Hindi nagustuhan ng ilang netizens ang biglaang pagtatanong ng Frontline Pilipinas anchor na si Julius Babao sa kapwa news presenter na si Kaladkaren tungkol sa estado ng relasyon nito sa asawang si Luke Wrightson.
Nitong Huwebes, February 27, 2025, sa mismong extro ng TV5 primetime newcast, diretsahang tinanong ni Julius kay Kaladkaren, a.k.a Jervi Wrightson, kung may katotohanan ba ang mga lumabas na haka-hakang hiwalay na sila ni Luke.
Read: Is Kaladkaren's relationship with Luke Wrightson on the rocks?
Nangyari ito matapos ibalita ni Kaladkaren ang tungkol sa pagpunta ni Robi Domingo sa NBI (National Bureau of Investigation) para ireklamo ang isang fan nina Donny Pangilinan at Belle Mariano na wari'y nagbanta sa TV host.
Read: Belle reaches out to Robi after alleged threat from DonBelle fan
Matapos ang pagbabalita ni Kaladkaren ay biglang nagsalita si Julius tungkol sa aniya'y isa pa niyang nababalitaan.
Saad ni Julius, "Ayun, may isa pa tayong nababalitaan, gaano ba katotoo Jervi na kayo ay hiwalay na raw ni Luke?"
Bakas naman sa mukha ni Kaladkaren ang pagkabigla sa naging tanong sa kanya ni Julius.
Imbes na sumagot ay natawa na lang si Kaladkaren at napatakip ng mukha.
Dahil walang maisagot si Kaladkaren, ibinaling na lang ni Julius ang kanyang atensiyon sa isa pa nilang kasamahang news presenter na si Denise Tan.
Ani Julius, "Denise, baka gusto mong mag-comment doon?"
Mabilis namang sagot sa kanya ni Denise, "Hintayin na lang natin kapag ready na siyang sumagot."
Netizens DID not like what Julius Babao DID on-air
Maraming netizens ang hindi nagustuhan ang gawi ng pagtatanong ni Julius kay Kaladkaren, lalung-lalo na ito raw ay on-air.
Sa X (dating Twitter), ilang netizens at fans ni Kaladkaren ang pumulis sa ginawa ni Julius.
Tweet ng isang netizen (published as is): "Putting someone like that on the spot in national television for something so personal is beyond unprofessional and unethical. Kaladkaren owes no one an explanation for her personal life, nor is it national news. Julius Babao do better."
Saad ng isa (published as is): "Ang chismoso naman ng dating ni Julius Babao. Nakalimutan yata niyang newscaster siya at hindi showbiz reporter. Nawili yata sa pagiging youtuber."
Suhestiyon pa ng isa, kailangang humingi ng paumanhin ni Julius kay Kaladkaren dahil sa biglaang pagtatanong nito na halata raw wala sa hulog.
Sabi ng netizen (published as is): "I think both Julius Babao and Jervi need to take a leave; Jervi needs to process what she's going through, while Mr Babao needs to reflect on his actions and prepare to apologize privately to Jervi and to the public."
May iba pang tumawag ng "unprofessional" kay Julius.
"Grabe napaka unprofessional ni Julius Babao in on the spot niya si Kaladkaren sa private life niya. Ang awkward tuloy."
Dagdag pa ng isa (published as is): "Julius Babao niyo oh parang di nag grade 2 jusko apaka-insensitive mo naman kudos s 2 anchors n nagsave kay kaladkaren s moment n yan."
Wala pang reaksiyon si Julius tungkol dito.
KALADKAREN BREAKUP RUMORS WITH HUSBAND LUKE Wrightson
Nagsimula ang intriga noong February 18, 2025, nang mag-post si Kaladkaren sa TikTok ng video niya na may makahulugang background music.
Sa nasabing video, makikitang tila nag-e-emote si Kaladkaren habang nili-lip sync nito ang cover song ni KristyLee ng kantang "We Can't Be Friends" ni Ariana Grande.
Ang nakakaintriga rito ay ang verses sa kanta na ginamit ni Kaladkaren na i-lip sync.
Tungkol ito sa biglaang pag-alis ng taong kanyang minamahal.
Narito ang verse ng kanta:
I saw it coming, I still cried. I thought when you left, you'd leave my mind.
No, I don't want hate you, but you chose your pride.
When I needed a hug, you held the knife. But I still wish we had more time.
It must be crazy, right?
Sa comments section ng TikTok post ni Kaladkaren ay marami sa netizens, lalo na ang kanyang fans, ang nag-alala sa kasalukyang lagay ng relasyon nila ng British husband niyang si Luke.
Komento ng isang netizen (published as is), "Anong nangyayari sa earth. Content lang naman ito mah no?"
Saad ng isa, "Hiwalay na sila? kakakasal lang nila diba?"
Hirit pa ng isa, "Ma, ayusin mo to, nag-ooverthink na kaming lahat dito."
May iba ring netizens ang nakapansing binura na raw ni Kaladkaren sa Instagram ang mga litrato nila ni Luke noong sila'y ikinasal.
Read: Kaladkaren teases Luke Wrightson during exchange of wedding vows
Sabi ng isang netizen (published as is): "checked her IG, wala na ang wedding photos nila ni Luke.
"Naka private din ang account ni Luke. but her IG username is still kaladkaren and her name is still Jervi Wrightson."
Read: Kaladkaren jokes about AI-generated newscasters; claps back at netizen for misgendering her
Kung bibisitahin nga ngayon ang Instagram account ni Kaladkaren, hindi na makikita ang wedding photos nila ni Luke.
Ngunit naroroon pa rin ang kanilang engagement photos at iba pang larawan na magkasama mula sa kanilang mga nagdaang bakasyon.
KALADKAREN-LUKE'S WEDDING
Nagpakasal sina Kaladkaren at Luke noong September 8, 2024, o makalipas ang halos labindalawang taon nilang relasyon bilang magkasintahan.
Read: Kaladkaren now Mrs. Luke Wrightson!
Ginanap ang kanilang pag-iisang dibdib sa ceremonial county na Scarborough, North Yorkshire, sa England, kunsaan residente si Luke.
Nangyari ang pinakahihinatay na kasal ni Kaladkaren at Luke, makalipas ang apat na taon makaraan nilang ma-engaged.
Read: Kaladkaren debuts married name on TV5's Frontline Pilipinas
Dalawang beses niyaya ng kasal ni Luke si Kaladkaren. Una noong 2020.
Inanunsiyo ni Kaladkaren ang engagement nila ni Luke sa pamamagitan ng Instagram noong September 9, 2020.
Pero hindi malinaw kung noong araw na iyon ba talaga ang kanilang engagement.
Read: Trans woman impersonator Kaladkaren announces engagement to British boyfriend
Nagkaroon naman ng second proposal si Luke kay Kaladkaren noong July 25, 2024.