinimulan at iniwan ng kanilang ama.
Paliwanag ni Eric: “So, more than the award, I think my dad being considered the King of Comedy, and even up to now yung legacy niya nagpapatuloy pa rin. So, happy na kami doon.
“Iyon talaga yung purpose namin. That’s why we’re doing all these things, kasi gusto naming ipagpatuloy ang legacy ng daddy ko.”
May mga anak si Dolphy na nakilala sa showbiz, tulad nina Eric, Epy Quizon, Vandolph, at Zia Quizon.
Bukod pa rito, may ventures din ang pamilya na pagkilala sa kanilang ama, tulad ng Banayad Whiskey na negosyong sinimulan ng Quizon brothers.
Ang brand ng alcoholic drink ay associated sa isang movie project noon ni Dolphy, ang Father En Son (1995), kunsaan sa isang eksena, pinaiinom ng alak ang karakter ng Dolphy para sa isang commercial shoot, at nalasing siya dahil sa dami ng takes.
Read: Eric Quizon at mga kapatid, walang isyu pagdating sa negosyo