May interesanteng impormasyon tungkol sa beauty influencer na si Dana Decena: muntik na siyang maging VMX o Vivamax sexy actress!
Si Dana ay anak ng celebrity businesswoman at travel show host na si Cristina Decena.
Read: Beauty influencer Dana Decena pushes for natural approach to wellness
Natatawang kuwento ni Dana sa PEP.ph (Philippine Entertainment Portal): “Ako naman po kasi, I’m open to trying anything.
“Hindi ko pa naman din po kasi alam kung ano talaga yung talents ko. Ang alam ko lang po, marunong akong kumanta.
“Pero sa pag-arte, hindi ko pa alam.
“So, may nakapag-bring up sa akin na, 'Tutal yung mga kaedad mo nagbi-Vivamax ikaw hindi?'
“So ako naman, why not? Kasi for me, it’s acting, at napaka-successful ngayon ng platform nila sa Pilipinas. Di ba, number one?
“Pero siyempre, ako naman po, because si Mommy yung mas nakakaalam sa industriya, and siyempre wala naman akong ibang magiging manager kundi siya, so sabi ni Mommy, 'For now, conservative roles muna tayo,'” at tumawa si Dana.
In other words ay tumutol si Cristina na magpaseksi si Dana sa harap ng kamera.
“Ang gusto talaga ni Mommy is singing, iyon talaga ang gusto niya na mapasok ko,” dagdag ni Dana.
Naunawaaan naman ni Dana kung bakit tumanggi ang ina niyang maging VMX actress siya.
“Oo naman,” bulalas ni Dana.
“And si Mommy kasi, I trust her judgment one hundred percent! Kasi hindi naman siya magiging this successful kung wala siyang intuition kung ano yung tamang gawin, e.
“So, kung ano yung tingin ni Mommy, doon ako, no questions asked.”
Read: Burlesk Dancer ni Yen Durano, ibang-iba sa Burlesk Queen ni Vilma