Ayon sa kambal na sina Cassy at Mavy Legaspi, hindi nakikiaalam ang mga magulang nilang sina Zoren Legaspi at Carmina Villarroel sa personal nilang buhay.
Sa panayam nila sa programang Fast Talk With Boy Abunda, na umere noong October 9, 2025, naitanong sa kanila ang tungkol dito.
Pag-uusisa ni Boy Abunda, "Gaano kalaki ang influence ng iyong parents or nakikialam ba sila sa love life ninyo?"
Mabilis na sagot ni Cassy: "No. No. They don't.
"Unless we ask for advice or anything like that, that's when they share a bit.
"Pero at the end of the day, again po, they always say, 'It's up to you. It's your life. It's your decisions.
"'Pero if you need advice, if you need guidance, we are just here.' Yun lang."
Sabi naman ni Mavy: "They're relaxed individuals. I think that's the, really... that's the biggest misconception na istrikto sila sa pag-ibig, whatsoever.
"No. At the end of the day, they just let us... they just let us love.
"I mean, for example, with Ashley [Ortega] and I now, nagulat na lang sila, you know.
"And they... it's always been like that, even with my past, whatsoever. They're just, they're just very lenient, you know."
Read: Carmina Villarroel approves of Ashley Ortega for Mavy Legaspi
ZOREN, CARMINA ON TWINS MAVY AND CASSY
Nauna nang sinabi ni Zoren sa eksklusibong interview ng PEP.ph (Philippine Entertainment Portal) na hindi siya nakikialam sa pribadong buhay ng mga anak.
Saad ng Hating Kapatid star: "Never. They have their own lives. They have their own journey. That's their journey.
"Kung mahuhulog sa bangin, tinawag ang pangalan ko, doon lang ako dadating.
"Pero hangga't nandiyan ka, nadapa ka, hindi mo ako tinawag, wala ako doon. Hintayin kong tawagin mo yung pangalan ko."
Gayundin sa kanilang mga karera ay hindi rin siya nangingialam dito.
Ayon kay Zoren: "Wala, e, kasi basta lagi ko lang sinasabi, e, na unahin nila yung trabaho nila over whatever, over yung relationship.
"In general naman yan, e. Minsan kasi pag tayo umibig, in general, pag tayo umibig, minsan nakalimutan natin yung trabaho."
Read: Zoren Legaspi explains why he doesn't meddle in his twins' issues
Iniintriga si Carmina na nakikialam umano ito sa buhay pag-ibig ng anak na si Mavy noong girlfriend pa nito si Kyline Alcantara.
Nalampasan na ang mga akusasyong ito at ngayo'y masaya na si Mavy sa piling ng bagong nobyang si Ashley Ortega, at botong-boto raw sa kanya si Carmina.
Pahayag ni Carmina sa panayam pa rin ng PEP.ph: "I’m very happy, very, very happy.
"Di ba, sabi nga nila, after the storm, the sun shines in. So, sunshine talaga.
"Nagugulat din ako sa family namin. Nandun na kami sa... with so much going on sa family namin, ang dami naming blessing.
"Not only with this show, meron pa kaming movie for the Metro Manila Film Festival, as a family."
Natuto na rin daw ang aktres paano i-handle ang mga bashers na naglipana noon.
Aniy:, "Like I’ve said, I cannot please them.
"Even if I defend myself, even if sabihin ko na, 'I’m not like that, I’m like this.' Kung ayaw nilang maniwala, hindi sila maniniwala.
"But again, nandun na ako sa point ng buhay ko na bahala na kayo.
"Basta kami, nagpapasalamat kami sa lahat ng nagmamahal at nagtitiwala sa pamilya namin.
"Ang importante naman, yung kaming family ay nagkakaintindihan kami, okay yung mga bata.
"Hay naku! Sobrang happy na."
Inamin ni Carmina na boto siya sa nobya ngayon ni Mavy na si Ashley.
"I love Ash. Naka-work ko na siya before and okay ako sa kanya."
Nagkasama sila sa defunct Kapuso primetime series na Widows' Web (2022).
Dagdag pa niya, "Kaya nang dinala siya ni Mavy sa amin, 'Oh, hi!' Siyempre, magkakilala na.
"Gayundin, nagkatrabaho sila ni Zoren. Walang problema.
"At lagi kong sinasabi, si Ashley is very respectful. She’s so much of a sweet lady."
Read: Carmina Villarroel approves of Ashley Ortega for Mavy Legaspi