Muling binalikan ni John "Sweet" Lapus ang pag-arte sa entablado sa pamamagitan ng Delia D.: A Musical Featuring The Songs of Jonathan Manalo.
First love ni Sweet ang teatro dahil dito nadiskubre ang talento niya sa pagganap sa iba't ibang roles na naging daan para magkaroon siya ng career sa pelikula at telebisyon.
Ayon kay Sweet, dumating ang Delia D. sa panahong wala siyang regular TV show.
Read: John Lapus embraces "pagkalaos"; turns losses into gains
Lahad niya sa eksklusibong panayam ng PEP.ph (Philippine Entertainment Portal) sa pamamagitan ng Facebook messenger: "Answered prayer ito bilang wala akong ginagawa. Mag-iisang taon na akong walang regular work.
"Then one time, we had a meeting with Jonathan Manalo for Here Comes The Bride: The Musical. Nabanggit niyang gagawa nga daw ang Newport Performing Arts Theater ng original musical featuring his songs.
"Sabi pa niya, baka may role sa akin kasi 'baklaan' ang theme.
"Then, nakita ko na lang sa Facebook na nagpapa-audition.
"So I messaged Direk Dexter Santos, na matagal ko nang friend sa Dulaang UP, kung may role na bagay sa akin. He said, wala pang final script so he needs to check pa.
"Then, bigla na lang ako nakatanggap ng invitation to audition. Ayun na!
"Heto, third week na ng rehearsal namin."
View this post on Instagram
WHO IS JONATHAN MANALO?
Si Jonathan Manalo ay isang songwriter and record producer na nagkamit ng 75 multi-platinum and 100 gold certifications dahil sa mga nilikha niyang mga awitin.
Ilan sa mga sumikat na komposisyon ni Jonathan ay "Pinoy Ako," "Tagpuan," "Torete," "Ikaw," "Pagbigyang Muli," "Sundo," "Tayo Na Lang," "Pangarap Kong Pangarap Mo," "Paano Ba Ang Magmahal?," "Gusto Ko Nang Bumitaw," at maraming pang iba.
Read: Meet Jonathan Manalo: the man who wrote "Leni Laban," "He's Into Her," and "Pinoy Ako"
FIRST TIME DOING MUSICAL THEATER
Taong 2017 pa raw ang huling paglabas ni Sweet sa teatro via Kapitan Sino ng produced ng Teatro Tomasino ng University of Sto. Tomas.
"Anak-anakan ko ang director ng Kapitan Sino na si Franny Omampo.
"So, di ako nakatanggi at alam mo naman na may utang na loob ako sa Teatro Tomasino since doon ako nagsimula.
"But short lang yon at may alternate naman ako," sabi ni Sweet.
Ang Delia D. ang first time ni Sweet na paglabas sa musical theater dahil nasanay siya sa straight drama at comedy stageplays.
Kaya big effort daw sa part niya ang kumanta at sumayaw.
"Last play ko sa isang professional theater ay sa Dulaang UP pa, 15 years ago. Shock Value na isinulat ni Floy Quintos," sabi ni Sweet.
Pagpapatuloy ng actor-director: "At first naninibago ako. Pero para din riding a bike. Maaalala mo pa din.
"Medyo effort lang ako kasi first time ko mag-musical theater. Kantahan ito at sayawan.
"Nag-manifest ang edad ko noong dance rehearsal na. Pero heto, kinakaya! Laban lang!"
Read: John Lapus admits getting depressed over zero income; considers TV5 his "savior"
WHO IS JOHN LAPUS IN DELIA D.?
Ang musical na Delia D. “blends camp, comedy, and drama, while highlighting the values of perseverance, family bonds, and the pursuit of one’s passions.
"Anyone who has pursued a dream will see themselves in Delia, a magnetic drag performer with a heart full of dreams and the determination to make it big, despite the unique challenges she faces.”
Gagampanan ni Sweet sa Delia D. ang role na Mama Eme. Siya ang may-ari ng drag bar kunsaan nagpe-perform si Delia D., played by Phi Palmos.
Ayon kay Sweet: "Si Delia D., ayaw niyang mag-lipsync at bet niyang mag-live singing.
"So, sumali siya sa isang singing contest sa TV na Idols of the Galaxy, ayun, nagkagulo ang lahat sa kanya.
"Marami pang beterana sa cast like me, kaya hindi ako ang pinakamatanda. At ang dami din batang mahuhusay!
"Bago para sa akin ang kumakanta ako at sumasayaw since musical nga ito.
"Sa mga nagagalingan sa akin sa TV at movies, mas magaling ako sa theater since ito ang first love ko at dito ako nagsimula.
"At higit sa lahat, mas maganda ako sa personal!"
Kasama rin sa cast ng Delia D. sina Shaira Opsimar, Floyd Tena, Tex Ordoñez-De Leon, Omar Uddin, Joann Yap Co, Joshua Cabiladas, Mimi Marquez, Rapah Manalo, Miah Canton, Alfritz Blanche, Natasha Cabrera, at Chaye Mogg.
Mukhang nauuso ngayon ang pagbalik sa teatro ng established performers tulad nina Lea Salonga, Eugene Domingo, Nikki Valdez, Sam Concepcion, at Pinky Amador.
May mga baguhan ding sumusubok tulad ni Martin del Rosario.
Read: Martin del Rosario nagpasilip ng "tangkay" sa entablado
Pahayag ni Sweet: "Ang subukan ng isang artista ang lumabas sa entablado ay para na rin sa experience. Nakaka-enhance ng self-confidence ang teatro.
"Nag-rehearse ka ng ilang buwan, nagpagod ka, nag-memorize ng linya tapos papalakpakan ka ng audience sa curtain call or sa ibang eksena mo. Napaka-worth it.
"At iba ang discipline sa teatro. You need to memorize your lines, your songs, blockings and dance steps at may dapat on time kami dito. Bawal ma-late."
Delia D.: A Musical Featuring The Songs of Jonathan Manalo will open on April 25 and run until June 8 at the Newport Performing Arts Theater.