Pinabulaanang muli ni Kazel Kinouchi ang mga usap-usapan na siya ang dahilan ng hiwalayan nina Richard Gutierrez at Sarah Lahbati.
Isa ito sa naging topics sa latest episode ng GTV show na Lutong Bahay noong Biyernes, November 29, 2024.
Itinanggi ng Filipino-Japanese actress na naging magkarelasyon sila ng Kapamilya actor, at sinabi na rin kung bakit siya na-link sa aktor.
KAZEL EXPLAINS HOW THE RUMORS STARTED
Sa naturang show ay ikinuwento ni Kazel sa host na si Mikee Quintos kung paano nagsimula ang tsismis.
Aniya, nakita raw siyang kasama ni Richard noong Halloween sa village kung saan pareho silang nakatira.
“Last year, nadikit yung name ko sa kanya. Parang nakita kami together sa breakup,” bungad ng Abot-Kamay na Pangarap actress.
Noong dulo ng November 2023 nagsimula ang suspetsa na hiwalay na sina Richard at Sarah.
Pagpapatuloy ni Kazel, “So we had common friends. Actually, di nga kami friends ni Chard.
"Sakto, nandito lang siya, same street. Tapos, napicture-an kami. May picture, umupo ako sa isang bahay tapos siya nandun din sa kabilang bahay.”
Pinalaki lang raw ng mga nakakita ng picture ang isyung ito.
“Kasi nga, naghahanap yung mga tao ng reason kung bakit,” sabi niya.
KAZEL SQUELCHES RUMORS AS EARLY AS JANUARY 2024
Hindi ito ang unang beses na nagsalita ang former Pinoy Big Brother housemate tungkol sa isyu.
Noong January, sinabi niyang natawa siya the first time na narinig ang rumor.
“Nung una nakakatawa kasi wala talagang katotohanan kasi may explanation kung bakit ganun yung situation.
“Nakakatawa pero siyempre nung medyo tumatagal-tagal na, andami na ng nagbubulabog sakin, wala naman akong kasalanan,” kuwento niya sa isang episode ng Sarap ‘Di Ba.
Read:
Abot-Kamay Na Pangarap star Kazel Kinouchi denies rumors linking her to Richard Gutierrez
Sarah Lahbati finally confirms breakup with husband Richard Gutierrez