Excited na si Judy Ann Santos na maipalabas ang Metro Manila Film Festival (MMFF) 2024 entry nilang Espantaho dahil pinagpaguran daw talaga nila ito.
Saad niya, "Nae-excite ako, pero siyempre, more than yung ano, e, pressure, mas yung excitement kasi ang sarap gawin nitong pelikulang to, ni walang halong biro.
"Yes, it is tiring, napaka-emotional niyang pelikula.
"But at the end of the day, kahit pagod ka, you know, you will always go home na happy and satisfied sa trabahong ibinigay namin kasi pinalalaya namin ang isa't isa sa bawat eksena.
"And excited akong mapanood talaga siya."
Read: Judy Ann Santos prefers box-office hit movie over acting award
Hindi lingid sa kaalaman ng marami na si Vilma Santos dapat ang gaganap na ina ni Judy Ann sa Espantaho, pero hindi natuloy ang Star For All Seasons sa proyekto.
Ang pumalit kay Vilma ay ang premyado ring aktres na si Lorna Tolentino.
Si Vilma naman ay ginawa ang Uninvited, na nakapasok din bilang official entry sa MMFF 2024.
Kaya ngayon ay magkatapat ang kani-kanilang pelikula, at posibleng mahigpit din silang maglalaban para sa best actress award sa Gabi ng Parangal.
Read: Lorna Tolentino happy to work with Espantaho co-stars
JUDY Ann ON WORKING WITH VILMA: NOT YET MEANT TO BE
Nanghihinayang si Judy Ann na hindi natuloy ang pagsasama nila ng Star for All Seasons sa Espantaho.
Ito sana ang unang pagkakataong makakatrabaho ni Judy Ann si Vilma.
Ayon sa ulat ng PEP Troika noong May 2024: "Isang dream come true para kay Juday itong pelikula sakaling matuloy dahil nakasama na niya lahat ng Superstars ng kanyang henerasyon.
"From Nora Aunor in Babae (1997), Sharon Cuneta in Magkapatid (2002), to Maricel Soriano in the movies I Will Survive (2004), Nasaan Ang Puso (1997), Kung Maibabalik Ko Lang (1989), at Sa Akin Pa Rin Ang Bukas (1988).
"Si Ate Vi na lang talaga ang hindi pa niya nakakasama. Buti na rin lang at matutuloy na sila ni Direk Chito na nagsabing dapat kay Juday talaga ang kauna-unahang Feng Shui (2004) kung hindi lang nag-insist si Tito Alfie Lorenzo (na manager ni Juday noon) sa ibang magiging kasama sa cast."
Read: Vilma Santos at Judy Ann Santos, magsasama sa horror film ni Chito Rono
Ngunit, naudlot nga ito.
Saad ni Judy Ann tungkol dito, "Well, siyempre, at some point, everybody wants to work with Vilma Santos, like, everybody would want to work with Ms. Nora [Aunor].
"Kasi they're the prime stars of this industry. Pero, you know, naniniwala kasi ako na kung hindi talaga nauukol, hindi talaga na bubukol.
"So, I get it. It's totally fine.
"Probably, naniniwala din naman ako sa sinabi Ate Vi na there'd be another project that's really meant for us.
"And I'm holding on to that. Kumbaga, naniniwala ako na may isa, mas magandang- magandang proyekto na talagang meant para sa amin."
Mas lalo raw tumaas ang respeto ni Judy Ann kay Vilma dahil tumawag pa ito sa kanya upang humingi ng dispensa.
Lahad ni Judy Ann: "Magkausap kami. Magkausap kami.
"She didn't have to, but nag-apologize pa siya when she congratulated us and Miss LT, Nanay LT, for the movie.
"Parang, 'Grabe naman tong artista na to, si Vilima Santos na to,' and nag-explain pa siya. Hindi naman kailangan, wala namang kailangan.
"Nasa isang industriya lang tayo. And it happens. Hindi naman bago yung ganito, di ba?
"Na wala naman din kami expectation pareho na magiging magkatrabaho kami.
"Pero siyempre, nandun yung umaasa ka na at some point matutuloy, ganyan.
"Pero, then again, ipinagpasa-Diyos na lang namin kung ano yung nararapat, yun yung mangyayari."
Read: Janice de Belen reveals simple joy and secret to aging gracefully
Nakausap ng media, kasama ang PEP.ph (Philippine Entertainment Portal), si Judy Ann sa grand presscon ng Espantaho sa Versailles Tent, Novotel Manila, ngayong Lunes, December 9, 2024.
BUSY CHRISTMAS FOR JUDY ANN SANTOS
Dahil sa Espantaho, magiging very busy ang Pasko ni Judy Ann.
"Oh, yeah! Definitely!" bulalas niya.
"Hinahanda ko na ang sarili ko dito, kasi nga, again, hindi naman na ako taun-taon nakakasali.
"Ngayon pa, very special ang MMFF, di ba? Hindi na mauulit ang golden anniversary.
"So, the very least you can do is do your job."
Alam ko yung I signed up for this and I agreed to this.
"I have to know kung dun saan yung kailangan akong i-deliver, and gets naman."
Bukod kina Judy Ann at Lorna, kasama rin sa Espantaho sina Janice de Belen, Chanda Romero, Eugene Domingo, JC Santos, Tommy Abuel, Mon Confiado, Nico Antonio, Kian Co, at marami pang iba.
Ito ay mula sa Quantum Films ni Atty. Joji, kasama ang Cineko Productions, at Purple Bunny Productions ni Judy Ann.
Ang direktor ng pelikula sy si Chito Roño, mula sa panulat ni Chris Martinez.
Read: Cast Reveal: Judy Ann Santos at Lorna Tolentino bida sa Espantaho