Kinontra ni Ellen Adarna ang pahayag ng estranged husband niyang si Derek Ramsay na kailanman ay hindi siya nito minura o pinagsabihan ng masasakit na salita.
Ito ay sa gitna ng kontrobersiyang bumabalot sa hiwalayan ng mag-asawang Ellen at Derek.
Read: Ellen Adarna reveals husband Derek Ramsay’s supposed infidelity
Panibagong magkakasunod na Instagram Stories ang ipinost ni Ellen ngayong Miyerkules, November 19, 2025, para kontrahin ang naging komento ni Derek sa isang post sa Facebook.
Nagkomento si Derek sa video ng dating at love coach na si Vanessa Antonio, kung saan sinabi nitong nakitaan daw niya noon pa man ng red flag ang aktor nang minsang mapanood niya ang video ni Derek na minura ang misis nitong si Ellen.
Pahayag ni Vanessa sa video: "I knew that they were about to break up. [Because] they had this video in the past where in Ellen surprised Derek, he was sleeping and then ginulat.
"One thing I remember from that video is I think, either unintentionally or intentionally, namura niya si Ellen doon sa video na yon.
"When I saw that nagulat ako kasi unang-una, if a husband cursing the wife, for me ah, this is personal take—it is a red flag.
"Second is, imagine cursing the woman who gave birth to your child — that gives me a lot of cringe."
Read: Ellen Adarna praises John Lloyd Cruz for being a "present father"
Sa comments section ng video na ito ay nagkomento si Derek. Itinanggi niya ang paratang ng love coach.
Mababasang comment ni Derek (published as is): "For your information I never cursed my wife mam!!! Ellen and I would always prank each other and we never got mad at each other."
ELLEN releases yet another "receipt" against Derek
Ang pahayag na ito ni Derek ay mariing kinontra ni Ellen.
Sa kanyang IG Stories, ipinost ni Ellen ang screenshot ng naging komento ni Derek, kalakip ang caption niya ritong, "Hay naku derek..."
Kasunod nito ay nag-upload si Ellen ng kuha niyang video kunsaan maririnig ang pagmumura diumano sa kanya ng asawa.
Ani Ellen, nangyari ang insidente noong six months pregnant siya sa anak nila ni Derek.
Maririnig na sabi ni Derek sa video, "Napakaduwag mo. Puro ka lang salita. Ayan ang problema sa 'yo. You go avoid every f*c*ing conflict in life."
Tatlo pang magkakasunod na audio recording ang ipinost ni Ellen kunsaan maririnig ang pagtatalo nila ng kanyang mister.
Kuha ang recording noong December 18, 2021, base sa post ng Cebuana actress.
Hindi matukoy kung ano ang pinagdidiskusyunan ng dalawa na nauwi sa galit at sigawan.
Narito ang translation ng unang audio recording:
Derek: "That's the ultimate f*ck*ng..."
Ellen: "Yeah, cause you're shouting. You're always shouting. You always raise your voice."
Derek: "I'm always shouting, sumisigaw na ako sa pamamahay na ito. Napakamanhid mo."
Sa isa pang video, maririnig ang malutong na pagmumura ni Derek.
Maikli lang ang pangalawang video dahil, ayon kay Ellen, sinadya niya itong putulin dahil nagbanggit si Derek ng pangalang ayaw nang madamay pa ng aktres.
"P*ta*g *na eto na, sa yo na ito. P*ta*g *na," mariring dito.
Sa pangatlong audio recording ay hindi pa rin matukoy kung ano ang kanilang pinag-aawayan, ngunit base sa mga binitawang pahayag dito ni Derek ay nagagalit siya na diumano'y sinisiraan siya ng kanyang misis sa ibang tao.
Narito ang transcription ng pangatlo at huling audio recording na isinapubliko ni Ellen:
Ellen: "Di ba, I told you, I told you I was quiet because why was he so worried about the things when the house is falling apart."
Derek: "Maybe because that means something. Kasi ang problema sa iyo, everything is an object that can be replaced.
"So, sabihin mo sa akin, pareho kami? Sabihin mo, tingnan mo kung ano ang mangyayari dito. Sabihin mo! Hindi mo masabi?
"I wish you could see yourself in the mirror. You're too cool. You're the sh*t.
"Kahit sa mga boss mo, puro ka paninira sa akin.
"Grabe ang sarap sa pakiramdam, ang taong mahal mo walang masabing maganda tungkol sa iyo. Pareho pala kami, bakit mo ko pinakasalan, p*ta*g *na."
Sinusubukan pang hingan ng PEP.ph (Philippine Entertainment Portal) ng reaksiyon si Derek tungkol sa mga bagong akusasyon sa kanya ni Ellen, ngunit hanggang ngayon ay hindi pa siya sumasagot sa ipinadala naming text message.
Read: Ellen Adarna says she never unfollowed Derek Ramsay on Instagram