Kay Carla Abellana na mismo nanggaling na ngayong taon ang huling Pasko niya bilang isang "Miss."
Sa kanyang Instagram Story ngayong Biyernes, December 26, 2025, nag-post si Carla ng isang phrase kung saan mababasa rito ang mga salitang "Last Christmas as a Miss."
Ang post na ito ni Carla ay kumpirmasyon sa iniulat ng PEP.ph (Philippine Entertainment Portal) na bukas, December 27, gaganapin ang kasal niya sa kanyang non-showbiz boyfriend na si Dr. Reginald Santos.
Hindi rin nag-atubiling i-post ni Carla ang mga larawang kuha sa kanyang tila bridal shower na handog ng kanyang beauty-clinic sponsor.
Makikita ritong nakasuot si Carla ng sash na may nakasulat na "Bride to Be."
View this post on Instagram
Read: News reporter Nico Waje, umalis na sa GMA Integrated News
CARLA ABELLANA AND HER DECEMBER 27 WEDDING IN TAGAYTAY
Iniulat ng PEP Troika noong December 19 na isang showbiz insider ang nagsabing tiyak na hindi makakadalo si Carla sa Gabi ng Parangal ng Metro Manila Film Festival (MMFF) 2025 dahil kasabay ito ng kasal ng aktres sa Tagaytay.
Kasali si Carla sa MMFF 2025 official entry na Shake, Rattle & Roll: Evil Origins ng Regal Entertainment, Inc..
Noong December 1, proud na ibinahagi ni Carla ang larawan ng engagement ring niya mula sa kanyang fiancé, na hindi pa niya ipinakikilala sa publiko.
Makikita sa larawan ang kamay ng aktres na suot ang engagement ring. Nakahawak ito sa kamay ng kanyang fiancé.
Ang unang bahagi ng caption ni Carla ay may tatlong white heart emojis.
Sinundan niya ito ng mga salita mula sa Jeremiah 29:11: “\’For I know the plans I have for you,\’ declares the LORD, \’plans to prosper you and not to harm you, plans to give you a hope and a future.\’”
Read: Carla Abellana announces engagement — will a wedding follow soon?