Tila hindi na rin napigilan ng Kapuso actor-TV host na si Alden Richards maglabas ng saloobin sa gitna ng tumitinding galit ng publiko laban sa katiwalian sa gobyerno, partikular na ang isyu ng maanomalyang flood control projects.
Sa Instagram Stories nitong Miyerkules, September 10, 2025, ni-repost ni Alden ang isang art card na naglalaman ng depinisyon ng "kuracaught."
Mababasang kahulugan nito: "Corrupt na opisyal o indibidwal na huling-huli na sa ginagawang walang-habas na katiwalian at pangungurakot."
Read: Discayas name congressmen who allegedly took cuts from DPWH deals
ALDEN RICHARDS FINALLY SPEAKS UP POLITICAL ISSUE
Ramdam sa tono ng repost ni Alden ang pagkadismaya sa mga pulitikong nasa katungkulan ngunit walang malasakit sa taumbayan.
Marami ang nakakaunawa sa sentimiyento ni Alden lalo na't isa siya sa malaki ang ibinabayad na buwis.
Umani rin ng papuri mula sa netizens ang post ng aktor.
Kilala kasing hindi gaanong nakikialam si Alden pagdating sa isyu ng pulitika kaya’t ikinagulat ng ilan sa kanyang tagasuporta ang post nito.
Komento ng isang netizen sa Reddit (published as is), "Wow, is this the first time na mag comment siya about political issues."
Saad pa ng isa (published as is), "The shade! Hahaha. Good job, Alden."
Sabi naman ng isa (published as is), "Boom! Usually yung matimpiin ang mabigat pag nagsalita."
Dagdag pa ng isa, "This post talks about corruption in general. It just so happened that the husband of her former loveteam was among those named. Tamaan na ang dapat tamaan."
Bukod kay Alden ay may ilang kapwa celebrities na rin ang nagsalita online para ipahayag ang kanilang pagkadismaya sa nangyayaring korapsyon sa bansa.
Kabilang dito sina Anne Curtis, Nadine Lustre, Vice Ganda, Bianca Gonzalez, Carla Abellana, Edu Manzano, Kaladkaren, at Elijah Canlas.
Read: Curlee Discaya claims politicians, 120 million Filipinos want them dead