Nagsunud-sunod ang mga komento ng netizens kaugnay ng trahedyang sinapit ng rescue dog na si TikTok.
Nitong Linggo, September 7, 2025, nag-post ang isang animal shelter ng masamang balita tungkol kay TikTok.
Ayon sa shelter, ang NGO na BACH Project PH, habang nasa foster care si Tiktok, nakalabas ito ng kalsada at nasagasaan ng kotse.
Read: Survivor dog Tiktok passes away after car accident
Marami ang nalungkot sa balita, marami rin ang nagtaka.
Bakit nasa foster care si Tiktok at wala sa shelter ng BACH Project PH, na siyang nangangalaga rito?
Ayon sa Bacolod-based non-government organization, nilipat pansamantala si TikTok dahil may kumakalat na mga sakit—tulad ng distemper at blood parasites—sa shelter.
Matatandaang si TikTok ay isang aspin na naging laman ng mga balita dahil dumanas ito ng animal cruelty noong February 2025.
Natagpuan siyang may mga darts sa katawan sa Negros Occidental.
Ang BACH Project PH ang sumaklolo kay TikTok.
Read: Where is Tiktok: the dog shot with 5 darts?
NETIZENS REACT
Pero ang naunang pasasalamat ng netizens ay napalitan ng galit sa shelter, pati na rin sa foster home.
Komento ng isang netizen, “Pinabayaan niyo naman talaga eh, nakatakas?? Ganun-ganun lang, kawawa tong aso sobrang saklap.”
Banat ng isa pa, “Kahit ilang TRIBUTE pa i-post niyo wala na si TikTok. Di na siya babalik. Sayang!!!”
Iginiit pa nitong kapabayaan umano ng shelter, at sinabing nawalan na siya ng gana.
“Mga pabaya kayo,” ang akusa ng isa.
May mga nag-react din sa kasunod na post ng BACH Project PH na humihingi ng donasyon.
BACH PROJECT PH SPEAKS UP
Sumagot ang shelter sa sunud-sunod na paninisi ng netizens at animal lovers.
Ang bungad nito: “We’ve seen the comments and received private messages, and they cut deep.”
Hindi lamang daw si TikTok ang pumanaw sa kanilang rescues.
“From the start of September, we’ve lost rescues to distemper and blood parasite outbreaks at the shelter, and now, the tragic passing of Tiktok.
“We are grieving too. Please remember that behind BACH are people who carry this loss heavily, who cry for every animal we lose, and who keep going despite the heartbreak because there are still so many others who need us.
“We ask for compassion during this painful time. Instead of blame, may we honor Tiktok’s memory with love because that’s all she gave, and that’s what she deserves.”
Makalipas lamang ang ilang oras, muling nag-post ang animal rescue organization.
May sinimulan itong fund-raising drive para maka-PHP50,000, pero dahil sa nangyari kay TikTok, may mga netizens na naghihimok sa iba na huwag nang mag-donate.
Nag-react dito ang BACH: “Grabe naman po. Sa isang trahedyang hindi namin ginusto, lahat ng aso at pusa namin nadadamay.
“Pina-foster po namin ang ilang aso dahil nagkaroon ng distemper at blood parasite outbreak sa shelter. Isa si Tiktok sa mga na-foster para mailayo at maprotektahan.
“Pero sa kabila ng lahat ng pag-iingat, nangyari ang trahedya na hanggang ngayon ay hindi pa rin namin matanggap.
“Sana po, huwag idamay ang ibang aso’t pusa lalo na po ‘yung mga may sakit at umaasa pa rin sa amin.”
COMPASSIONATE NETIZENS
May isang netizen na nagpaliwanag ukol sa reaksiyon ng mga kritiko.
Sabi nito, bagama’t aksidente ang nangyari, hindi raw maiaalis sa isip ng iba na puwede sana itong naiwasan.
“You can’t blame them. Yet, it was an accident, but it could have been prevented. I know not everyone can keep an eye on their dogs all the time, but why was the gate open in the first place when no one was there to look out for TikTok?”
Kung may tao raw sana ay mapipigilan ang paglabas ni TikTok.
Mayroon din namang netizens na nakikisimpatiya sa shelter.
Bagama’t maraming netizens ang heartbroken, sinabi nitong hindi lang sila ang nagdadalamhati.
“[T]he rescuers and foster who cared for him grieve even more deeply, having been closest to him. Let’s be kind with our words. Comments blaming fosterer don’t help…” parte ng comment nito.
Pagsang-ayon ng isa pa: “No rescue group, no volunteer, no foster parent and no furparent is perfect. This could be prevented but accidents do happen, no one wanted this.”
Nanawagan itong maging mabait sa shelter at sa foster home.
Mensahe ng isang heartbroken na netizen sa pagpanaw ni TikTok: "Sending you the warments hugs, BACH Project PH I know how deeply painful this is.”
