Napagkamalan ang Popstar Royalty na si Sarah Geronimo na may bitbit na alak sa concert ng American singer-songwriter na si Billie Eilish sa London, England.
Nanood si Sarah at ang mister niyang si Matteo Guidicelli sa Hit Me Hard and Soft tour ni Billie sa O2 Arena.
Sa pamamagitan ng Instagram Reel noong July 15, 2025, ibinahagi ni Matteo ang nakakatawang experience nila sa security inspection papasok sa venue ng concert.
Read: Billie Eilish to perform in Manila for the first time
Ipinakita niya ang video ng pagpila nila papasok sa venue.
Sa bag inspection ni Sarah, tinanong ng security guard kung ano ang laman ng bitbit nitong maliit na kulay green na lagayan.
Sagot ni Sarah, "Alcohol."
Sabi ng guwardiya, "It's not allowed in there."
Dito na to the rescue si Matteo.
Sabi niya, "Hand sanitizer."
Kalaunan, pinayagan silang maipasok ang alcohol na dala-dala nila sa loob ng arena.
Natawa na lamang si Sarah dahil inakala raw ng guwardiya ay alak ang "alcohol" na bitbit niya.
Sabi naman ni Matteo sa caption, sulit ang paglipad nila mula Pilipinas patungong London para mapanood si Billie.
Ibang klase raw ang naging performance nito.
Saad niya: "Flew in just for the night to catch her live and it was worth every mile.
"She owned that stage. Commanding, electric, and totally in control.
"Inspiring to witness!! And the best part she was so grateful to the audience and her team!"
Nagkuwento rin si Matteo tungkol sa muntik-muntikan nang aberyang naranasan nila dahil sa "alcohol."
Aniya, "Also… almost got in trouble for bringing in 'alcohol.' Relax, it was just Green Cross."
Sa huli, sinabi ni Matteo ang wish niyang mag-collab ang misis niyang si Sarah at si Billie Eilish.
Aniya, "But here’s a thought: What if we saw a Sarah G x Billie Eilish collab someday?
"Now that would be wild."
View this post on Instagram
Read: Klea Pineda reveals breakup with Katrice Kierulf
NETIZENS PRAISE SARAH GERONIMO FOR BEING HUMBLE
Sa comments section ng post ni Matteo ay pinuri ng netizens si Sarah sa pagiging simple at mapagkumbaba raw nito.
"Superstar" din daw kasing maituturing ang Kapamilya singer sa Pilipinas.
Sabi ng isang netizen, "Si Sarah until now parang hindi aware na sya ang Superstar ng Pinas ngyn at akala mo hindi ganyan karami ang nanonood sa mga concerts nya
"Minsan nga mas mahal pa concert tickets nya kesa sa ibang international singers kapag nagkoconcert sa Pinas."
Sinang-ayunan ito ng isang netizen.
Sabi nito, "Hahahah, same thought, apaka humble nya! She can also make that stadium full!"
"Super humble" naman daw si Sarah, ayon sa isa pang netizen.
"Walang arte off work" kung ituring ng isang fan ang Filipino singer.
Bulalas ng isa, "Ang galing! Imagining our very own superstar from the Philippines is watching a concert like most of us, no VIP treatment for a big star like her (including you, kuya Matteo).
"So simple and very humble people. Thank you to both of you for sharing your experience to all of us!"
Hindi naman daw pa-diva kung umasta si Sarah, sabi pa ng isang netizen.
Read: VIRAL: Alleged affair ng tech CEO, nahuli-cam sa Coldplay concert