Pagpapakatotoo ang susi sa magandang samahan ng magkasintahang Rayver Cruz, 35, at Julie Anne San Jose, 31.
Read: Julie Anne San Jose and Rayver Cruz: Better together
Sa loob ng higit-kumulang tatlong taon nilang relasyon, wala na raw sila tinatago sa isa't isa.
“E, I mean, what you see is what you get naman sa amin e,” pakli ni Rayver.
Paliwanag pa ng binata, “Sobrang genuine lang ng relationship namin, wala kaming, alam mo yung mga filters?
“I mean, minsan nga nakakalimutan ko na naka-IG live pala kami, pinapakita ko yung tunay na sarili ko na. Alam mo yun?"
Hindi raw naiilang si Rayver na maging makulit sa harap ni Julie Anne.
“Alam naman ng lahat iyon, di ba? Kasi ganun ako kapag kasama ko si Julie, lumalabas yung kid inside.
"And every time na kasama ko siya, hindi nawawala yung kilig ko kapag kasama ko siya, so ayun.”
Iyon ang sikreto ng kanilang maayos na relasyon?
”Iyon ang sikreto!" mabilis na sang-ayon ni Rayver. "And then kailangan open kayo sa bawat isa.”
rayver cruz on WEDDING bells
Dahil masasabing ideal ang relasyon ng couple, at suportado pa sila ng kanilang pamilya, hindi maiwasang tanungin sila kung balak na ba nilang magpakasal.
"Siyempre dun naman na papunta," saad ni Rayver.
“Wedding plans, napag-uusapan namin. Pero yung wedding plans kasi gusto ko kasi siyempre ma-surprise pa rin siya kahit na sinasagot ko ito sa interview.
“Importante pa rin na wala siyang matunugan kung kailan mangyayari.”
Next year na ba?
“Ah malalaman din naman ng lahat," ani Rayver.
Hindi naman daw puwedeng maunang makaalam ang publiko bago si Julie Anne o pamilya nito.
"Tsaka siyempre iyang plano na yan dapat sinisimulan ko sa magulang niya,” saad ni Rayver.
Read: Julie Anne says sleepover not allowed in relationship with Rayver
ON KIDS
Handa na ba si Rayver na maging mister at ama?
“Pag dumating yung araw na yun, oo naman, oo naman,” bulalas ni Rayver.
“And hindi na rin naman ako bumabata. Tuwang-tuwa ako sa mga pamangkin ko, sa mga anak ni Rodjun.
“So, I think pag dumating ang araw na iyon masaya iyon, masaya iyon, brand-new journey and panibagong simula.”
May dalawang anak na ang kapatid ni Rayver na si Rodjun Cruz at misis nitong si Dianne Medina, sina Joaquin at Isabel.
Read: Ina ni Zeinab Harake, "banned" sa wedding nila ni Bobby Ray?
THE CLASH
Samantala, nagbabalik ang The Clash na umere ang pilot episode nitong Hunyo 8.
Clash Masters o hosts sina Rayver at Julie Anne. Mga hurado naman ang Asia’s Nightingale na si Lani Misalucha, ang Asia’s Romantic Balladeer na si Christian at ang Comedy Concert Queen na si Ai Ai delas Alas.
Napapanood ito tuwing Linggo, 7:15 P.M..
Ang first-time contestants ng The Clash ay sina Adelle Yu, Carlos Florez, Divine Camposano, Jan Echavarria, Jayce San Rafael, Juary Sabith, Liafer Deloso, Leigh Atienza, Marian Pimenta, Mitzi Josh, Scarlet Yape, at Venus Pelobello.
Ang twist: makalalaban nila ang mga Clashbackers o labin-dalawang datihang contenders na nagmula sa past editions ng singing competition.
Ito ay sina Vilmark, Renz Robosa, Jennifer Maravilla, Arabelle dela Cruz, Nef Medina, Lyra, Bea, Liana Castillo, Zyrene Ciervo, Allain Maristela Gatdula, Tombi Romulo, at Jong Madaliday.