Trigger Warning: Mention of bullying
Nagtapos na magna cum laude si Yasmien Kurdi sa kanyang AB Political Science course sa Arellano University noong Abril 2019.
Pero muling bumalik sa pag-aaral ang aktres para tuparin ang pangarap niyang maging abogado.
Law student ngayon si Yasmien.
Binalikan ni Yasmien ang pag-aaral, isang taon matapos niyang isilang si Raya, ang bunsong anak nila ng kanyang asawang si Rey Soldevilla Jr.
Pinili ni Yasmien ang pag-aabogasya dahil sa kagustuhan daw niyang matulungan balang-araw ang mga taong naaapi, lalo na ang mga biktima ng bullying.
Alam na alam daw ni Yasmien ang usapin tungkol sa bullying dahil naranasan umano ito ng panganay na anak nilang si Ayesha.
Read: Yasmien Kurdi claims daughter Ayesha is being bullied in school
YASMIEN KURDI DETAILS BULLYING EXPERIENCE OF DAUGHTER
Si Yasmien ang guest sa Fast Talk with Boy Abunda ngayong Martes, Agosto 12, 2025.
Hindi napigilan ni Yasmien ang pagdaloy ng kanyang mga luha nang mapag-usapan nila ni Boy Abunda ang mga masasakit na karanasan ni Ayesha sa dating pinapasukan nitong eskuwelahan.
Pahayag niya: “She experienced a lot of traumatic stuff in her life. Ang dami-dami niyang pinagdaanan. Naaawa lang ako sa anak ko, sobra.
“As a mom, nandito lang ako siyempre to protect my kid. Andito ako.
"I don’t care kahit ano ang sabihin nila. Basta nandito ako, pinoprotektahan ko ang anak ko.
"Kasi yung anak ko, yung welfare ng anak ko, yung mental health niya, yun ang lagi kong iniisip."
Idinetalye ni Yasmien ang naranasan umanong pambu-bully kay Ayesha.
“It was about her personality. They were forcing her to change her personality.
"They ganged up on her, hinarangan siya sa pintuan ng 79 students, to change her personality daw.
“To the point na she has to say ten negative things about herself.
'"Number one, I’m a bad student. Number two, what I do is wrong. Number three, it’s all my fault. I’m a bad role model...'
"Hanggang Number 10 yon. 'Number 10, please, I want to eat.'''
Read: Bea Borres, 22, confirms pregnancy: "I'm not ready...I'm so happy.""
Dahil daw sa naranasang bullying ng kanyang anak ay dumulog sila sa Department of Education (DepEd) para maghain ng reklamo.
Saad ni Yasmien: “For a kid, naranasan niya yon, naaawa ako sa anak ko. We seek for help. Pumunta ako doon.
"It wasn’t just one time na nangyari. Actually, we already filed a complaint sa Department of Education pero sana they look into it.
"We filed, ganito kakapal [ang documents] dahil sa dami ng mga reklamo ko.
“I told her, dapat hindi siya nagpapaapekto kapag merong gustong manghila sa yo pababa. Kasi my daughter, she’s very assertive in school.
“She loves hosting kaya tumawag ako sa yo [Boy] one time kasi gusto kong mag-workshop siya ng hosting sa inyo.
“Nag-hosting class siya recently nung summer and then she loves sports.
“And a week before siya na-ganged up, she won the oration contest, first place, sa school nila.
“She’s very assertive and ginagawa niya yung best niya."
HOMESCHOOLING AND THERAPY
Ayon pa kay Yasmien, sumailalim si Ayesha sa therapy at homeschooling matapos niyang tanggalin ang anak sa dating eskuwelahan nito.
"And I’m really happy ngayon, dahil din sa tulong ng therapy," sabi ng Kapuso actress.
“Nag-therapy siya for six months na tuluy-tuloy and then, it’s very helpful for her kasi dahil sa mga panic attack, anxiety attacks niya.
“Nung nag-therapy siya, ang ginawa namin, nag-homeschooling agad siya kasi I pulled her out right away.
"Kasi yun ang feeling ko, I have to protect her.
“Kailangan tanggalin ko agad siya sa environment na yon. Kung toxic, toxic! Tanggalin na.
“Nag-homeschool siya. Yung mga dati kong teacher, tinulungan nila ako, kasi I was homeschooled.
"Yung bata, she has to go back to zero. Yung buong seventh grade, back to zero yon. For two months, tinapos niya."
Read: Yasmien Kurdi temporarily chooses homeschooling for daughter
Ang mister daw niyang si Rey Soldevilla ang tumutok sa pag-aaral ng kanilang anak.
Saad ni Yasmien: "Kaya si Daddy Rey nandiyan, tinutukan niya si Ayesha.
“What’s nice is nung tinutukan niya si Ayesha, gumaling siya sa Math, gumaling sa mga subject.”
Natutuwa raw si Yasmien dahil nag-aaral na uli si Ayesha sa isang pribadong paaralan ngayon.
Pagmamalaki ng aktres: “She’s excelling in school. I am really happy for Ayesha.
"Nandoon pa rin yung mga episode na nati-trigger pa rin siya and all. But kapag may ganoon, we go back again sa therapy. We’re healing slowly.”
Hinihimok ni Yasmien ang mga magulang na magkaroon ng regular ng komunikasyon sa kanilang mga anak na dumaranas o nakaranas ng bullying.
“Kailangan talaga yung kids, ikuwento nila lahat kina Mommy at Daddy.
"Huwag na silang matakot. Huwag na silang mahiya. Walang ikakahiya dito.
"You don’t have to be ashamed of anything kasi nandun yung mga sign ng bullying.
“Tingnan mo rin yung anak mo. Meron bang nagbago? Nonchalant ba siya?
"Gastritis, sleep disturbances, lack of appetite… those are, like, mga sign ng bullying [victims]. Red flags yon. Hindi lahat dahil sa puberty.
“Si Ayesha, extrovert siya, outgoing siya, tapos biglang makikita mo na biglang naging tahimik yung bata. Nasa kuwarto na lang, umiiyak, naririnig ko.
“I know, mom ako, e. Nanay ako.
"Alam ko nasasaktan ang anak ko. Alam ko, there’s something wrong kahit hindi siya magsalita.
"Ang sakit sa akin, mas doble," pahayag ni Yasmien.
Read: Wild Boys producers share "tragic experience" working with Aljur and Vin Abrenica