Simula na ang forever ng longtime couple na sina Edgar Allan "EA" Guzman, 35, at Shaira Diaz, 30.
Read: Shaira Diaz stuns in bridal gown by Choi Jae Hoon
Ikinasal sila sa St. Benedict Parish, Westgrove Heights, sa Silang, Cavite, ngayong Huwebes ng hapon, August 14, 2025.
EA GUZMAN AND SHAIRA DIAZ WEDDING
Hindi itinago ni Shaira ang masayang okasyon dahil agad niyang ibinahagi ang official wedding photo nila ni EA sa kanyang Instagram.
May mga ni-repost din si Shaira na Instagram Stories mula sa mga malapit na kaibigang dumalo sa kasal.
"Can't Help Falling In Love" ang wedding march ni Shaira, at inihatid siya ng mga magulang sa altar.
Sa iba pang official wedding photos, makikitang naluha ang groom sa gitna ng ceremony.
Masuyo hinagkan ni EA si Shaira para sa kanilang first kiss as husband and wife.
Kabilang sa principal sponsors sa kasal nina EA at Shaira sina Boy Abunda, Senator Jinggoy Estrada, Arnold Clavio, Arnold Vegafria, Ben Chan, Susan Enriquez, Jean Garcia; at GMA Network Inc. executives na sina Annette Gozon-Valdes, Joy Marcelo, Nessa Valdellon, at Cheryl Ching Sy.
Kasama naman si Jennylyn Mercado sa listahan ng secondary sponsors.
Ilan sa groomsmen sina Coco Martin, Rayver Cruz, Rodjun Cruz, Joross Gamboa, Jose Sarasola, at Gerald Anderson.
Bridesmaids sina Jasmine Curtis-Smith, Arra San Agustin, at Julia Montes.
Bridesmen ang mga kasamahan ni Shaira sa Unang Hirit na sina Carlo Tingcungco at Anjo Pertierra.
Sina EA at Shaira ay 12 taon nang magkasintahan. Sila ay na-engage noong December 2021.
Read: Wedding entourage nina EA Guzman at Shaira Diaz, star-studded