Back in each other's arms na ba sina Sofia Andres at Daniel Miranda?
O hindi talaga sila naghiwalay?
Ito ang tanong ng netizens na nakakita ng Instagram post ni Daniel kahapon, May 11, 2025, Mother's Day.
Makikita sa larawan ang medyo blurry nilang dalawa ni Sofia.
Background music ng post ay ang kanta ni Stevie Wonder na "Isn't She Lovely."
Sa caption ay binati ni Daniel ang lahat ng ina ng Happy Mother's Day.
Pinasalamatan din niya ang kumuha ng larawan — ang anak nila ni Sofia na si Zoe Miranda.
Caption ni Daniel sa kanyang post: "happy mothers day to all the beautiful moms out there [heart emoji]
"thank you for the picture @iamzoemiranda [face blowing a kiss emoji]"
View this post on Instagram
Read: Sofia Andres Defends Daniel Miranda's Family Support
NETIZEN ON DANIEL AND SOFIA: "Ang mahalaga, malinaw na di hiwalay"
Maraming netizens ang natuwa dahil nasilayan nilang muling nagkasama sina Daniel at Sofia.
Malabo man daw ang kuha ng larawan ay malinaw na "di hiwalay" ang dalawa.
Biro ng isa tungkol sa quality ng larawang ipinost ni Daniel, "Muntik na luminaw"
Tawa lang ang isinagot ni Daniel sa kanya.
Punto ng isa, "Ang mahalaga, malinaw na di hiwalay"
Tugon ng isang netizen, "kaya nga grabi ang mga people nauna pa sa kanila mag sabi ng hiwalay na daw"
Nagsimulang magkaroon ng alingasngas tungkol sa relasyon nina Daniel at Sofia nang i-unfollow nila ang isa't isa noong April 24, 2025.
Dahil dito, lumabas ang mga haka-hakang hiwalay na ang dalawa.
Read: Sofia Andres, Daniel Miranda unfollow each other on Instagram
Pero noong April 30, napatanong ang ilang netizens kung magkarelasyon pa ba ang dalawa dahil halos sabay silang nag-post sa kanilang Instagram Stories.
Ang kanilang post ay para sa brands ng caps at sunglasses na pareho nilang iniendorso.
Sa post ay makikitang sweet na sweet sina Sofia at Daniel habang nasa beach.
Walang caption si Sofia liban sa naka-tag na Instagram handle ng brands ng mga produktong iniendorso.
Read: Are Sofia Andres and Daniel Miranda still a couple?
Sa ngayon, parehong tikom pa rin ang bibig ng magkabilang kampo ukol sa isyung hiwalayan.