Hindi nakakalimutan ni Judy Ann Santos ang mga hirap na napagdaanan niya sa buhay noon.
Nang nagtrabaho na siya sa showbiz, pinagsikapan daw talaga niyang makapag-ipon dahil hindi siya umaasa noon na malayo ang mararating niya.
Sa presscon ng bago niyang endorsement na Tala Philippines, isang leading mobile lending app na nagtataguyod ng abot-kayang tulong sa mga mahihirap na Pilipino, natanong si Judy Ann ni Daily Tribune writer Jeff Fernando tungkol sa mga hirap sa buhay na naranasan ng kanyang pamilya noon.
Lahad ng actress-businesswoman: "Wala naman akong itinago sa industriyang kinalakihan ko at minahal ko; and everyone from the industry especially people from the press knows that.
"And I just really love my work. I'm passionate about this. Struggles would always come naman when you're starting new.
"I think of me as really just working. Hindi ko talaga inisip ang sarili ko noong bata ako na artista. Alam kong talent ako because I started as a talent."
Inalala pa ni Judy Ann ang bit roles niya noon.
"Mga anak ako ni Ate Maricel [Soriano] or kapatid niya ako. Or my first roles before... pangpadami lang talaga ako ng mga bata sa, let's say, isang TVC [television commercial].
"Pangpadami ako sa mga batang extras sa pelikula ng Regal Films. And I was really just enjoying."
Noong baguhan siyang artista, ang suweldo niya sa pelikula ay PHP100 kada araw.
Nang pinagbidahan niya ang hit series na Mara Clara ay PHP1,500 per taping day ang talent fee niya.
Ang Mara Clara ang itinuturing noong 90s na pinakamahabang day-time series sa ABS-CBN. Nagsimula itong umere noong 1992 at natapos noong 1997.
Bida rito si Judy Ann bilang si Mara at si Gladys Reyes ay gumanap namang Clara.
Dahil patok ito sa viewers, nagkaroon pa nga ito ng movie of the same title noong 1996.
Noong 2010, nagkaroon ng remake ang Mara Clara na pinagbibidahan nina Kathryn Bernardo at Julia Montes.
Read: Epi Quizon still receives “allowance” from late father Dolphy
JUDY ANN SANTOS DID NOT EXPECT TO LAST LONG IN SHOWBIZ
Noong '90s, malaking halaga na ang nakukuhang talent fee ni Judy Ann.
Kaya, kahit sa murang edad, naisip na raw talaga niya ang mag-ipon.
Pagpapatuloy pa ni Judy Ann: "Ang suweldo ko noong araw, para sa isang buong pelikula na talent ka was P100 a day.
"For Mara Clara, it's P1,500 per taping day. And hindi ko kunuwestiyon yun. I respected it because I know I have to earn my spot.
"But in my mind I thought, 'Baka naman hindi ako magtatagal dito.'
"So growing up, it was already stuck in my head. Kumbaga, nakaimbento sa utak ko, 'I have to keep on saving because I don't know kung hanggang kailan ako dito.'
"So the first things that I really did was nung nakapag-ipon ako ng PHP10,000 during the '90s, insurance agad.
"Kumbaga, tabi agad, tabi agad, kasi nga feeling ko hindi naman ako mamahalin ng... kasi hindi naman akong mestiza, hindi naman akong kagandahan.
"Kumbaga, I know may talent ako, but at that time, I think it wasn't enough."
Nagbunga naman ang pagsisikap ni Judy Ann.
"So struggling your way to be noticed, malaking factor doon yung trust na binigay sa akin ng production and ng mga producers.
"And at the same time, the amount of work that I put out, feeling ko napapantayan ko naman or nahihigitan ko naman.
"The struggles lang naman talaga is at some point, you get burned out. You're about to crash kasi feeling mo wala ka na talagang pupuntahan.
"But then again, you pull yourself back up and you tell yourself, 'No, I can do this. I will beat them in their own game. Kung hindi man akong kasing ganda nila, mas magaling ako sa kanila.'
"Pero siyempre, hindi ko naman sinabi yun. Sa akin na lang yun."
Read: The reason behind Judy Ann Santos’s jewelry investments
Judy ANN SANTOS: " I have to find my way up..."
Ayon pa kay Judy Ann, malaking hamon ang gumawa ng tatak sa showbiz lalo pa't marami siyang kasabayang artista na magagaling din sa pag-arte.
Inisip daw niyang mabuti kung paano siya aariba pataas sa kanyang karera.
Sabi niya: "Marami naman kaming nagkasabay noong araw. And this was happening when I was 11, 12, 13 years old.
"Alam kong I have to find my way up, but I never really had that big dream that I want to be a superstar someday.
"I just kept on working and working and working. Kept on going to church when I have... pagka ako nalang mag-isa.
"Yun ang alone time ko, that's where I gather myself back up again. And then lo and behold, blessings just keep pouring in."
Dasal at pagpupursige sa trabaho ang naging panlaban niya.
"I give myself 101% to every project I accept.
"And in my mind talaga, I will never reach the point na I will be an endorser because hindi naman ako yung... feeling ko wala akong mukha para doon.
"And probably, siguro malaking factor yun kasi hindi ako nakapagtatapos, so wala akong confidence to really talk to...
"Then I realized I can just be myself. I can just talk about every brand that I believe in kasi puwede akong maging ako nang hindi ko kailangan palitadahan yung kailangan kong sabihin kasi totoo na naniwala ako.
"So, para makatagal ako ng halos apat na dekada dito sa industryang ito, I think I played my cards well."
Isa din daw sa naging legasiya ni Judy Ann ang pagkakaroon ng pusong mapagpasalamat sa lahat ng kanyang mga nakatrabaho at nagtitiwala sa kanya.
Dagdag niya: "I built this foundation with a pure and grateful heart na every time I come up to a person or ano, ang talagang pinangalagaan ko is the relationship to each and every person I work with regardless if it's an actor, a producer, a director or the crew or the utility.
"Lahat yan sila ay pantay-pantay because it doesn't make sense na may mataas, mababa, o maliliit. Hindi.
"Para sa kin lahat ng tao, pantay-pantay. Lahat tayo nagtatrabaho nang patas. Kaya dapat patas din ang laban."
Read: Judy Ann Santos has a funny anecdote about her Fantasporto trophy