Nag-renew ng kanyang kontrata sa GMA-7 si Rhian Ramos nitong August 12, 2025, Martes, sa Studio 6 ng GMA Network building sa Quezon City.
Labis daw ang pasasalamat ng aktres na patuloy raw ang pagtitiwala sa kanya ng Kapuso Network.
"I think it really says a lot na hindi nila ako iniwan. Kaya nga show business, it's a business, it's so easy to treat someone like a business. But GMA didn't do that. They treat me like a person who is still learning, who is still growing, and they gave me the opportunity to learn from my life experiences, grow, and be better.
"Parang, for me, since the station was so accepting of me during my worst time, I owe them all of my best," pahayag ni Rhian nang makausap na ng PEP.ph (Philippine Entertainment Portal) matapos ang kanyang contract signing.
Ang sinasabi ni Rhian na worst time ay nang dumaan siya sa depression noon. Ipinagtapat niya ito sa kanyang April 2025 interview sa Fast Talk with Boy Abunda.
Inamin niya kay Boy Abunda na dahil sa naramdamang depression dulot ng mga kinasangkutang kontrobersiya at intriga, naisipan niya noon na wakasan hindi lang ang kanyang showbiz career, kundi pati na rin ang kanyang buhay.
Napagdaanan na niya ang stage na ito sa kanyang buhay sa tulong ng mga eksperto at suporta ng mga nagmamahal sa kanya.
Read: Rhian Ramos recalls how she almost gave up showbiz in the past
Kaya't labis ang kanyang pasasalamat na kahit na may pinagdadaanan siya noon ay hindi siya binitawan ng GMA Network.
"Sobra, sobrang gratitude lang talaga ang nararamdaman ko ngayon, I'm so honored na pang-ilang kontrata ko na ito with the station. It feels like they trust me, and I feel so valued and I'm glad to be here."
Pinagpapasalamat din ni Rhian ang magagandang mga proyekto na ipinagkakatiwala sa kanya ng Kapuso network na nagpalalim sa kanya bilang isang aktres.
"After a long period of time, napapansin ko kasi through the years they just gave me non-stop, pabigat nang pabigat, meatier and meatier roles. Hindi ako nauubusan ng gagawin at natututunan. Lagi akong may first, as in every year may bago na naman akong first time.
"For me, I'm just honored to be still a Kapuso because I can see na yung trust nila sa akin naggo-grow. Dun ko siya binaba-base sa kung anong role ang ibibigay sa akin. Parang napi-feel ko talaga yung pagtitiwala ng network, I'm so honored.
"Nakita ko naman yung attendance today, di ba? These are all the faces that you only see at GMA anniversary, GMA Gala, and yet they're here this morning for me.
"I think I really feel like this station is my family, I'm going to do everything to give the Kapuso audience the absolute best that I can."
RHIAN'S UNFORGETTABLE SHOWS
Tinanong namin ang tinaguriang "Infinite Star" kung anu-ano bang mga proyekto na nagawa niya sa Kapuso network ang tumatak talaga sa kanya.
"I would say Captain Barbell (2006-2007), Captain Barbell changed my life.
"La Lola (2008-2009), my first titled role. Stairway To Heaven (2009), natuto akong mag-drama. Richman's Daughter (2015), kasi it was first of its kind, walang ganun sa Philippine TV before. It made me feel like part of other people's lives. I'm telling a story that hasn't been told.
"TOTGA (The One That Got Away) (2018), because I just enjoyed it so much and it was so funny, it felt so natural. May drama parts din siya, kahit malanding sosyalera ang character ko, parang nahanap ko pa rin yung humanity niya."
Ginampanan ni Rhian ang character na si Zoe sa TOTGA, isang happy-go-lucky swimwear designer at social media personality na desperado sa love at attention.
"I love her, that's why simula nun I started liking yung mga offbeat characters kasi when I read yung TOTGA, sabi ko they're gonna hate me the most from the three girls."
