Nawala sa eksena si Mercedes Cabral matapos mamatay ang karakter niyang si Lena sa toprating series na FPJ’s Batang Quiapo.
Nag-shooting kasi siya ng isang international movie sa Switzerland for more than two months, at kapagkuwan ay “nagtago” at nagpahinga.
Lumantad si Mercedes ay sa mediacon ng pelikulang Fatherland noong Marso 25, 2025, Martes, sa Manila Hotel.
Read: Mercedes Cabral considers body piercing as self-expression
“I am grateful, and I’m thankful kung paano tinapos yung character na Lena,” pahayag ni Mercedes sa eksklusibong panayam ng PEP.ph (Philippine Entertainment Portal).
“Kasi na-build up siya nang maayos, na-set nang maayos. Alam mo yun, parang may naiwan ako sa tao, I’m sure.
“Like yung nabigay ko na performance, so I’m really grateful and thankful kay Direk Coco Martin, and sa lahat ng bumubuo din siyempre ng Batang Quiapo.
“And I missed them so much! Sobra! Feeling ko, antagal kong nawala talaga. Nakabalik ako, end of January.
“So, nagpahinga din muna ako. Kasi yung more than two months ko dun [sa Switzerland], naramdaman ko rin talaga yung trabaho.
“Naramdaman ko na nagtrabaho talaga ako. Kasi yung shoot dun, siyempre iba sa sistema natin dito.
“So I was working every day, like Mondays to Fridays, for ten hours every day. So feel ko yung pagod talaga.
“Like it’s very challenging for me mentally, emotionally, physically. So, na-test din ako bilang aktor, e, kung ano yung kapasidad ko, ano yung kaya ko.
“Na-test ako sa project na yon pero andami ko ring natutunan. So, ano siya, masayang experience talaga for me.”
INTERNATIONAL MOVIE BEFORE BATANG QUIAPO
Nag-commit si Mercedes sa nasabing international movie bago pa siya kinuha sa FPJ’s Batang Quiapo.
“Matagal nang sinabi sa akin yung project na yun, two years ago pa. Hindi lang siya natuloy pa kaya nauna kong gawin ang Batang Quiapo,” lahad ni Mercedes.
“But we were always in touch with the producer, with the director. Na okay, itutuloy natin ito but it just needs more time for fundings and stuff.
“And then eventually hanggang sa natuloy na. So, kailangan kong magpaalam na rin sa Batang Quiapo team.
“But yun nga, clinarify ko rin naman sa kanila na nauna ito before Batang Quiapo.”
Hindi nagkaproblema sa pagitan ng dalawang produksiyon, iyong Batang Quiapo at international movie.
“Masaya din ako kasi si Direk Coco and the producers are like… they want to show their support din,” sabi ng premyadong aktres.
“And ayaw nila na, alam mo yun, hadlangan or pigilan, kasi parang alam nila na makakatulong din itong project na ito sa akin internationally.
“So they were all, like, full support kaya natutuwa ako na inisipan nila ng magandang paraan, paano aalisin din si Lena doon sa series.
“And I was really happy about it.”
Read: Mercedes Cabral gains well-deserved recognition for Batang Quiapo
SHAKING OFF LENA CHARACTER
Nobyembre 2024 lumipad mag-isa pa-Switzerland si Mercedes para sa shooting ng international movie. Wala siyang alalay o assistant na kasama.
Sa ngayon ay wala pa siyang tinatanguang bagong project.
Paliwanag ni Mercedes: “Nagpahinga kasi talaga muna ako. Sinabi ko yun sa manager ko, kay Ferdy Lapus.
“Wala kasi akong naging break noon, e. Natapos ako sa series four days before my flight.
“So, wala akong time but to just pack my stuff and alam mo yon, parang spend a little quality time siyempre with my family, with my boyfriend, with my friends.”
Naisingit pa noon ni Mercedes ang shooting ng pelikulang Fatherland sa direksiyon ni Joel Lamangan.
