Ipagtanggol ang reputasyon at dangal ng amang minamahal.
Ito raw ang nagtulak kay Miguel Lorenzo Padlan, anak ni Dr. Mike Padlan, na magsalita ukol sa pinag-uusapang breakup ng kanyang ama at ng TV host-actress na si Kris Aquino.
Nitong weekend, inilathala ng PEP.ph (Philippine Entertainment Portal) ang mahabang Instagram post ni Kris ukol sa pinagdadaanan niyang karamdaman.
Binanggit din ni Kris sa kanyang post ang breakup nila ni “Dr. M,” na ang tinutukoy ay walang iba kundi si Dr. Mike Padlan.
Si Dr. Padlan ay naging doktor din ni Kris sa pinagdadaanan nitong autoimmune diseases.
Read: UPDATED: Kris Aquino "painful truth" about past relationship
KRIS AQUINO'S INSTAGRAM POST
Sa original Instagram post ni Kris noong March 16, 2025, Sabado, isiniwalat niyang nakipaghiwalay si Dr. Mike sa kanya dahil nais daw nitong makapag-travel at kumawala mula sa responsibilidad na pag-aalaga kay Kris.
Napagtanto rin daw ni Kris na hindi siya tunay na minahal ng dating boyfriend.
Saad ni Kris, "The TRUTH, in his words 'INIWAN KITA DAHIL MAHIRAP KANG MAHALIN, sobrang sikip ng paligid.'"
Patuloy rin daw itong naniningil ng professional fee kahit noong maging sila.
Binanggit din ni Kris na nagsasalita umano nang hindi maganda si Dr. Mike tungkol sa mga kaibigan at doktor na patuloy na nangangalaga sa kanya ngayon.
Kalaunan ay in-edit ni Kris ang kanyang Instagram post at tinanggal ang ilang bahagi ng kanyang pahayag patungkol kay Dr. Mike.
Bagamat naroon pa rin ang pakiramdam niyang hindi siya nito tunay na minahal, kumabig si Kris bandang huli nang sabihin nitong umasa siya dahil sa panahong magkasama sila ay "I DID FEEL SAFE."
Sabi pa ni Kris: "I don't regret loving you completely. Sanay akong mabigo."
Paliwanag ni Kris, in-edit niya ang kanyang post alang-alang sa mga mahal nila sa buhay ni Dr. Mike.
Read: Kris Aquino vows to fight despite slim chance of recovery: "I refuse to die."
MIGUEL PADLAN DENIES KRIS AQUINO’S CLAIMS
Kahapon, March 18, 2025, nag-post sa Facebook ang isa sa apat na anak ni Dr. Mike na si Miguel Padlan, 23.
Pinasinungalingan niya ang ilang naging pahayag ni Kris ukol sa breakup nito sa kanyang ama.
Nilagyan ni Miguel ang kanyang post ng titulong “A Son’s Love and Truth: Defending My Father’s Honor.”
Nakipag-ugnayan ang PEP.ph kay Miguel upang kunin ang kanyang permisong mailathala ang Facebook post niya, at pumayag naman siya.
Panimula ni Miguel sa kanyang post: “I am the son of Dr. Padlan, and I am speaking up because I love my father. I cannot remain silent while false stories are being spread about him.”
Sagot daw niya ito sa mga taong naghahabi ng “baseless narratives” ukol sa kanyang ama.
Nakiusap si Miguel na itigil ang pagpapakalat ng mga kasinungalingan na “unfair and misleading” para sa kanyang amang doktor.
Ibinunyag din ni Miguel ang tunay na dahilan umano ng paghihiwalay ng kanyang ama at ni Kris.
Mariin niyang kinontra ang pahayag ni Kris na hindi siya minahal ni Dr. Mike.
Saad ni Miguel (published as is): “The truth is simple yes, my father and Mama Kris separated because the spark between them was gone.
“However, that does not mean my father never loved her. He truly did.
“Their relationship was real, and he cared deeply for her.
“But love alone is not always enough to make a relationship last forever.
“Sometimes, two people are simply not meant to be together in the long run, no matter how much they once loved each other.”
SACRIFICES OF HIS DAD
Inalala rin ni Miguel na naapektuhan ang samahan nilang magkakapatid sa kanilang ama dahil sa relasyon nito kay Kris noon.
Paliwanag ni Miguel: “What pains me the most is that during their relationship, my siblings and I often felt neglected because my father was constantly traveling to America to be with Mama Kris.
“He gave so much of his time and energy to her, even at the cost of his own well-being.”
Kahit daw naubusan ng pera at nawalan ng pasyente ang kanyang ama, mas pinili nitong makasama si Kris.
Nilinaw rin ni Miguel ang tungkol sa pagbabayad ni Kris kay Dr. Mike kahit noong naging sila na.
Aniya: “[M]y father never asked her for anything. He never begged for money or gifts.
"Whatever Mama Kris gave—whether financial support or presents—she did so out of her own kindness and generosity.”
Sa kabila raw ng mga paghihirap na dinaanan ni Dr. Mike, ayon kay Miguel, “my father never abandoned us. He remained present in our lives, even during the most difficult times.”
Inilarawan ni Miguel ang ama bilang “selfless, loving, and strong.”
Dagdag niya (published as is), “I cannot stand by and watch. his name be dragged through the mud with false accusations and misleading narratives.”
Bago magtapos, iginiit ni Miguel na tunay na minahal ng kanyang ama si Kris.
“My respect for Mama Kris remains immense because my father truly loved her,” ani Miguel.
“It may hurt to admit that my siblings and I sometimes felt neglected by our father, but we understand—Mama Kris needed him, and we respected that.
May pakiusap din siya sa TV host-actress: “All we ask is that she does not spread stories that are untrue.
"My father's friends and patients know who he truly is, and they can attest to his character.”
Mensahe pa niya kay Kris: “We love you, Mama Kris, and we love our father as well.
"Family is family. That is why I am here—to support my father and stand by my family.”