Hindi pa tapos si Ellen Adarna sa mga rebelasyon niya kaugnay ng hidwaan nila at paghihiwalay ni Derek Ramsay.
Pinag-usapan recently ang Instagram Stories ni Ellen na may kinalaman sa marital issue.
Sa previous Instagram Story, binanggit ni Ellen na ilang buwan na silang break ni Derek.
Ang pangunahing dahilan ay ang pagkadiskubre ni Ellen sa kutob niyang noon pa man ay mayroon na umanong side chick ang aktor.
May screenshot na ibinahagi si Ellen na ipinapakitang itinatanggi ni Derek ang paratang.
Bukod doon, may mga “resibo” ring inilabas si Ellen para patunayang minura siya ni Derek.
May screenshot ding ibinahagi si Ellen na itinanggi ni Derek sa kausap nitong netizen ang alegasyong minura ni Derek si Ellen.
Ikinasal sina Ellen at Derek noong November 2021. Anim na taon na silang kasal.
Read: Ellen Adarna disputes Derek Ramsay’s "never cursed my wife" claim
ELLEN shares MESSAGE FROM DEREK’S EX
Isa sa recent na ibinahagi ni Ellen sa pamamagitan ng kanyang Instagram account ay may kinalaman sa isyu ng pagkakaroon umano ng "side chick" ni Derek.
Lumalabas sa posts ni Ellen na tinutunton ng kanyang followers, pati na rin ibang netizens, kung sino ang "side chick" ng aktor.
Kaya naman nililinaw ni Ellen ang mga babaeng nadadawit at pinaparatangang side chick.
Nauna nang sinabi ni Ellen na ang "side chick" na ito ay matagal nang kakilala ni Derek. Ang mga sources daw ni Ellen ay ex-girlfriends ng aktor.
Sabi ni Ellen, "Well, according to my reliable sources na mga ex niya, that side chick has always been there.
"Like, decades na. Nakailang girlfriend na si Derek nandiyan siya."
Pero giit ni Ellen, wala sa mga naging ex-girlfriends ng aktor ng sinasabing side chick.
Isang ex-girlfriend daw ni Derek na nagngangalang “Alexa” ang nag-message kay Ellen. Napaparatangan daw si Alexa na siya ang tinutukoy na side chick.
Inabsuwelto ni Ellen si Alexa.
May permiso raw si Ellen na ibahagi ang pahayag ni Alexa sa isyu.
Giit ni Ellen sa recent IG Story (published as is): “Mga Marites, stop blaming and messaging Alexa (Derek’s Ex) for being the side chick.
"She reached out to me directly – and this is what she said. She asked me to share it publicly so people know her truth.
"And for the record, I only received this message today.”
Mababasa sa screenshot na natanggap ni Ellen ang mensahe ni Alexa mula sa kinabibilangan nilang group chat ng mga ex-girlfriends ni Derek.
Dito ay inilahad ni Alexa na napagbibintangan siyang side chick dahil nakarelasyon niya ang aktor noon sa loob ng maraming taon at nanatili siyang tahimik.
Sinabi rin niya ang naranasan niyang “emotional and psychological patterns” habang nasa relasyon.
"During that time, I made choices that were completely out of character for me," mensahe ni Alex. "I carried a lot of shame, and for years I blamed myself for everything that happened."
Pero kabig niya, "But in saying this, I'm not putting all the blame on him."
"I enabled the behavior each time I chose to stay or when I caved in. He saw my weakness and used it to his advantage,” parte ng mensahe ni Alexa kay Ellen.
Tahasang binanggit din ni Alexa ang aniya ay “manipulation” sa kanya.
"I didn't understand what manipulation looked like or how deeply it can distort your sense of self."
Sa huling bahagi ng mensahe, nagpasalamat si Alexa kay Ellen sa pagkakaroon ng huli ng lakas ng loob na magsalita.
Parte ng mensahe ni Alexa, “I’m so glad you’ve broken the silence and hopefully that very toxic cycle.”
Pagpapasalamat pa ni Alexa kay Ellen, “Thank you for being the voice I never had. For what it’s worth, you have all my support.”
Muling giit ni Ellen sa isang IG Story (published as is), “Again – the side chick was NEVER a girl friend.”
ELLEN REVEALS TALKING TO HER LAWYER
Sa kabilang banda, nag-post ng panibagong video si Ellen via Instagram Story kahapon, Biyernes, November 21, 2025.
Ani Ellen, “I’m taking a break from all this. I’m moving out so I have a busy, busy week.”
Pinaghahandaan ngayon ni Ellen ang paglipat sa bagong bahay at lilisanin ang bahay nila ni Derek sa isang high-end subdivision sa Muntinlupa City.
Sa video ay ibinunyag ni Ellen na hindi lamang siya ang nakaranas ng diumano’y harassment mula kay Derek.
Hindi binanggit ni Ellen ang pangalan ni Derek, bagkus ang ginagamit ay ang panghalip na "he," na malinaw namang si Derek ang tinutukoy.
“But I have more receipts, not just recordings of him and me…” sabi ni Ellen para patunayan ang kanyang paratang laban sa asawa.
“Even my nannies, ‘Day, hindi niya tinantanan. Meron akong mga ano niya, pati mga yaya umiiyak na.
“But we’ll see if I wanna show the whole world that or sa courtroom.
“Yeah, three of my nannies he terrorized and I have proof,” pahayag ni Ellen.
Tumingin sa camera si Ellen at nagturo, “And I am always the person na… I’m always the person who has receipts, proof and I have strong witnesses. So, there. Yeah.
“Let’s resume when I’m ready. Let’s see. I’d have to talk to my lawyers, and, yeah. Bye, see you soon.”
Wala pang direktang reaksiyon si Derek kaugnay ng mga alegasyon ni Ellen laban sa kanya.
Sinisikap din ng PEP na kunan siya ng pahayag kaugnay ng isyu. Agad ilalathala ng PEP ang panig ni Derek sa isyu.
Mananatiling bukas ang PEP sa anumang pahayag ng mga personalidad na nabanggit sa artikulong ito.
Read: Ellen Adarna set to leave Derek Ramsay's house after breakup