Kung marami ang natuwa at kinilig sa paggi-guest ng actress-influencer na si Heart Evangelista sa Pinoy Big Brother (PBB) Celebrity Collab Edition, may ilan ding hindi ito nagustuhan.
Pumasok ang Kapuso actress bilang houseguest sa sikat na Bahay Ni Kuya kahapon, June 8, 2025.
Read: Heart Evangelista on former glam team: "Emotional terrorists."
Sa social media ay nagpahayag ang ilang loyal viewers ng PBB na hindi muna sila manonood habang nasa loob ng bahay ang influential celebrity.
Ito ay dahil sa koneksiyon ni Heart sa asawa niyang si Senate President Chiz Escudero, na inaakusahan ngayong nagde-delay sa impeachment trial ni Vice-President Sara Duterte.
Noong 20th Congress pa ipinasa ng House of Representatives ang impeachment complaint sa Senado. Gayunpaman, hindi pa rin natutuloy ang impeachment trial sa Senado na nasa pamumuno ngayon ng asawa ni Heart.
Maraming senador at law experts ang nagpahayag ng pagkadismaya sa desisyon ni Senator Chiz na hindi muna isagawa ang impeachment trial ni VP Sara.
NETIZENS REACT TO HEART'S PBB APPEARANCE
Dismayado rin ang ilang PBB viewers sa pagpasok ni Heart sa Bahay Ni Kuya dahil para sa kanila ay paraan ito para mapabango umano ang pangalan ng kanyang kabiyak.
Makikita sa social media, tulad ng X (dating Twitter), ang reaksiyon ng PBB viewers:
Samantala, may mga nagbibiro namang bigyan daw dapat ni Kuya ng task si Heart para kausapin ang asawa tungkol sa impeachment.
Sabi ng isa: "Sana isinama ni Heart si Chiz as houseguest sa PBB. Unang task: HUWAG I-DELAY ANG IMPEACHMENT TRIAL. Yari ka kay Kuya."
Ayon naman sa isa: "Kuya: Heart para sa iyong unang task, lumabas ka ng bahay ko at sabihin sa iyong asawa na simula na ang impeachment trial. Bibigyan kita ng 24 oras para makabalik ng bahay ko."
Hindi nagtagal ang pananatili ni Heart sa Bahay Ni Kuya dahil kinagabihan ay nagpaalam na rin siya sa housemates.