Ini-stalk muli ng netizens ang Instagram accounts nina Cristine Reyes at Marco Gumabao.
At napansin nilang muling nag-follow sa isa't isa ang magkasintahan.
April 5, 2025 pa ang huling post ni Marco sa Instagram kung saan nangangampanya siya.
Ang pinakabagong post naman ni Cristine ngayong araw, April 28, ay kuha mula sa Cavite sa kampanya ng isang senatorial candidate.
Noong panahong nag-unfollow sina Cristine at Marco sa isa't isa, April 24, walang bagong post pareho sa kani-kaniyang social media ang magkasintahan.
Ang huling balita kay Cristine ay ang pagdadalamhati nito sa pagpanaw ng adoptive father na si Demetrio Pascual noong April 20, 2025.
Kaya walang makalkal ang netizens kung may problema ba sa relasyon sina Cristine at Marco.
Read: Cristine Reyes mourns death of adoptive father
CRISTINE REYES UNFOLLOWS MARCO AUGUST 2024
Hindi ito ang unang pagkakataong in-unfollow ni Cristine si Marco sa Instagram.
Noong August 2024, kumalat ang haka-hakang naghiwalay na ang dalawa.
Nag-deactivate kasi si Cristine ng kanyang Instagram account noong August 14, 2024.
Nag-alala ang fans noon dahil iyon ang araw ng 30th birthday ni Marco, pero mukhang hindi sila magkasama ni Cristine.
Noong August 15, 2024, sa pamamagitan ng palitan ng mensahe sa Viber, inusisa ng PEP.ph (Philippine Entertainment Portal) si Ara Mina, ang ate ni Cristine, kung ano ang nangyari sa kapatid at nag-deactivate ito ng account.
Natatawang sagot noon ni Ara, "Ayaw niya muna mag-social media."
Dagdag pa ni Ara, masyadong naka-focus si Cristine noon sa pelikulang The Kingdom na official entry sa Metro Manila Film Festival (MMFF) 2024.
Pero paniniguro ni Ara, "Ok sila, walang problem, she’s concentrating lang sa movie na ginagawa niya.”
Makalipas ang dalawang araw, August 16, 2024, nag-post si Cristine sa kanyang Facebook Story ng pagbati sa boyfriend.
Isang hugging photo nila ni Marco ang ibinahagi ni Cristine.
Sa isa pang larawan, makikitang kasama ni Cristine ang amang si Romeo Reyes.
Sabi niya sa caption, "lunch and dinner dates are a must on their shared birth date! [hearts emojis] Marco Gumabao"
Read: Cristine Reyes, Marco Gumabao post date photo amid breakup rumor
CELEBRITY COUPLES UNFOLLOWING EACH OTHER
Samantala, sina Cristine at Marco ang pangalawang celebrity couple na nag-unfollow-an noong April 24, 2025.
Nauna sa kanila sina Sofia Andres at Daniel Miranda na nabalitang nag-unfollow-an sa Instagram, at lumikha ng palaisipan kung break na sila.
Read: Sofia Andres, Daniel Miranda unfollow each other on Instagram