Hindi kasama sa listahan ng samahan ng mga malalamig ang Pasko ang seasoned singer-actress na si Geneva Cruz, 48.
Ito'y matapos niyang kumpirmahin na siya ngayon ay masaya sa piling ng kanyang non-showbiz boyfriend.
Sa naganap na press conference ng bagong labas na single ni Geneva na "When Christmas Comes" noong December 11, 2024, tuluyan na niyang isinapubliko ang kanyang relationship status.
Nangyari ito nang ibahagi ni Geneva sa mga dumalong entertainment reporters na halos isang oras lang niya sinulat ang "When Christmas Comes" dahil siya ay inspired.
Kuwento niya: "I write when I'm inspired. I write about my experiences or yung contrast ng pinagdaraanan ko.
"I wrote the song in an hour, siguro mga one hour, the lyrics.
"And from there, noong nasulat ko yung kanta yung friend ko si Dan Gil, one of the Maestro Ryan Cayabyab's students, made the melody, base doon sa sinulat ko."
Dumating daw ang pag-ibig kay Geneva nang di niya inaasahan.
"Yung sabi ko naman na parang I'm inspired, it just feels good na parang I'm open myself sa love this year.
"Kasi hindi ko rin naman alam na darating, di ba? Because I haven't really tried to, you know, look for it anymore.
"I just stopped doing that for many years, because kasi puro ako, puro ako,
So, masarap lang paminsan-minsan may sorpresa yung buhay.
"So yeah, inspired talaga akong magsulat [ng kanta]."
Read: Geneva Cruz, 48, goes back to school
Dahil sa hindi pagtumbok ni Geneva sa taong nagbibigay ng inspirasyon ngayon kanya ay muli siyang hiniritan ng tanong na, "How do you say na you're really inspired when your not in love?"
Napatigil at napangiti muna saglit ang singer-actress bago niya ito sagutin ng, "Maybe I'm in love."
Sabay dugtong na, "I'm in love in life. I'm in love with love na feeling ko may nasidlan sa pagkatao ko.
"I'm grateful for this year because I have received a special gift that I did not actually, you know, I was not expecting.
"And that is love."
Read: Geneva Cruz, bakit ngayon lang pumayag magka-bed scene?
GENEVA CRUZ FINALLY INTRODUCES HER BOYFRIEND
Sa puntong ito ay dito na inamin ni Geneva na bukod sa kanyang pamilya, may isang tao raw ang nagbibigay inspirasyon ngayon sa kanya.
Ito'y walang iba kundi ang kanyang boyfriend—ang Southeast Asian Games jiu-jitsu national athlete and gold medalist na si Dean Roxas.
Ani Geneva: "This year is gonna be extra special because I am open myself to love once again.
"For four years, since 2020 sarado talaga. But now, I'm happier and very grateful.
"He inspires me to be better in life.
"May mga positive reinforcement na galing sa kanya. Basta I'm happier. He's a national athlete, by the way."
Dagdag pa niya, "Yun ang kaibahan ng Christmas ko this year, I'm more inspired."
Ang kapwa singer ni Geneva na si Jeffrey Hidalgo ang huling na-link sa aktres, makaraang mapansin ng kanilang fans ang pagiging malapit nila sa isa't isa.
Sa eksklusibong panayam ng PEP.ph (Philippine Entertainment Portal) kay Jeffrey noong February 2023, mariin niyang pinabulaanan na may espesyal na namamagitan sa kanila ni Geneva.
Ngunit pag-amin niya, totoong nanligaw siya kay Geneva, pero bata pa raw sila noon.
Sa ngayon, ay matalik na magkaibigan lang daw talaga sila.
"Talagang best friends kami. Pero nanligaw ako sa kanya dati nung high school after ng Smokey Mountain.
"Inaya ko siya na maging grand ball date ko. Binasted niya ako.
"Ngayon napagtatawanan na lang namin," napapangiting balik-tanaw ni Jeffrey.
Parehong original members ng defunct OPM group na Smokey Montain sina Geneva at Jeffrey na naging aktibo mula 1989 hanggang 1995.
Read: Jeffrey Hidalgo clarifies real score with Geneva Cruz
Samantala, bukod sa pagkakaroon ng kasintahan, masaya ngayon si Geneva sa piling ng dalawa niyang anak—sina Heaven at London.
Read: Geneva Cruz blasts basher for comparing her to eight-year-old daughter
Si Heaven, 27, ay anak ni Geneva sa dating Introvoys guitarist na si Paco Arespacochaga; habang si London, 9, ay anak naman niya sa ex-boyfriend niyang Filipino-Australian na si Lee Paulsen.
Read: Wency Cornejo, may hirit kay Geneva Cruz tungkol kay Paco