Kinumpirma ni Alexa Miro, 30, na si presidential son at Ilocos Norte First District Representative Sandro Marcos, 31, ang tinutukoy niyang naging kasintahan sa loob ng limang taon.
Read: Alexa Miro reveals breakup with boyfriend over third party
Tuluyan niyang inamin ang nakaraan nila ni Sandro nang makapanayam ng PEP.ph (Philippine Entertainment Portal) sa sidelines ng mediacon ng TV5 reality show na Sing-Galing: Sing-lebrity Edition.
Ginanap ang event sa Padi's Point sa Tomas Morato, Quezon City kahapon, September 25, 2025.
Consistent sina Alexa at Sandro sa pagsasabi sa mga panayam sa kanila noon na malapit lamang silang magkaibigan.
"Reason behind that decision was for safety purposes and precautions because siyempre kasi sila ang ating first family," saad ni Alexa nang tanungin kung bakit siya pumayag sa set-up na itago sa publiko ang kanilang relasyon ni Sandro.
Pagpapatuloy niya, "Malaki ang tiwala ko sa bigger picture, even though there are many things that we don't understand.
"I believe it's always right to always look at the bigger picture. Baka there's a grand scheme of things na di natin nari-realize na better for everyone."
Tatlong araw pa lang ang nagdaan mula nang maglabas ng saloobin si Alexa tungkol sa heartbreak niya via TikTok Live.
Bakit sa tinagal ng panahong itinago niya ang kanyang buhay pag-ibig ay nagdesisyon siyang magsalita sa TikTok Live?
"Nasaktan kasi talaga ako sa mga huling kaganapan kaya siguro naramdaman ko na baka panahon na para magsabi ng totoo," katuwiran ni Alexa.
"Di ko rin alam, e. Di ko pa nasasagot ang katanungan na yan kasi very fresh pa yung nangyayari.
"Parang nangyari lang ito lately. I'm still wrapping my head around it kung bakit ko nga ba nagawa yun, ano ba ang purpose nun.
"Tulad nito, mayroon naman tayong maaayos na interviews. Parang siguro nung panahon na yun, di lang ako nakapag-isip nang maayos.
"But I forgive myself for it. We are just human at the end of the day."
Nilinaw ni Alexa na hindi siya nag-iingay para lamang sa publicity.
Lahad niya: "Hindi naman ako gumigimik o nag-iingay. Mayroon lang akong personal na nararamdaman, na pinagdadaanan sa buhay ko, kaya ako nakapag-TikTok Live nga at nasabi ko yung mga nasabi ko dun.
"Wala naman akong gustong saktan o paringgan talaga. Parang nagkataon lang na wrong place, wrong time.
"I was so full of emotions. I was angry so I wanted to speak up.
"Di ko lang kasi alam kung kailan darating ang tamang panahon para makapag-speak up, pero baka naramdaman ko nung panahon na yun."
Read: Carla Abellana reacts to Tom Rodriguez fathering a child
ALEXA MIRO ON SECRET RELATIONSHIP WITH SANDRO MARCOS
Marami sa mga magkasintahan sa showbiz ang umaamin lang kapag hiwalay na.
Sa kaso nina Alexa at Sandro, may mga bagay daw silang isinaalang-alang.
Paliwanag ni Alexa: "Ako kasi pangarap ko noon na ipagmalaki rin ng boyfriend because who doesn't like that, right?
"But when it was told naman to me, I have known naman his reasons, wala naman akong violent reactions, because nga like I've said naiintindihan ko.
"But with other celebrities who also do that, siguro desisyon nila yun para their relationship remains between the two of you and hindi masyado maraming komento na pumasok para mas malaki yung chance of the relationship working out.
"Siguro ganun ko lang siya tingnan."
Hindi pa raw sila nagkakausap ulit ni Sandro.
"Hindi pa pero okay naman siguro. I wish him well, I wish him nothing but the best," ani Alexa.
Posible bang magbalikan sila?
"Tingnan natin, why not? I will always have love for him, that will never change."
Read: Lian Paz finally married to longtime partner John Cabahug
ON FRANKI RUSSELL AS ALLEGED THIRD PARTY
Sa kanyang TikTok Live unang inihayag ni Alexa na third party ang dahilan ng hiwalayan nila ni Sandro, at itinuturo niya ang aktres na si Franki Russell na naugnay umano sa nobyo.
Sinabi rin ni Alexa na sinubukan niyang kausapin si Franki nang magkita sila sa isang club.
Pero sa halip daw na ipinaliwanag ni Franki kung ano talaga ang namagitan sa kanila ni Sandro, nabastusan daw si Alexa sa tinuran nito sa kanya.
Kasama raw ni Alexa noon ang kaibigang si Barbie Imperial.
"Kung anuman ang nasabi ko sa live, hanggang dun na lang muna siguro," sabi ni Alexa nang tanungin tungkol sa sinasabi niyang third party sa hiwalayan nila ni Sandro.
Nag-reach out ba sa kanya si Franki?
"Di siya nag reach out sa akin. I actually blocked her. Nag-initiate ako to block her because I wanted to have some semblance of peace," saad pa ni Alexa.
Sabay paliwanag niya: "[Para] wala na akong mapuntahan na Instagram account na maikumpara yung sarili ko sa ibang babae. Alam mo yun?
"Ganun tayo minsan, di ba? I-stalk natin yung tao. It's just for peace of mind that I blocked her na lang para di ko na silipin."
Nabanggit kay Alexa ang isyung nauugnay si Franki kay Enrique Gil.
Namataan silang magkasama sa Bohol noong September 6, dahilan para magtanong ang netizens kung may namamagitan sa dalawa.
Read: Enrique Gil, Franki Russell spotted in Bohol
Nang hingan ng reaksiyon ukol dito, sabi lang ni Alexa, "Si Enrique, kaibigan ko si Enrique. Kung ano ang magpapasaya sa kanya, dun tayo. Wala akong alam na personal details about it."