Kahit tatlumpung (30) taon na ang nakalilipas, hindi pa rin naiiwasang tanungin si Camille Prats tungkol sa sikat na role niya sa pelikulang Sarah... Ang Munting Prinsesa (1995) noong child star pa siya.
Tila hindi pa rin nakaka-move on ang publiko sa kanyang pagganap bilang api-apihang si Sarah.
Inamin ni Camille na may panahong nag-struggle siya kung paano makawala sa imahe bilang "Sarah," pero kalaunan ay tinanggap niyang hindi na kailanman mabubura sa isip ng marami ang minahal na karakter niyang ito.
Read: LOOK: Camille Prats reunites with Sarah: Ang Munting Prinsesa classmates
Saad ng aktres: "Ako, sobra akong grateful na naaalala pa rin siya hanggang ngayon.
"Before kasi, parang I used to, like, question na parang... ang struggle ko kasi when I was growing up was to get out of that role.
"Kasi parang siguro, as a child star, ang mahirap kasi kung paano ka lalaki sa mata ng mga tao.
"Parang, for a very long time, people perceived me as someone who's just Princess Sarah all throughout, especially when I had a child.
"Parang, 'Ha? Si Princess Sarah may anak na?' Parang ganyan.
"So, parang ang daming efforts to evolve, na maging mature. 'Gawin kaya natin to, gawin kaya natin yan, para mawala yung Princess Sarah.'
"But at this point, in my life, so parang nagpapasalamat ako na buhay na buhay pa rin yung memory ni Princess Sarah, even to the young kids of today."
Pagpapatuloy ni Camille: "And I really think it's a blessing.
"Kasi yun naman talaga yung turning point ko.
"At saka, it's something that, ang sarap bigkasin ng lahat.
"Like, I think Sarah will always have a special place in the hearts of those who have lived in the '90s.
"Because that's the first movie that most of the children back then na napanood nila, kasi wala namang pelikulang pambata nung araw.
"I think that was one of the first ones.
"So, marami siyang memories na nakakabit sa kanila."
Biro pa niya, "So hanggang ngayon, sobra akong grateful na tinatawag pa rin akong Princess Sarah.
"Kasi ibig sabihin nun, kamukha ko pa rin siya."
Read: Camille Prats reflects on rise of married couples choosing separation in times of difficulty
ALL-OUT KONTRABIDA ROLE IN MOMMY DEAREST
Kaya naman kahit kinakabahan, excited si Camille sa kanyang kauna-unahang all-out kontrabida role sa bagong afternoon drama series ng GMA-7 na Mommy Dearest.
Kuwento ni Camille: "I think this is the first time I've ever played something like this.
"So very, very, ano po siya sa akin... When it was offered to me, medyo nagulat ako. Medyo parang, 'Ano po siya?'
"Because I've never done anything like this in the 30 years of my career in the industry.
"So, I would say na ito yung pinakaiba, pinaka-challenging na role na ginawa ko ever in my life."
Biro pa nga ni Camille, hindi siya nakaka-relate sa kanyang role dahil first time niya itong gagawin.
Saad niya: "Hindi po ako naka-relate dito.
"But... and I think that's the beauty of the character, is because hindi ako yun, e.
"And it gave me an opportunity to create a character out of my comfort zone.
"So, yun siguro yung ano, parang isang bagay na both challenging and at the same time exciting for this character.
"Kasi, hindi po talaga, I cannot see anything in me, in my personal life, to the people.
"Total 100 percent opposite of... sana naman, di ba?
"Hindi ba, ang hirap naman kung nakaka-relate tayo? Hindi naman.
"But, yes, very, very opposite from who I really am."
Nakakuwentuhan ng PEP.ph (Philippine Entertainment Portal) at iba pang media si Camille, kasama ang co-stars niyang sina Dion Ignacio, Katrina Halili, at Shayne Sava, sa mediacon ng Mommy Dearest nitong nakaraang Martes, February 18, 2025.
Ginanap ang mediacon sa GMA Network main building sa Timog Avenue, Quezon City.
Read: Camille Prats on working at a very young age: "I had so much fun!"
CAMILLE PRATS' ROLE AS OVERPROTECTIVE MOTHER
Sa Mommy Dearest, ginagampanan ni Camille ang role ni Olive, ang overprotective mother ni Mookie, na ginagampanan naman ni Shayne.
Pinagbabawalan niya ang anak na lumabas ng bahay at makipagkaibigan. Siya ang tanging nagpalaki sa anak hanggang sa ito ay magdalaga na.
Hanggang sa dumating sa buhay nina Mookie at Olive ang kasambahay na si Emma, ang role ni Katrina. Dito na nagkaroon ng gulo sa istorya.
Ayon kay Camille, stressful sa kanya ang palaging pagsigaw sa taping ng kanilang teleserye.
Aniya: "Lagi akong namamaos, pagkatapos ng taping, wala akong boses.
"Ano pa ba? Si Olive kasi, ang character niya, I would say, meron siyang mental health issue.
"So, talagang hindi mo... hindi mo alam kung ano yung trigger niya.
"Okay siya, tapos maya-maya, galit siya.
"Tapos after niya magalit, tapos bigla siyang umiiyak.
"Tapos after niya mag-iiyak, galit na naman siya.
"So, kahit po ako, litung-lito.
"But, I think that was a bit challenging for me."
Read: Shayne Sava admits "nakaka-drain" moments doing Raising Mamay