Ang iba pang female characters sa show ay sina Alex played by Lovi Poe at Darcy na ginampanan naman ni Max Collins. Tatlo silang may kaugnayan sa bidang lalaki sa show na si Liam, played by Dennis Trillo.
"It was still so fun to play and naging tao pa rin si Zoe. After nun, yun na ang lagi kong hinahanap, yung mga offbeat, mga gray, yung mga akala mo di mo magugustuhan, yun na ang mga naging favorite ko.
"Of course, Royal Blood (2023) pa, Pulang Araw (2024) is also really memorable. One day lang ako dun, but still... And now Mitena."
Ang karakter niya bilang Kera Mitena ang maituturing na isa sa pinakamahalagang karakter sa Encantadia Chronicles: Sang'gre.
Isang malaking karangalan daw para kay Rhian na ipinagkatiwala sa kanya na gampanan ang naturang karakter.
"I mean, there's something about Mitena that is so memorable, and I'm so grateful for that.
"The biggest compliment people gave me about Mitena, sabi nila ay naramdaman nila siya, naiintindihan nila. Kasi di naman naging usually ugali yung tanggapin or intindihin yung mga masasamang character. But, yun na nga, it is such a beautifully-written role.
"Ang ganda ng journey ni Mitena, so she became very real to me. Kasi, I got to discover her past.
"I just feel very lucky, di ko in-expect na ganito ang magiging pagtanggap ng mga tao.
"I can either be the most hated or loved, it's all the same to me, I'm just happy that they're really experiencing Encantadia as a real world."
wedding talks, when?
Masaya at kuntento si Rhian sa relasyon nila ng businessman boyfriend na si Sam Verzosa.
Consistent pa rin si Rhian, na sa kabila ng paminsan-minsang napag-uusapan ang tungkol sa posibleng pagpapakasal na nila ay wala pa raw talaga silang definite plans tungkol dito.
"We're great, I'm so happy to have someone there who is so supportive of me.
"Yes, wala pa, wala pa kaming date or plan, but, you know, he's talking to my mom right now, who knows what they are talking about.
"Maybe malapit na, maybe hindi. Anything naman.
"The thing is, I really learned already not to, like, super make plans about my life.
"Tinatanggap ko lang kung ano ang dinadala sa akin ng buhay at ni Lord, kung ano ang gusto Niya sa akin.
"Napapansin ko kapag ako yung gumagawa ng plano, medyo sumasablay. Pero kapag tinatanggap ko lang kung ano yung sabi ni Lord, it's always the best.
"Like, showbiz was not my plan; that was God. Alam mo yung career path ko, this is not my plan.
"I didn't say, 'GMA, you give me a Margaret Royales of Royal Blood or give me a Mitena. Lahat is wala akong kinalaman sa plano, and it's always the best outcome."
Kilala bilang isang matagumpay na negosyante si Sam na CEO ng Frontrow Philippines, kasosyo si RS Francisco.
is rhian ok with prenup?
Tinanong namin si Rhian na kung sakaling ikakasal na sila, open ba siya sa pagpirma ng prenuptial agreement? Mao-offend ba siya?
"I really believe that prenuptials are really a healthy practice. I don't really think there's anything wrong with it.
"Ever since, I intend to do that because if it's a partnership between two people, in the same way that I have a contract signing today, it's a partnership with me and this station, and these are the terms. It should be us na nag-uusap about it.
"Hindi yung contract na parang ginawa for someone else, how it's gonna go. Dapat kami yung nag-uusap about it, kami yung magle-lay ng terms ng sarili naming agreement.
"Offended? No, it's okay, just write in the prenup what's all yours. Kasi, the concept of a prenup does not mean you get nothing; that's not what a prenup does. Basically, it's just the terms of your agreement. Kayo naman ang mag-uusap kung ano yung laman nun.
"Oo, pero lahat ng utang niya, sa iyo rin, sige ka, ha-ha-ha-ha-ha! Share kayo sa lahat pati sa problema. Well, ganun naman talaga ang marriage, I guess."