Hindi itinanggi ng Kapuso actor na si Will Ashley na nakakabasa siya ng bangayan sa pagitan ng WillCa at DustBia fans online.
Ang WillCa ang portmanteau o pinagsamang pangalan ni Will at Kapamilya actress na si Bianca de Vera.
Habang ang DustBia naman ang tawag sa tambalan nina Dustin Yu at Bianca.
Sina Will, Dustin, at Bianca ay housemates sa matagumpay na season ng Pinoy Big Brother (PBB): Celebrity Collab Edition.
Dito rin nagsimulang i-ship ng fans si Bianca sa dalawang Kapuso actor.
Read: Are Dustin Yu and Will Ashley open to do a project with Bianca?
Dahil sa magkaiba nilang fanbase, hindi maiwasang magbanganyan ang kanilang mga tagahanga kung kanino ba talaga "bagay" at "mas masaya" si Bianca — kay Will o kay Dustin?
Will ASHLEY Speaks Up on FAN WAR
Noong Sabado, August 2, 2025, eksklusibong nakapanayam ng PEP.ph (Philippine Entertainment Portal) si Will sa GMA Gala 2025 na ginanap sa Manila Marriott Hotel, Pasay City.
Dito ay kinuha namin ang kanyang reaksiyon sa mainit na bangayan ng WillCa at DustBia fans.
Read: Bianca de Vera says "yes" to Dustin Yu as his GMA Gala 2025 date
Pag-amin ni Will, aware siya sa nangyayari sa pagitan ng kanyang fans at tagahanga ni Dustin.
Ikinalulungkot daw ito ni Will ngunit sa ngayon ay wala silang magagawa, lalo na't hindi nila kontrolado ang sitwasyon.
Pero nais daw niyang manaig ang kapayapaan sa pagitan ng dalawang kampo.
Read: Will and Klarisse bring "graduation" vibe at GMA Gala 2025
Pahayag ng tinaguriang Nation's Son: "Well, right now, parang wala din naman po kaming control sa mga nangyayari.
"Pero as much as I can, parang as much as I want, gusto ko nga po na parang okay lang lahat.
"Napakaikli lang ng buhay, e. Kumbaga, you only live once, enjoy life na lang talaga."
Ayon pa kay Will, hindi naman kailangang mamili sa kanila ni Dustin kung kanino dapat mapunta si Bianca.
Nirerespeto raw niya ang samahang nabuo nina Dustin at Bianca sa loob ng PBB house hanggang sa paglabas nila.
Masaya at kuntento na raw si Will sa kung ano ang mayroon siya ngayon, maging sa tagumpay ng kanyang dating co-housemates.
Saad niya: "Kami naman, ako, masaya ako sa mga nangyayari.
"Masaya ako sa mga blessings, masaya ako sa workshop and, honestly, lahat naman kami mga housemates, e, may kanya-kanya naman talagang ginagawa ngayon.
"Talagang all of us, nagsa-succeed talaga sa mga ginagawa nila."
Read: Will Ashley addresses real score with Bianca de Vera
Will Says He and Dustin Are on Good Terms
Paglilinaw pa ni Will, bagamat madalas silang pinagtatapat ni Dustin ay hindi raw ito nakakaapekto sa maayos nilang relasyon at pagkakaibigan.
"Yeah, we're good," mabilis na sagot ni Will sa tanong kung okay ba sila ni Dustin.
Sundot na tanong ng PEP, "Napag-uusapan niyo ba yung mga bashing?"
Sagot ni Will: "Yeah, napag-uusapan, napag-uusapan namin ni Dustin yon.
"Pero siguro, sa amin na lang [kung ano yon], pero okay kami."
Sa huli, may pakiusap si Will sa WillCa at DustBia fans.
Aniya, "Sana, enjoy life na lang talaga.
"Kasi, wala naman ang mga nangyayari kung papatuloy natin yung mga ganyang bashing."
@pepalerts @Will Ashley calls out fans wars between WillCa and DustBi. #PEPatGMAGala2025 #GMAGala2025 #PEPNews #EntertainmentNewsPH #PEPVideo ? original sound - PEP.ph
Read: Will addresses "love triangle" with Bianca and Dustin in PBB
WILLCA AND DUSTBI RELATIONSHIPS
Nasa loob pa lamang ng Bahay Ni Kuya ay marami nang WillCa fans ang kinikilig sa unti-unting panunumbalik ng pagkakaibigan nina Will at Bianca.
Lalo pa noong lakas-loob na hinarap at ipinagtapat ni Will sa aktres ang kanyang nararamdaman at panghihinayang sa naudlot nilang pagkakaibigan, dalawang taon na ang nakakaraan.
Read: Will clarifies viral hug with Bianca in PBB Big Night
Taong 2023 nang nakilala nina Bianca at Will ang isa't isa nang magtambal sila sa unang collab drama series ng ABS-CBN at GMA-7, ang Unbreak My Heart.
Bagamat noo'y may malalim silang koneksiyon at pagkakaintindihan, hindi napunta sa puntong nagkaaminan sila sa tunay nilang nararamdaman.
Matapos daw kasi ang taping at pag-ere ng Unbreak My Heart ay unti-unti ring nanlamig at nawala ang komunikasyon at pagiging malapit nina Bianca at Will.
Read: Did Bianca de Vera just "taping friend" zone Will Ashley?
Habang sinusubukang ayusin ng dalawa ang kanilang pagkakaibigan ang siyang pagpasok naman ni Dustin sa buhay ni Bianca.
Hindi kagaya ni Will, si Dustin ay naglakas loob na magsabi kay Bianca na gusto niya ito.
Malugod naman itong tinanggap ni Bianca at hindi rin nagpapigil na ipakita ang interes niya para kay Dustin.
Nakabuo ng loveteam sina Bianca at Dustin sa loob ng Bahay Ni Kuya dahil sa pagiging bukas nilang sabihing gusto nila ang isa't isa.
Hanggang sa makalabas sa outside world, nananatili ang samahan ng dalawa na lalong kinakiligan ng kanilang mga tagahanga.
Read: PBB Celebrity Collab housemates trending for GMA Gala 2025