Nilinaw ni Lars Pacheco na totoong nag-usap sila ng ex-boyfriend na si Clyde Vivas, pero hindi raw sila nagbalikan.
Ito ang pahayag ni Lars na nadadawit sa breakup ni Clyde at ng isang non-showbiz girl na kinilalang si Airha Shane Lee.
Read: Lars Pacheco admits cheating on Clyde Vivas three times
Parehong TikToker sina Clyde at Airha kaya napag-usapan ng netizens ang breakup nila matapos ang tatlong buwang relasyon.
Si Clyde ay may 203,100 followers sa TikTok, habang si Airha ay may 41,500 followers at press time.
Si Lars ay isang trans woman na nakilala nang maging finalist sa "Super Sireyna" ng Eat Bulaga! at naging second runner-up sa Miss Q&A ng It's Showtime noong 2018.
Ngayong Lunes, November 24, 2025, nag-post si Lars sa Facebook ng kanyang paliwanag tungkol sa pagkikita nila ni Clyde.
May patutsada rin siya sa babaeng karelasyon ni Clyde.
Hindi pinangalanan ni Lars si Airha, pero may netizen na nag-tag sa huli sa comments section.
Pahayag ni Lars (published as is): "Di kmi nagkabalikan ni Clyde pero kung tungkol sa lapad i spill the tea mo at sa mga ka vid call nya, go mo na. Tas ako naman.
"HAHAHA te kalma ha #NakwentoLangNaman."
Sa comments section, may iba pang pahayag si Lars na mahihinuhang nagre-react sa TikTok post ni Airha.
"Lapad? Eh baka japanera ka? May charet sa dulo.
"May kagat kagat kasi si Girl. Eh wala naman ako kinalaman sa kanila HAHAHHA naging aso pa ako ngayon. Kaka stalk ko lang first time in forever.
Kasabay nito ay sinabi ni Lars na nadadawit umano siya sa breakup nina Clyde at Airha.
Nakatanggap daw kasi si Lars ng mga mensahe sa mga kaibigan ni Airha para tanungin siya kung nagkabalikan sila.
Ayon kay Lars: "MGA BESH DEDMA NAMAN AKO SA KANILA EH.
"NUNG NAG USAP KAMI NI CLYDE HIWALAY NA SILA.
"NGAYON MGA KAIBIGAN NYAN PINUPUTAKTE AKO SA MESSAGE REQUEST ASKING KUNG NAG KABALIKAN BA KAMI NUNG ISA LIKE WTF.
"YUNG INYO KUNG BAT KAYO NAG HIWALAY LABAS AKO DON DAHIL UNA SA LAHAT DI KO KAYO KILALA.
"KUNG NAG HIWALAY KAYO MAG HIWALAY KAYO. OUT AKO."
Pakiusap ni Lars, huwag na raw siyang idamay dahil nag-usap lang sila ni Clyde.
Hindi rin daw maintindihan ni Lars kung bakit sa kanya pa nagsumbong si Clyde tungkol sa kung anumang isyu nina Clyde at Airha.
"EWAN KO BA SA EX KO PARANG [expletive]. SAKIN PA NAG SUMBONG HAYOOOOP HAHAHAHHAHAHA WEIRD.
"BASTA ANG ALAM KO ANG KINAKAPUTOK NI GIRL SINCE DI NAMAN TALAGA SYA BET NUNG UNA MAY KASABAY NA NAKAKAUSAP SI KALAYD DALAWA SILANG KA VID CALL.
"EH ANO GAGAWEN SINGLE NGANI. HAHAHAH
"TAPOS NEXT NAG BIRO YATA NA BAKA DI MABIGYAN NG LAPAD SINCE NASA JAPAN SI GIRL AT PALAMUNIN NGA SI KALAYD.
"GANUN OTHER THAN THAT. EWAN KO…. TINGNAN NATIN SA SPILL THE TEA NA PARA BANG KA ABANG ABANG.
"[Expletive] CLYDE AKO PA TAGA PAGTANGGOL MO NGAYON IMBIS NA POKUS NA KO SA BESTIIIE KO."
Idiniin din ni Lars na sana ay huwag na siyang kulitin ng mga kaibigan ni Airha.
Dagdag niya: "Labas din mga frenny mong nag SS pa ng mga chat ni Kalayd tas wala inalis pa name. For the TEA. Hindi exciting babe. Live ka tas invi mo me."
Base sa iba pang pahayag ni Lars, nagsilbing "closure" rin nila ni Clyde ang nangyaring pag-uusap nila.
May netizen kasing nagtanong kay Lars kung bakit daw umentra sa eksena si Lars para makipag-closure kung kahihiwalay lang nina Clyde at Airha.
Hirit ni Lars: "WALA KA NA DON!!! DAPAT ANG TANONG BAT SYA UMENTRY EH WALA PA NGA KAMING CLOSURE. CHAROT HAHAHAHHAHAHA."
May nagtanong pa kung ano ang ginagawa kapag may closure.
Sagot ulit ni Lars: "KAIN SA MCDO TAS HATID PAUWI."
Naghiwalay sina Lars at Clyde noong August 2025. Unang nagsapubliko nito si Clyde, na inaming iniwan daw siya ni Lars habang siya ay natutulog.
Read: Clyde Vivas reveals Lars Pacheco left him while he was sleeping
Wala raw silang pagkakataong magkaroon ng pormal na pag-uusap bago ang kanilang breakup.
Inamin naman ni Lars na tatlong beses siyang nagtaksil bago nakipaghiwalay kay Clyde.
Read: Ellen Adarna shows convo with Derek Ramsay's ex-girlfriend
CLYDE AND AIRHA'S BREAKUP
Anim na araw ang nakalipas mula nang inanunsiyo ni Airha na hiwalay na sila ni Clyde.
Nag-post sa TikTok si Airha ng video na umiiyak kalakip ng kumpirmasyon niya.
"The tears say it all we’re not together anymore.
"I’m not ready to talk about what happened, because remembering everything still hurts so much.
"In time, things will make sense. To everyone messaging me, I’ll be okay. I’ll get through this."
Nang mga sumunod na araw, nag-post uli si Airha ng video na may text na "Don't mess with the girl who has all the receipts."
May ilan ding netizens na sinagot ni Airha sa comments section ng kanyang TikTok.
Isa rito ay ang pagdiin ni Airha na wala siyang planong makipagbalikan kay Clyde.
Sabi kasi ng isang netizen (published as is): "Babalikan ko to pag umuwi sya ng pinas tas susunduin sya ni clyde with flowers, napanuod ko na to ee."
"Kahit candy na lang pass po," sagot ni Airha.
Kasalukuyang nasa Japan si Airha dahil may trabaho siya roon.
Wala pa ring pahayag si Clyde tungkol sa isyu.