Gabi ng Hiligaynon films ang awards ceremony ng 2nd Puregold CinePanalo filmfest nitong Marso 19, 2025, Miyerkules, sa The Elements, Eton Centris, Quezon City.
Pinakapanalong Pelikula ang Hiligaynon film ni Direk TM Malones na Salum.
May kaakibat iyong P250,000 cash prize.
Wagi ang Salum ng karagdagang tatlong tropeyo bilang Panalo sa Production Design (Kyle Fermindoza), Panalo sa Sound Design (Fatima Nerikka Salim at Immanuel Verona), at Panalo sa Musical Scoring (Armor Rapista).
Ang Hiligaynon film ng multi-awarded editor na si Tara Illenberger, iyong Tigkiliwi, ang pinagkalooban ng Panalong Karangalan mula sa Mga Hurado.
Tigkiliwi ang may pinakamaraming tropeyo sa Puregold CinePanalo 2025… pito!
Wagi ang Tigkiliwi sa apat na acting categories — Panalong Aktres (Ruby Ruiz), Panalong Aktor (JP Larroder), Panalong Pangalawang Aktor (Jeffrey Jiruma), at Panalong Pangalawang Aktres (Gabby Padilla).
Katabla ng batang si JP bilang Panalong Aktor si Khalil Ramos ng Olsen’s Day.
Ang dalawa pang award ng Tigkiliwi ay para sa Panalong Kwento o best screenplay (Tara Illenberger), at Panalong Ensemble.
Sa kategoryang Panalo sa Cinematography ay dalawa ang nominasyon ni TM Malones, para sa Salum at Tigkiliwi.
Talo pareho roon si TM.
Nagtabla bilang best cinematography ang Journeyman (Dominic Lat) at Olsen’s Day (Kara Moreno).
Nominado rin si TM Malones para sa Panalong Kwento, pero ang nagwagi nga roon ay si Tara Illenberger ng Tigkiliwi. Tulungan sina TM at Tara.
Nominado si Tara bilang best editor para sa Salum. Ang nag-edit ng Tigkiliwi ay si Michael Bayani Canino.
Ang Panalo sa Editing ay Co-Love (Vanessa Ubas de Leon).
Masayang-masaya pa rin naman sina TM at Tara dahil ang kani-kanyang idinirek na pelikula ang best picture at jury prize, respectively.
OTHER WINNERS
Kagaya ng Salum, apat ang tropeyo ng Olsen’s Day — Panalong Aktor (Khalil Ramos, katabla si JP Larroder ng Tigkiliwi), Panalong Direktor (JP Habac), Mowelfund’s Special Citation, at Panalo sa Cinematography (katabla ang Journeyman).
Nakaanim na tropeyo ang Journeyman na pinagbidahan ni JC Santos bilang boksingerong professional loser.
Winner ang Journeyman bilang Panalo sa International Jury, Puregold Always Panalo Film (katabla ang Fleeting), MTRCB Responsableng Paglikha, Panalo sa Cinematography (katabla ang Olsen’s Day), Panalo sa Brand Intrusion, at Panalo sa Film Poster.
Tatlo ang tropeyo ng Co-Love starring Jameson Blake and KD Estrada — Panalo sa Mga Manonood, Panalo sa Editing (Vanessa Ubas de Leon), at Panalong Awitin (Di Ko Pinili by Kiko Salazar, performed by Chie).
Isa ang award ng Fleeting starring RK Bagatsing ang Janella Salvador, Puregold Always Panalo Film (katabla ang Journeyman).
Bokya ang Sepak Takraw na isa lang ang nominasyon, at iyon ay sa kategoryang Panalong Aktor.
Iyong anim na iba pang full-length film, pati direktor at musical scorer, ay pawang nominado.
RUBY RUIZ WINS BEST ACTRESS
Tatlo ang movies ni Ruby Ruiz sa Puregold CinePanalo 2025.
Bidang babae siya sa Tigkiliwi, at suporta sa Journeyman at Sepak Takraw.
Sa best actress lang na-nominate si Ruby, at siya ang nagwagi.
Kinabog niya sina Janella Salvador (Fleeting) at Christine Mary Demaisip (Salum).
Wala si Ruby sa awards night.
Ang tumanggap ng kanyang trophy ay ang anak niyang lalaki.
“Na-delay po yung flight niya, so unfortunately hindi po makakaabot,” sabi ng anak ni Ruby.
“But she would like to share this award to the whole Tigkiliwi team, with the cast and crew.
“Kasi sobrang group effort daw talaga para matuto lang siyang mag-Ilonggo. Salamat daw ho sa paggabay sa kanya.
“Salamat daw ho kay Sir Chris Cahilig at sa lahat ng bumubuo ng Puregold CinePanalo.”
Si Chris Cahilig ang festival director ng CinePanalo, at isa sa mga hurado.
