Single at walang dine-date si Joseph Marco, 37, sa ngayon.
Pero hindi raw ibig sabihin ay hindi siya masaya ngayong panahon ng Kapaskuhan.
Ilan sa mga dati niyang nakarelasyon ay ang Russian model na si Dasha Rokanova at Filipino-Italian beauty queen na si Celeste Cortesi.
"You have a free will, you know. You can do whatever you want," saad ni Joseph nang tanungin ng PEP.ph (Philippine Entertainment Portal) kung ano ang advantage ng pagiging single.
"And at the same time, you know, walang distractions. You can focus on yourself, focus on your family and focus on the things that you love," dagdag niya.
Sa kaso niya, "Well, right now, I really want to focus on work."
Nakapanayam ng PEP.ph si Joseph sa solo presscon niya para sa Hanford noong December 22, 2025.
Read: Kathryn Bernardo, Daniel Padilla cross paths; Daniel brings Kaila
RELATIONSHIP ADVICE
Kung mayroon siyang relationship advice na pina-practice niya mismo, iyon daw ay paghinang ng mga katangiang makakabuti para sa self-growth.
Paliwanag ni Marco: "Take care of yourself for her and you take care of yourself for me.
"Kasi, ang nangyayari baliktad, e. Na, 'Alagaan mo ako, girlfriend kita, e. Alagaan kita, girlfriend kita.' Hindi.
"Once you take good care of yourself, she's going to benefit from it.
"If you read so much books, you take care of yourself, you eat good food, you try to be better each day as a person, siya magbe-benefit. Makikita niya, mai-inspire siya.
"So it's, you know, kumbaga, kargo mo sarili mo, kargo ko sarili ko."
Hindi raw puwedeng iasa sa karelasyon ang kasiyahan ng isang tao.
Sumang-ayon si Joseph sa awtor na ito na "one complete person plus one complete person equals a healthy relationship."
"Exactly," tugon ni Joseph.
"Kasi, you know, nagiging misconception, kapag malungkot tayo, kapag damaged tayo, we're gonna look for someone who's gonna save us.
"Like, if you're not fully healed, if you're not completely okay, kawawa lang yung tao.
"You're gonna say you're okay. But then again, pag nag-away na kayo and naging toxic na, ikaw, lalabas yung toxicity mo kasi hindi ka pa talaga fully healed.
"So, you really have to be super okay before you enter a relationship.
"I think that's the best thing kasi, or else, ipapasa mo lang yung mga traumas mo in life. Kawawa lang yung tao."
Read: Jason Hernandez spends Christmas in El Nido with new girlfriend
ON INVESTMENTS
Sa kabilang banda, kung meron mang pinag-iipunan si Joseph, iyon ay ang pagbili ng properties.
Liban doon ay wala raw maituturing na luxury si Joseph.
"I feel like I'm done with them. You know, there's a term that says just because something is hard to obtain doesn't mean it's valuable.
"Look at the car he's driving, look at the watch he's wearing, look at the girl he's with. Pag inisip mo, 'Sh*t, ang hirap makuha ng mga yan, so sobrang valuable siguro yan.'
"But then you have it, sure, me-enjoy mo siya, for what? Three months, four months, five months. And then you feel empty again."
Read: Rey PJ Abellana, hindi raw invited sa kasal ng anak na si Carla
JOSEPH MARCO ON REAL HAPPINESS
Hindi raw siya attached sa mga materyal na bagay.
"I really think that the most valuable things in life are family, friends, you know, like the fulfillment for yourself, your soul, and your purpose.
"So, I feel like I'm just grateful that I'm done with material stuff. Pinagdaanan ko siya, na-enjoy ko siya, but it's not the answer to happiness."
Sabay paglalarawan ni Joseph sa kung ano ang kasiyahan para sa kanya:
"I feel like happiness is fleeting. If you keep chasing happiness, you know the term hedonic treadmill? Para kang nasa treadmill, always running, always near but never arriving.
"You keep on wanting more even after you get to a certain point.
"But when you learn how to be content, it's amazing—the wonders it gives to your body," lahad ni Joseph.
Read: MMFF 2025 Gabi ng Parangal: Full list of winners
WHAT'S NEXT FOR JOSEPH MARCO
Sa huli, ibinahagi ni Joseph na excited siya sa susunod na proyekto niya sa Viva Entertainment sa 2026.
Ayaw pang magbigay ng detalye ni Joseph, pero ang tanging sinabi nito ay sisimulan niya ang bagong proyekto pagpasok ng January 2026.
Noong July 2025 ay lumipat siya sa Viva Artists Agency, ang talent management arm ng Viva Entertainment.
Ito ay makalipas ang 15 taon niya sa Star Magic, na talent management arm ng ABS-CBN.
Unang proyekto niya sa Viva ay ang I Love You Since 1982, ang seryeng pinagbidahan nila nina Heaven Peralejo at Jerome Ponce.
Read: Joseph Marco, nasa Viva na matapos ang 15 years sa Star Magic