Pumukaw sa damdamin ng pet lovers, kabilang na ang Kapuso actress na si Carla Abellana, ang isang post tungkol sa epekto ng abusive relationship sa kanyang alagang aso.
Sa Instagram, nagbahagi ang isang user ng karanasan niya at ng alagang aso noong nasa loob pa siya ng isang "abusive relationship."
Ayon sa nag-post, naramdaman din noon ng kanyang alagang aso ang lahat ng naramdaman niyang sama ng loob.
Kalakip ng post ng netizen ang video na nagpapakita ng mga pagbabago sa kilos ng alaga niyang aso na dapat daw maging senyales upang umalis na sa isang abusive relationship.
Panimula niya, "In case you needed another reason to leave your abusive relationship..."
Sa slide 2: "This was my dog during the 4 years that we lived with my ex..."
"Her ears were always shot back"
"And her appetite went from food fiend to missing meals multiple days a week"
"I even took her to the vet to get lots of tests done because she was eating so little I thought she was sick..."
"Her favorite places to sit (couch and bed) became a worry to her, because my ex would raise his voice when her fur got around the house"
"This was Penny a few months after moving into our new place"
"Her ears perked back up"
"And she hasn't missed a meal since the day we left..."
Payo pa ng netizen sa may mga kahalintulad na sitwasyon: "Leave because they deserve to live in peace, just as much as you do. I will never do that to you again Penny."
Buong caption ng Instagram user: "The truth behind the relationship that you’re afraid to leave behind: your dog can feel every bit of tension that you can.
"I still get mad at myself some days for not seeing the change in her behavior during this chapter of life, but I know it’s something I’ll never put her through again. Leave because they deserve it too."
View this post on Instagram
Read: Lolit Solis, talent manager and showbiz columnist, dies at 78
CARLA ABELLANA REVEALS SEVEN-YEAR ABUSIVE RELATIONSHIP
Sa comments section ng post, ibinahagi ng aktres na si Carla Abellana ang kanyang kaparehong karanasan.
Noon daw ay meron siyang tatlong aso at isa sa mga ito ang pinakanaabuso ng kanyang "narcissistic ex."
Ayon sa webMD.com, ang "narcissist" ay tumutukoy sa taong mataas ang tingin sa sarili, self-centered, makasarili, at madalas ay hindi iniintindi ang damdamin o pangangailangan ng iba.
Ayon kay Carla, umabot ng lagpas pitong taon bago siya magising sa katotohanan at pinagsisihan nang labis kung bakit tumagal ang kanilang relasyon ng tinutukoy niyang ex.
Aniya: "I had 3 dogs back then (now i have 6), 1 of which was the most abused by my Narcissistic ex.
"It took 7 and a half years for me to wake up and i still regret not getting out earlier.
"I was blind for that long."
Ngayong nakawala na siya sa nasabing relasyon, hindi na umano nakakaramdam ng takot ang kanyang mga alagang aso.
Noon daw ay palaging takot ang mga ito, nagtatago sa ilalim ng kama, o kaya ay nakahawak sa kanya.
Lahad ni Carla: "Now, my dogs no longer shake out of terror, hide behind me or underneath the bed, cling to me whenever they’re afraid, no more tails tucked underneath their bodies, and no more ears pushed back.
"God is good. He made a way to get us all out and we’ve all been happier ever since."
Walang tinukoy na pangalan si Carla sa kanyang post.
Ngunit ang napabalitang huling nakarelasyon ng aktres ay ang ex-husband niyang si Tom Rodriguez.
Naghiwalay sila tatlong buwan pagkatapos nilang ikinasal.
Read: Tom Rodriguez, Carla Abellana have reportedly broken up