Ang iba pang hurado ay sina Direk Jeffrey Jeturian, Direk Mae Cruz-Alviar, Moira Lang, Estonian festival director of Tallinn Black Nights Film Festival Tiinna Lokk, Republic Creative Creations Inc.’s representatives Sonny Bautista and Lyle Gonzales, at festival chair Ivy Hayagan-Piedad.
Siyempre pa, kasama rin si Ruby bilang winner sa best ensemble.
KHALIL RAMOS AND JP LARRODER TIE FOR BEST ACTRESS
Tabla bilang best actor si Khalil Ramos ng Olsen’s Day, at ang batang si JP Larroder ng Tigkiliwi.
Mahigpit ang tagisan sa kategoryang ito, kung saan walo ang nominado.
Kinabog nina Khalil at JP sina RK Bagatsing ng Fleeting, JC Santos ng Journeyman, Allen Dizon ng Salum, Enzo Osorio ng Sepak Takraw, at KD Estrada at Jameson Blake ng Co-Love.
Sabi ng batang si JP na first time umakting sa pelikula: “Maayong gabi. Thank you for the love and support here in Puregold CinePanalo film festival.
“I am so happy to be here, and Panalong Aktor. I appreciate the production staff especially Direk Tara and my supporting… and my supporting, acting, director.
“Sir Nathan, and Direk Tara. Thank you.”
Bahagi ng acceptance speech ni Khalil: “Ahhh grabe to! Ahhh thank you of course to Puregold CinePanalo festival, sa bumubuo ng jury, at sa bumubuo ng buong festival.
“Salamat sa pagbibigay ng plataporma sa mga kuwentong katulad ng pelikula namin, Olsen’s Day.
“Sa pamilya ng Olsen’s Day, whoa! Direk JP! Ahhh salamat sa tiwala mo, Direk. Alam kong sobrang personal nitong pelikulang ito para sa yo.
“At para pagkatiwalaan mo ako na maging bahagi ng kuwentong ito, napakalaking bagay ho para sa akin, Direk. Thank you.
“Sa buong cast and crew, of course si Kuya Romnick [Sarmenta], and si Xander [Nuda] of course, salamat sa inyo. Salamat sa pagiging sobrang generous.
“Hindi ko kakayanin itong mag-isa. And ipinaalala sa akin ng pelikulang ito na lahat naman tayo, may binibitbit.
“Lahat tayo ay minsan naliligaw. Pero gaano man kahaba o kahirap ang biyahe, kailangang tandaan lang natin na tayo pa rin ang nasa likod ng manibela.
“Minsan ang kailangan nating gawin ay huminto lang nang saglit, lingunin ang ating mga mahal sa buhay, at ipaalala sa kanila na hindi pa rin natin sila nakakalimutan.”
GABBY PADILLA WINS BEST SUPPORTING ACTRESS
Best supporting actress si Gabby Padilla sa Tigkiliwi.
Sabi ni Gabby, “First time ko hong maging part ng isang fully Ilonggo film, at nakaka-proud po siya.”
Nagpasintabi si Gabby na mag-i-Ilonggo siya sa acceptance speech.
Ibinahagi niya ang kanyang award sa cast at crew ng Tigkiliwi. Team effort!
Ani Gabby, “Pero what we lack for in quantity, we make up for in heart. I’m so proud. Super-proud to be part of this team.”
Dedicated ni Gabby ang kanyang tropeyo sa lahat ng mga biktima ng patriarchy.
“Mabuhay ang Ilonggo cinema!” bulalas pa ni Gabby.
Ang iba pang nominado bilang best supporting actress ay sina Sherry Lara at Che Ramos ng Olsen’s Day, Alexa Ilacad at Kira Balinger ng Co-Love, at Jasmine Curtis-Smith ng Journeyman.
JEFFREY JIRUMA WINS BEST SUPPORTING ACTOR
Ang best supporting actor ay si Jeffrey Jiruma ng Tigkiliwi.
Kinabog niya ang co-actor sa Tigkiliwi na si Nathan Sotto, maging si Raffy Tejada ng Journeyman, at sina Romnick Sarmenta at Bodjie Pascua ng Olsen’s Day.
Bahagi ng acceptance speech ni Jeffrey: “Grabe! Ahhh ahhh wala akong ano, speechless. Ahhh salamat, salamat sa CinePanalo.
“Ahhh... Sir Chris... mabuhay kayo sa pagsuporta sa mga... new generation ng mga storytellers, regional filmmakers.
“Direk Tara, Team Tigkiliwi, salamat. Salamat sa pagbilib, sa pag-alaga. He! He! Ahhmm sa inyo rin ito, inialay ko sa inyo.
“Thank you so much, magandang gabi... mabuhay ang pelikulang Pilipino.”
STUDENT SHORTS WINNERS
Sa lipon ng student shorts, kampeon ang Mindanaoan film na Champ Green bilang best short film.
May kaakibat iyong cash prize na PHP100,000.
