Umiwas si Alden Richards na sagutin ang rebelasyon ni Maine Mendoza na inamin niyang "na-in love" siya sa Kapuso actor noong magkatambal pa sila.
Nakilala ang phenomenal teamup nina Alden at Maine na AlDub dahil sa patok na "Kalyeserye" segment ng Eat Bulaga! mula July 2015 to December 2016.
Nagtambal din sila sa pelikulang Imagine You and Me noong 2016 at sa teleseryeng Destined To Be Yours noong 2017.
Read: 10 Kilig Moments of Alden and Maine in Destined to Be Yours
Hanggang sa nabuwag ang kanilang tambalan, at nagkanya-kanya na sila ng landas sa showbiz.
Read: The breakup of AlDub: A timeline
Makalipas ang sampung taon, nitong August 2025, inalala ni Maine ang panahong na-in love siya kay Alden sa "Ang Tamang Panahon" episode sa YouTube channel ng Eat Bulaga! TVJ.
"Rekta" raw na sinabi noon ni Maine ang nararamdaman kay Alden.
Pero nang tanungin ni Maine kung may nararamdaman ito para sa kanya, ang sagot daw ni Alden: “Di ko puwedeng sabihin sa yo kasi mawawala yung magic.”
Sinabi rin ni Maine na hindi nanligaw sa kanya si Alden.
Read: Maine Mendoza spills how Alden Richards reacted to her confession
Hindi naman maiwasang maikumpara ng fans ang bersiyon ni Maine sa bersiyon ni Alden.
Sa October 2023 episode ng Fast Talk With Boy Abunda, sinabi ni Alden na umamin siya ng nararamdaman para kay Maine.
Pero bitin ang pahayag ni Alden dahil iyon lamang ang detalyeng nabanggit niya noon.
Sa sidelines ng 37th Star Awards For Television noong Linggo, August 24, 2025, nakapanayam ng ilang entertainment press si Alden.
Ginanap ang event ng Philippine Movie Press Club (PMPC), in collaboration with Bingo Plus, sa V Hotel Convention Center sa Quezon City.
Ang maiksing tugon ni Alden nang tanungin tungkol sa pahayag ni Maine: "I don't wanna comment on that issue, sorry po. Respect na lang."
Sa kabilang banda, natanong din si Alden kung bukas siyang makatrabaho muli si Kathryn Bernardo.
"Pag may opportuntity. Let's see, tingnan natin," sabi lang ni Alden.
Katambal ni Alden si Kathryn sa record-breaking movies nilang Hello, Love, Goodbye (2019) at Hello, Love, Again (2024).
Nabalita noon ang panliligaw ni Alden kay Kathryn, pero biglang nahinto ito sa di malamang dahilan.
Read: Maine Mendoza clarifies remark on Alden Richards meant no malice
ALDEN RICHARDS ON ACTING AWARD
Samantala, nanalo si Alden ng Best Single Performance By An Actor para sa natatangi niyang pagganap sa Magpakailanman episode na "Sa Puso At Isipan (The Catillana Family Story)."
Malapit daw sa puso ni Alden ang kanyang role doon dahil naranasan din niya ang depression.
Saad niya: "Everyone knows that I am also an advocate for it. Parang self-proclaimed advocate for mental health awareness.
"Growing up in a household where my mom experienced such issues and problems with regards to mental health, I know how it feels.
"Parang ang sarap magbigay ng tulong sa mga taong nakakaranas nito, coz I experienced it as well personally and I was able to live above it.
"Para sa kanila ito. This award is for them din."
Tinanong ng PEP.ph (Philippine Entertainment Portal) si Alden kung isa sa dahilan ng kanyang depression ay ang below-the-belt na pamba-bash sa kanya ng ilang netizens.
Sagot ni Alden: "No, it doesn't affect me, actually. I've been here for 15 years. It's part of it.
"People are entitled to their opinions, so ibigay natin. Okay na yun, bigay na natin, support natin sila diyan."
Read: Vico Sotto explains need to call out journalists on Discaya issue
ALDEN RICHARDS ON OVERCOMING DEPRESSION
Ayon kay Alden, ang pagbibigay ng sapat na espasyo sa mga taong nakararanas ng depresyon ay malaking tulong para malagpasan ito.
"Of course, people undergoing depression, all they need is time. Just give them time.
"Sorry for the term, wag niyo sila masyadong kulitin to be better, to be okay, because sila lang talaga ang makakatulong sa sarili nila."
Pero malaking bagay pa rin daw ang suporta at kalinga ng mga mahal nila sa buhay.
"That's why I really appreciate [the people close to me] during the time I was undergoing that because yung support system ko, nakaalalay sa akin.
"They are not forcing me to be better immediately just because of work, just because you have to do this and do that.
"All we need is time and prayers, so yun ang nakagaling sa akin."
Para rin sa Kapuso actor, malaking tulong sa kanya ang cycling kunsaan ibinubuhos niya ang kanyang oras at panahon.
"Cycling is really important to me right now. I still need to do it every day as much as I can for work.
"Ang laking tulong. Parang outlet ko siya ngayon," sabi niya.
Pinakamahaba raw niyang cycling ay "106 kilometers, from Pasig to Pilila, Rizal."
Natutunan din daw ni Alden maglagay ng boundaries sa mga taong pumapasok sa buhay niya.
"Right now, because I underwent depression, mas kumapal siya. I don't let anyone in instantly.
"Yung things before na madali akong magtiwala, hindi na siya ganun ngayon.
"I keep my circle [small], paliit siya nang paliit as I grow old.
"Isa yun sa mga proteksiyon ko, safeguards ko for me, not to be able experience all the bad things in the past."
Read: Lacson, Magalong bare kickback scheme in anomalous DPWH deals
ON SHOWBIZ CAREER
Naibahagi rin ni Alden kung ano ang nagmo-motivate sa kanya pagdating sa showbiz career niya.
Pahayag ng actor-entrepreneur: "It's the purpose, the purpose I have in this lifetime, in this career that I have.
"Parang for me, it's not about fame, it's not about money, [but] kung ano ang mako-contribute ko sa industriyang minahal ko, at minahal ako ng industry natin.
"Ano ba ang puwede kong maibalik? I think that's the reason why I wake up every day. That's the reason why ang dami kong gustong gawin in terms of helping and giving back to the industry.
"Siyempre yung mga nangangailangan din ng tulong, gusto nating bigyan din sila ng pansin at support."
Nagbigay rin ng payo si Alden sa mga baguhang artistang nangangarap makabuo ng pangalan at makilala sa industriya.
"Sana maging inspiration din siya to the new ones. It's not about how good you are, it's not about your looks, it's not about fame, it's about who you are as a person.
"Isa yun sa mga bagay na dapat nilang i-consider because this industry is good, but sometimes unfair at the same time.
"You've got to leave a mark to the people you meet. It would always about who you are. Dapat grounded ka lagi, humble ka lagi, mabait lagi."
Read: Carla Abellana wonders about Discayas’ business after "luxury car haul" sighting