Matapos ang lagpas dalawampu't tatlong (23) taon mula nang pumanaw ang dating nobyong si Rico Yan, sinabi ng aktres na si Claudine Barretto na tinanggap na siya ng ina nitong si Teresita "Sita" Yan bilang totoong anak.
Deklara pa niya: "I am now Claudine Barretto YAN."
Pumanaw si Rico habang nasa bakasyon sa Dos Palmas Resort sa Palawan noong March 29, 2002.
Siya ay 27 taong gulang lamang noon.
Read: Rico Yan: Gone too soon
CLAUDINE BARRETTO: IT'S NOT ABOUT RICO ANYMORE
Sa Instagram kahapon, September 14, 2025, nagbahagi si Claudine ng old clips nila ni Rico.
Sinaliwan niya ito ng awit ng Ben&Ben na "Sa Susunod Na Habang Buhay."
Ang post daw niya ay hindi na tungkol lamang sa late boyfriend niya kundi sa gumagandang relasyon nila ng ina ni Rico na si Sita Yan.
Itinuturing na rin daw niyang tunay na kapatid ang mga kapatid ni Rico na sina Tina at Geraldine Yan.
Saad ni Claudine: "It's not about Rico anymore. It's about my luv & relationship with his Mom, who now accepted me as her daughter.
"So @tinamarieyan @gerryytee & I are now 'REAL SISTERS'
"I can now say I am not just Claudine Barretto. I am now Claudine Barretto YAN.
"Not a sister-in-law not a daughter-in-law but Sita Yan's Daughter."
Dagdag pa ni Claudine, napakasuwerte niya dahil minahal siya ni Sita mula nang siya ay mapatawad nito dahil sa nangyari kay Rico.
Kaya maaari na raw magpahinga ang namayapang si Rico dahil ang mga naiwan niya ay pinagbigkis at pinagkaisa.
Aniya: "I am so blessed bcoz she makes me feel loved every single day.
"What once was just forgiveness is now a REAL FAMILY. RY u can now rest Hun.
"We now have each other to take good care of. You can now Fly with youre beautiful dimple faced smile.
"As I let u go I carry all the luv & beautiful memories with me in my heart till infinity & beyond.
"Rest now my sweet Prince. I luv u,always have & Forever till eternity & beyond will."
View this post on Instagram
Komento ni Tina Yan sa post ni Claudine: "Always has been for us [heart emojis] God is good @claubarretto"
Read: Rico Yan mother invites Claudine Barretto to actor's death anniv
CLAUDINE BARRETTO, TERESITA YAN REUNITED IN 2022
Muling nagkita sina Claudine at Mrs. Yan sa ika-20 anibersaryo ng kamatayan ni Rico nong March 28, 2022.
Read: Remembering Rico Yan on his 20th death anniversary
Sa kanilang pagkikita, napaluha si Claudine nang marinig nito ang mga pahayag ng ina ng kanyang former boyfriend.
Si Mrs. Yan ang unang nagsalita at nagpasalamat sa lahat ng mga taong hindi nakalilimot sa kanyang anak.
Saad niya, “Tinatanong ni Bobby [Yan, Rico’s eldest brother] sa akin, sabi niya, 'How do you process the fact that Rico has been gone for twenty years?'
“Sabi ko, 'You know, I think I’m in a very unusual place, a very privileged place, because Rico is gone but people still love him.'
“I guess, you cannot find anybody who’s in that place because I have friends who have lost their children. But that’s it, they lost their children.
“Pero si Rico, buhay, buhay, buhay wherever I go, whether it’s here, whether it’s in the States... wherever I go."
Dagdag pa ni Mrs. Yan, “I know people who still love Rico and I am very, very grateful for that.
"Kaya even if he’s gone, of course we miss him, that’s natural, but I think he lives in your hearts, he lives in our hearts and, of course, in Claudine’s heart.”
Napaluha naman si Claudine nang marinig nito ang dahilan kung bakit makalipas ang dalawang dekada ay inimbitahan siya ni Mrs. Yan para sa paggunita sa death anniversary ni Rico.
Pahayag ng ina ni Rico, “I decided to invite Claudine after twenty years.
"She’s been part of Rico. Rico loved her. She loves Rico. That won’t change.
"So, after twenty years... that’s it, so now let’s celebrate that, not only the 20th death anniversary of Rico but with Claudine by my side.”
Pagkatapos nito ay niyakap ni Claudine si Mrs. Yan.
Nagpasalamat din ang aktres sa lahat ng mga nagpunta at bumisita sa puntod ni Rico.
Mensahe niya, “Salamat sa pagpunta ninyong lahat. Thank you Tita for inviting me.
“Rico is so happy right now, sobrang saya niya.
"Isa lang talaga yung hinihingi ko, twenty years ago, na huwag natin siyang kalimutan.
"Pero ginawa niyo talaga so thank you so much."
Nagkita na rin sila noong November 7, 2024, kung saan makikitang yakap-yakap ni Claudine ang ina ni Rico.
Kasama nila ang kapatid ni Rico na si Tina at ang pamangkin nitong si Alfy Tueres, na malaki ang pagkakahawig sa yumaong aktor.