Limang tropeyo ang natamo ng Champ Green — Panalong Maikling Pelikula, Panalong Pangalawang Aktor (Sol Eugenio), Panalo sa Kwento, Panalo sa Brand Intrusion (may dagdag na P25,000), at Mowelfund Special Citation.
Wagi rin ng Panalo sa Brand Intrusion ang short film na G!, samantalang tabla ang Checkmate at Taympers bilang Pinakapanalong Promosyon ng Pelikula.
Lima rin ang tropeyo ng Uwian — Panalong Direktor (Vhan Marco Molacruz ng Colegio de San Juan de Letran), Panalo sa Musical Scoring, Panalo sa Production Design, Panalong Aktres (Geraldine Villamil), at Panalong Pangalawang Aktres (Uzziel Delamide).
FULL LIST OF WINNERS
Narito ang kumpletong talaan ng mga nagwagi sa 2nd Puregold
Pinakapanalong Pelikula
Full-Length: Salum (TM Malones)
Student Shorts: Champ Green (Clyde Cuizon Gamale)
Puregold Always Panalo
Full-Length: Journeyman (Christian Paolo Lat & Dominic Lat), Fleeting (Catsi Catalan)
Student Shorts: Sampie, (Ira Corinne Esquerra Malit)
Panalong Direktor
Full-Length: JP Habac, Olsen’s Day
Student Shorts: Vhan Marco B. Molacruz, Uwian
Panalong Aktres
Full-Length: Ruby Ruiz as Nay Pansay, Tigkiliwi
Student Shorts: Geraldine Villamil as Remy, Uwian
Panalong Aktor
Full-Length: Khalil Ramos as Olsen, Olsen’s Day; JP Larroder as Tata, Tigkiliwi
Student Shorts: Lucas Martin as Sam, SamPie; Jasper John as Juan Dela Cruz, Dela Cruz, Juan P.
Panalong Karangalan Mula sa Mga Hurado
Full-Length: Tigkiliwi (Tara Illenberger)
Student Shorts: Dela Cruz, Juan P. (Sean Rafael A. Verdejo)
Panalo Sa Mga Manonood
Full-Length: Co-Love (Jill Singson Urdaneta)
Student Shorts: Sisenta! (Mae Malaya)
Panalong Pangalawang Aktres
Full-Length: Gabby Padilla as Marlin, Tigkiliwi
Student Shorts: Uzziel Delamide as Imang, Uwian
Panalong Pangalawang Aktor
Full-Length: Jeffrey Jiruma as Pol, Tigkiliwi
Student Shorts: Sol Eugenio as Tekbong, Champ Green
Panalong Ensemble
Full-Length: Tigkiliwi (Tara Illenberger)
Student Shorts: Sine-Sine (Roniño Dolim)
Panalong Kwento
Full-Length: Tara Illenberger, Tigkiliwi
Student Shorts: Clyde Cuizon Gamale, Champ Green
Panalo sa Cinematography
Full-Length: Dominic Lat, Journeyman; Kara Moreno, Olsen’s Day
Student Shorts: Lance Lascano, Dan, En Pointe
Panalo sa Production Design
Full-Length: Kyle Fermindoza, Salum
Student Shorts: Andrea Jayne Perang, Uwian
Panalo sa Musical Scoring
Full-Length: Armor Rapista, Salum
Student Shorts: Len Calvo, Uwian
Panalo sa Editing
Full-Length: Vanessa Ubas de Leon, Co-Love
Student Shorts: Jose Andy Sales, G!
Panalo sa Sound Design
Full-Length: Fatima Nerikka Salim and Immanuel Verona, Salum
Student Shorts: Elian Idioma, Dela Cruz, Juan P.
Panalong Awitin
Full-Length: “DI KO PINILI” by Kiko Salazar, performed by Chie, Co-Love
Student Shorts: “Suga, Camera, Saad” by Jonathan Rey Sartorio and Lloyd Martin Villacortes Arce, performed by Jonathan Rey “ROTT” Sartorio, Sine-Sine
Panalo sa Brand Intrusion
Full-Length: Journeyman (555 Sardines and Lucky Me!)
Student Shorts: Champ Green (Bear Brand), G! (Chuckie)
Panalo sa Film Poster
Full-Length: Journeyman by Christian Paolo Lat and Dominic Lat
Student Shorts: Checkmate by Alexie Nicole Pardo
Pinakapanalong Promosyon ng Pelikula
Student Shorts: Checkmate by Alexie Nicole Pardo; Taympers by Naiah Nicole Mendoza
Responsableng Paglikha
Full-Length: Journeyman
Student Shorts:
- Dan, En Pointe by Adelbert Abrigonda
- Sine-Sine by Roniño Dolim
- 1… 2… Strike!!! by Kenneth Flores
Mowelfund Special Citation
Full-Length: Olsen’s Day
Student Shorts: Champ Green
Panalo sa International Jury
Journeyman by Christian Paolo Lat and Dominic Lat