Walang awat si Ellen Adarna sa paglalabas ng diumano’y mga baho ng estranged husband niyang si Derek Ramsay.
Sa bago niyang Instagram Stories nitong Miyerkules ng gabi, November 19, 2025, panibagong "receipt" ng umano'y pagmumura at pagbibitaw ng masasakit na salita ni Derek sa kanya ang isinapubliko ng dating aktres.
Ito ay sa gitna ng kontrobersiyang bumabalot sa hiwalayan ng mag-asawang Ellen at Derek, makaraan ding ibunyag ni Ellen ang umano'y pagtataksil ng kanyang mister.
Read: Ellen Adarna reveals husband Derek Ramsay’s supposed infidelity
Maririnig sa video at audio recordings na ipinost ni Ellen ang matinding pagtatalo nila ni Derek na humantong para magsigawan sila at magbitaw ng malutong na mura ang aktor.
Giit dito ni Ellen, bagamat normal ang pagkakaroon ng away sa pagitan ng mag-asawa, dapat ay manatili pa rin daw ang respeto sa isa’t isa, bagay na hindi raw nagawa sa kanya ni Derek.
Mababasa sa kanyang IG Story (published as is): "Kung magka away man, lets keep it respectful — walang murahan, walang sigawan.
"Normal lang ang conflict, it takes two to tango, but cursing and shouting should never be part of it.
"There are healthier ways to express anger. going beast mode is never the solution.
"Im no saint and Im not pretending to be perfect. I know I can be difficult sometimes — minsan I shut down and give the silent treatment, and I understand that can trigger people who are very confrontational."
Read: Ellen Adarna disputes Derek Ramsay’s "never cursed my wife" claim
Ellen reveals why she exposed DEREK’s wrongdoings
Sa isa pang hiwalay na IG Story, ipinaliwanag ni Ellen kung bakit niya ginawa ang sunud-sunod na pagsasapubliko ng sensitibo at pribadong away nila ng kanyang asawa.
Nais daw niyang magbigay-aral sa mga kagaya niyang kababaihan na hindi dapat pumapayag magpaabuso sa kanilang mga kinakasama.
Read: (Updated) Ellen Adarna's ex-boyfriends and the one she married
Pahayag ni Ellen (published as is): "The reason Im exposing this is simple. behavior like this — cheating, psychological abuse, disrespect toward women should never be tolerated.
"When we stay silent, we enable it. Women deserve safety, honesty, and respect, and calling this out is how we break the pattern and demand accountability."
Ellen AS "spokesperson" for Derek’s exes
Sabi pa ni Ellen, panahon na para matuldukan ang diumano’y masasamang gawi ni Derek sa mga babaeng nakakarelasyon nito.
Ayon sa aktres, hindi lamang siya ang nakaranas ng hindi maganda sa aktor, kundi pati na rin ang mga dati nitong kasintahan.
Dito mahihinuha na mayroong komunikasyon si Ellen sa ilang ex-girlfriends ni Derek.
Read: Derek Ramsay history of ending relationship with ex-girlfriends
Napagdesisyunan daw nila na si Ellen ang magsilbing “spokesperson” ng grupo upang isiwalat sa publiko ang masasamang ginawa umano ng aktor sa kanila.
Matapang na pahayag ni Ellen (published as is): "After talking and comparing notes with the exes, we agreed na ako na lang ang spokesperson since I'm the fearless one enough to speak.
"Theyve actually endured worse than I have, and they gave me their full blessing to raise the banner for all of us. And I told them, don’t worry, I got you girls.”
Hindi malinaw kung may kinalaman dito ang pagkikita kamakailan ni Ellen at ng ex-girlfriend ni Derek na si Joanne Villablanca sa isang art exhibit.
Read: Ellen Adarna and Joanne Villablanca cross paths at an event
Habang isinusulat ang artikulong ito ay wala pa ni isang pahayag o reaksiyong inilabas si Derek sa mga paratang sa kanya ni Ellen.
Read: Ellen Adarna praises John Lloyd Cruz for being a "present father"