Nakikiisa ang maraming artista at celebrities sa panawagan ng mamamayan laban sa corruption ngayong araw.
Marami sa mga sikat na personalidad ang namataang dumalo sa iba’t ibang rally ngayong araw, September 21, 2025.
Ilan sa mga nakita sa kalsada ay sina Vice Ganda, Darren Espanto, Maris Racal, Jodi Sta. Maria, Dingdong Dantes, Marjorie Barretto, Benjamin Alves, Andrea Brillantes, at marami pang iba.
Mayroon namang mga artista na hindi pa nakadalo kaya’t nagbigay na ng suporta online.
MARIAN RIVERA
Ni-repost ni Marian Rivera sa kanyang Instagram Stories ang bahagi ng kanyang mga speech noong nanalo siya ng best actress award sa dalawang event, para sa pelikulang Balota.
Ang unang clip ay mula sa Entertainment Editors' Choice Awards noong July 20, 2025. Ang pangalawa ay para sa kanyang panalo sa 53rd Guillermo Mendoza Box Office Awards noong July 28, 2025.
Sa video clips, sinabi ni Marian na kailangang magkaisa laban sa corruption.
“Yung sakit ng kurapsyon, ito yung sumasakal sa ating bayan, na sana ito yung sakit na hindi natin tinatanggap,” sabi niya sa video clips.
Nag-post din si Marian ng isang art card na kalakip ang parehong quote.
SARAH GERONIMO
Nag-post din ng mensahe sa kanyang Instagram Stories si Sarah Geronimo.
“Nakikiisa kami sa tinig at panalangin ng sambayanang Pilipino. Nanawagan kami ng hustisya laban sa talamak at garapalang pagnanakaw sa kaban ng bayan,” panimula ng singer-actress.
Dagdag pa niya, sana raw ay may managot sa nangyaring katiwalian.
“Panagutin ang mga tiwaling opisyal at igiit ang pananagutan. Ito ang aming paninindigan at sigaw ng pagkakaisa para sa Pilipinas,” saad ni Sarah.
Matatandaang nabalita na noong mga nakaraang araw ang performance ng ASAP singer sa pagbubukas ng UAAP dahil nagsalita na ito noon tungkol sa issue.
“Parang panloloko sa bansa natin, pinaikot-ikot lang tayo, tama na,” sabi ni Sarah sa gitna ng pag-perform ng kantang Ikot-Ikot.
Nangyari ang pagbubukas ng UAAP Season 88 noong September 19, 2025, sa University of Sto. Tomas sa Maynila.
Read: Sarah Geronimo speaks out against the rotten system in government
JUDY ANN SANTOS
Samantala, may dalawang post naman si Judy Ann Santos na tila sumusuporta sa protesta.
Ang unang post ni Judy Ann sa kanyang Instagram Stories ay ang quote na, “Protesting is never a disturbance of the peace. Corruption, injustice, war and intimidation are disturbances of the peace.”
Ang pangalawa naman niyang post ay ang quote galing kay Pope Francis. “Corruption is paid by the poor,” ang sabi ng quote.
JANINE GUTIERREZ
Nagpaabot din ng suporta si Janine Gutierrez para sa mga nag-rally ngayong araw.
Sinabi ng aktres sa kanyang Instagram post na nakiisa siya kahit wala siya sa bansa.
“Currently out of the country but standing in solidarity with everyone in Luneta, EDSA, and all the other rallies against corruption that are happening today,” sabi ng Kapamilya actress.
Kalakip ng mensahe ni Janine ang repost niya ng video kung saan in-interview si Party-list Representative Chel Diokno tungkol sa rally.
DOLLY DE LEON
Wala rin sa bansa sa ngayon si Dolly de Leon dahil may mga commitment siya sa ilang Hollywood productions.
Gayunpaman, nagpaabot siya ng suporta sa protesta sa kanyang Instagram account.
Sa kanyang Stories ay makikita na ni-repost niya ang ilang mga art card na may impormasyon tungkol sa rally.
Ni-repost din niya ang isang art card mula sa Aktor PH, ang organisasyon na kinabibilangan niya.
Ayon sa art card, “Nakikiisa ang Aktor sa mapayapa’t makabuluhang pagtitipon ng sambayanan laban sa korapsyon. Kami’y naninindigan na dapat panagutin ang mga salarin na patuloy na inilulubog ang bayan sa baha ng pagkalugmok, at palakasin ang mga institusyong mag-aangat sa kinabukasan ng bawat Pilipino.”
Ni-repost din ang parehong art card ng ilan pang miyembro ng Aktor, tulad nina Iza Calzado, Piolo Pascual, at Dingdong Dantes.
DOUG KRAMER
Tungkol naman sa kinabukasan ng kanyang mga anak ang pahayag ni Doug Kramer.
Sa isang Instagram post, sinabi ng sportsman-turned-influencer na nais niya raw protektahan ang mga anak laban sa mga tiwali.
“As a father, I look at my children, and I see the future I want to protect. As a citizen of this country, I know their future is being stolen. As a family living in a country that we love so much, this greatly hurts all of us,” said niya.
View this post on Instagram
Nanawagan din siya na sana ay itigil na ang katiwalian para mabigyan ng magandang kinabukasan ang mga kabataan.
“We need to demand change from our leaders, and we need to choose them wisely. Let's not just talk about fighting corruption; let's act on it. This is a fight for our children's future, we will not stand by and let it be stolen. Our country deserves better,” sabi ni Doug.
PBB COLLAB HOUSEMATES
Kasali rin sa mga nagsasalita ang ex-housemates sa Pinoy Big Brother: Celebrity Collab Edition tulad nina Will Ashley, Klarisse de Guzman, at Shuvee Etrata.
“We could have been more if we had more. But this is why we need to DEMAND MORE,” saad ni Will sa kanyang Twitter account.
Yes. We could have been more if we had more.
— Will Ashley (@willashley05) September 21, 2025
But this is why we need to DEMAND MORE.
We deserve better. And it is our right, our honor to fight for what our people deserve. pic.twitter.com/rTrUzijDMS
Dagdag pa ng Kapuso actor, “We deserve better. And it is our right, our honor to fight for what our people deserve.”
Matapang naman ang post ni Klarisse. “TAPAKAN NATIN ANG MGA KORAP. WALANG SORRY SORRY!” saad ng singer-actress sa kanyang Twitter account.
TAPAKAN NATIN ANG MGA KORAP. WALANG SORRY SORRY! #BahaSaLuneta
— Klarisse De Guzman (@Klarissedguzman) September 21, 2025
Samantala, nag-post naman si Shuvee ng bagong kahulugan ng catchphrase niyang TDH.
Sa Instagram Stories ng actress-TV host, nakalagay ang bagong meaning ng TDH na Taxes, Democracy, Hope.
“For our Taxes, for our Democracy and for our Hope. Wakasan ang korapsyon!” saad pa ng post ni Shuvee.