Madalas na kaeksena niya sa Fatherland si Cherry Pie Picache.
Co-stars noon sina Mercedes, Cherry Pie, at Direk Joel sa FPJ’s Batang Quiapo.
Read: Cherry Pie Picache, "tinakot" si Mercedes Cabral
Pagpapatuloy ni Mercedes: “So ako, parang hindi ko na-shake off pa si Lena during that time. Wala akong time to let go of the character.
“Wala akong time magpagpag muna, recovering from Lena. So, sampa ako agad sa isang karakter na very, like, emotionally demanding din.
“Kaya nahirapan din ako when I was there. May mga times na nagbe-breakdown ako. Kasi ang hirap!
“Hindi ko alam saan ko ilalagay yung sarili ko mentally and emotionally for that, yung start nung project na yon.
“Pero naano naman, like nagawa ko naman nang maayos with the help of course, with my director and my co-actors.
“Yung istorya niya is about mga OFW.”
Read: Cherry Pie Picache at Mercedes Cabral, tulungan off cam
PINAY CAST IN INTERNATIONAL MOVIE
Kabilang sa mga Pinay na nasa cast din ng naturang international film sina Anna Luna, Irma Adlawan (na galing din sa FPJ’s Batang Quiapo), Ruby Ruiz, Donna Carriaga, at Hasmine Killip ng Cinemalaya 2016 film na Pamilya Ordinaryo.
“Nagbalik si Hasmine, I know. She’s really a good actress. Like, it was my first time to work with her,” nakangiting salaysay ni Mercedes.
“And I’ve always known her. Kasi napanood ko na rin yung Pamilya Ordinaryo pero yun nga, alam ko, tumigil siyang umarte, di ba?
“So ayun lang, masaya when I got to know her and then to work with her. Iba din talaga, e, iba din siya. How she is as an actress, and how she is personally.
“So, ang saya! Like halu-halo, e. Dun sa two months na andun ako, andaming nangyari…
“Sa araw-araw na nagtatrabaho kami, anlaking bagay na may alone time ako, or mapag-isa. Kasi kailangan ko din yon to recharge.”
Read: Newcomer Hasmine Killip surprised to win over Nora Aunor, Judy Ann Santos at Cinemalaya
Na-explore nila ang Switzerland? Nakapag-bonding sila?
“Yeah, nagkaroon ako ng time. Yung iba, umuwi dito, bumalik sa Philippines. Pero kami ni Anna Luna, we decided to just stay there,” saad ni Mercedes.
“Anna Luna flew her family, her husband and yung anak niya, andun to spend the holidays there.
“And then ako naman, pinuntahan naman ako ng boyfriend ko. So at least!
“And akala ko, kaya kong mag-isa. Akala ko, kaya kong mag-isa over the holiday break. May holiday break naman kami.
“Pero na-realize ko, sinabi ko dun sa boyfriend ko, ‘I’m so happy na pumunta kasi kung hindi, mababaliw talaga ako!’ I was so homesick na.”
FIRST CHRISTMAS AND NEW YEAR ABROAD
First Christmas and New Year iyon ni Mercedes na nasa abroad siya, at hindi niya nakasama ang kanyang pamilya.
Kuwento pa ni Mercedes: “I talked to my dad. Siyempre tinawagan ko sila over the holidays. Iba pa rin siyempre pag kasama mo yung pamilya mo, di ba?
“So andami, andaming nangyari. Ibang experience yon for me. But now that I’m back, parang excited na rin ako, ano yung susunod ko na gagawin dito.
“Wala pa kasi. Like, sinabi ko na, 'I need a break.' I needed like for my mental health. Ha! And everything para makapagtrabaho ako.
“And now, naka-recover na ako. Okay na ako. So I’m ready to work on TV, or movie. Well, mas gusto ko kasi talaga, movies.
“Pero if there are like offers din for TV, then why not? You know, I’m ready.”
Read: Mercedes Cabral emotional over bashing after controversial Facebook post