Kabilang ang Kapuso comedian na si Michael V a.k.a Bitoy sa nagbigay-pugay sa yumaong actress-singer, ang Superstar na si Nora Aunor.
Isang portrait sketch ni Nora—na si Bitoy mismo ang gumihit—ang ipinost niya sa Instagram noong Linggo, April 20, 2025.
Ito'y para alalahin ang naging buhay at makulay na karera sa showbiz ng aktres noong ito ay nabubuhay pa.
Pagbabalik-tanaw ni Bitoy, may narinig siyang kuwento mula sa namayapang OPM legend na si Rico J. Puno noong dekada nobenta.
Read: #ThrowbackThursday: OPM Hitmakers remember happy times with Rico J. Puno
Tungkol ito sa limang batayan upang maituring na ang isang tao ay "superstar" sa mundo ng showbiz.
Bagay na akmang-akma raw sa katangian, talento, at achievements ni Nora.
Mababasa sa caption ng post ni Bitoy (published as is): "Sometime in the 90s, narinig ko from the legendary Rico J. Puno kung pa’no maging 'superstar' sa Philippine entertainment industry and he said there are 5 requirements:
"1. Dapat number one sa ratings ang TV show mo.
"2. Dapat blockbuster sa takilya ang movie mo.
"3. Dapat nasa playlist ng radio stations ang mga kanta mo.
"4. Dapat sold out ang concerts mo.
"5. Dapat maganda ang reviews ng theater/stage plays mo.
"Ang hirap, ‘di ba?"
Ani Bitoy, tanging si Nora lamang ang kilala niyang nakagawa ng lahat ng ito.
"Iisa lang ang kilala ko sa showbiz na na-achieve LAHAT ito SIMULTANEOUSLY at one point in her career…Si Nora Aunor lang.
"May iba pa ba kayong kilala in this generation sa industriya natin na kayang pumantay sa achievement n’ya? I seriously doubt it.
"Rest in peace, Superstar," saad niya.
Sa comments section ng post ni Bitoy ay nagkomento ang isa sa limang anak ni Nora, si Lotlot de Leon.
Saad nito (published as is): "Salamat salamat."
Read: Lotlot, Matet, Kiko, Kenneth proud to be adopted by Nora Aunor
NORA'S DEATH AND ACHIEVEMENTS
Binawian ng buhay si Nora sa The Medical City, Pasig City, noong Miyerkules ng gabi, April 16, 2025.
Siya ay 71 years old.
Read: Nora Aunor, surrounded by her children in her very last moments
Ang kanyang pagpanaw ay nagdulot ng matinding kalungkutan sa showbiz industry.
Unang nakilala sa kanyang "Golden Voice," nang lumaon ay mas sumikat si Nora sa husay niya sa pag-arte.
Hindi na mabilang ang mga parangal, kabilang ang Lifetime Achievement Awards, na tinanggap niya.
Hindi lamang sa Pilipinas kinilala ang galing ni Nora dahil nagwagi rin siya ng acting awards mula sa iba’t ibang international film festivals.
Read: Nora Aunor's PA in the '70s recalls patintero days with Superstar
Si Nora ang hinirang na best actress sa 19th Cairo International Film Festival noong 1995 para sa kanyang pagganap ng lead role sa The Flor Contemplacion Story, na base sa trahedya ng buhay ng isang overseas Filipino worker.
Taong 2012, para sa kanyang pagganap sa Thy Womb, nakuha niya ang Bisato d' Oro Award for Best Actress, ang Italian critics' prize sa 69th Venice International Film Festival.
Nanalo rin siya ng Best Performance by an Actress sa Asia Pacific Screen Awards sa Australia, Best Actress sa Sakhalin International Film Festival sa Russia, at Best Actress sa Asian Film Award sa Hong Kong.
Pinarangalan naman ng CNN APSA Viewers Choice Award bilang Best Asia-Pacific Film of all Time noong 2008 ang iconic film na pinagbidahan niya, Ang Himala (1982).
Nilikha ito ng dalawang alagad ng sining na naging National Artists of the Philippines—sina direktor Ishmael Bernal at screenwriter Ricardo Lee.
Read: National Artist Nora Aunor: "a soul of a nation"
Phenomenal ang pagsikat ni Nora bilang Superstar.
Noong 2022, si Nora ay tinanghal bilang National Artist for Film.
Read: Nora Aunor, gagawaran ng state necrological service sa MET
Additional reports by Jojo Gabinete