Ibinalita ng Southern Police District, sa pamamagitan ng kanilang Facebook page, ngayong Martes ng gabi, November 26, 2024, ang pagkakaaresto ng isang actress-businesswoman.
Ngunit hindi nila direktang pinangalanan ang aktres na itinago lamang sa "alias Erin."
Ayon sa post ng pulisya, nangyari ang pag-aresto kay "alias Erin" sa basement ng isang convention center sa Pasay City noong Sabado, November 23.
Nagkaroon daw ng "manhunt" para mai-serve rito ang warrant of arrest para sa 14 counts of violation of Securities Regulation Code, hiwalay na kasong estafa, at syndicated estafa.
Ayon pa sa impormasyon, "Rank #7" sa listahan ng mga wanted sa police "station level" ang naarestong akusado.
Nakasaad ding aabot ng PHP1,764,000 ang buong halaga ng piyansa para sa paglabag sa Securities Regulation Code; at walang nakasaad na piyansa para sa kasong estafa.
Ang kabuuang pahayag ng Southern Police District (published as is): "A manhunt operation led by personnel of Sub-Station 10 Pasay City Police in coordination with Warrant and Subpoena Section, resulted in the arrest of alias Erin, a 41-year-old actress and businesswoman, at a basement convention center located in a mall in Pasay City on Saturday (November 23) at 2:50 PM.
"The accused, who is listed as Rank #7 (Station Level) for November 2024, was apprehended after a warrant of arrest was served for 14 counts of violation of Securities Regulation Code (Section 28 of R.A. 8799), docketed under Criminal Cases No. R-PSY-24-01653-CR to R-PSY-24-01654-CR and R-PSY-24-01829-CR to R-PSY-24-01840-CR issued by Hon. Gina Bibat Palamos, Acting Presiding Judge of the Regional Trial Court, Branch 111, Pasay City, on September 18, 2024, and October 16, 2024. Bail was set at P126,000.00 for each of the counts; and Estafa under Article 315 Par 2(a) in relation to PD 1689 (Syndicated Estafa) docketed under Criminal Case No. R-PSY-24-01652-CR issued by Hon. Ronald August L. Tan, Acting Presiding Judge of RTC Branch 112, Pasay City dated September 17, 2024, with no stated bail.
"A commitment order has already been issued by the court."
WHO IS "ALIAS NERI?"
Ang naunang impormasyong nailabas ng Southern Police District sa Facebook ay may nakalagay na "alias Neri."
Kalaunan, pinalitan ito ng "alias Erin."
Lumabas ang impormasyon mula sa pulisya isang araw matapos maiulat sa online news sites ang diumano'y pagkaaresto sa dating aktres na si Neri Naig.
Read: Neri Naig clarifies P1K weekly meal plan: "Kunin ang mga sayote and other gulay sa bakuran."
NEWS ABOUT NERI MIRANDA'S ARREST
Nitong nakaraang November 24, unang ibinalita ni Ogie Diaz sa kanyang vlog ang tungkol dito.
Sabi ni Ogie: "May nagpasa lang ng impormasyon na ito sa amin na last November 23 ay inaresto ng Pasay City Police sa kasong paglabag sa section 28 of the RA 8799 o ang tinatawag na the securities and regulations code ng Securities and Exchange Commission ang aktres at tinaguriang 'Wais na Misis' na si Neri Naig Miranda.
"Di pa malinaw kung anong eksakto ang dahilan at kung sino ang mga nagrereklamo. Kung totoo man ito ay mas magandang mapakinggan din ang panig ni Neri.
"Ang iniisip ng aming source ay baka may nakabanggan o nakatransaksiyon si Neri na di niya nakasundo sa negosyo kaya umabot sa kasuhan.
"Sana ay mapakinggan natin ang bersyon ni Neri at ng mga nagreklamo sa kanya."
Read: Neri Miranda spends quality time with family in Canada
Habang isinusulat ang artikulong ito, hindi pa nagbigay ng anumang pahayag si Neri at ang asawa niyang si Chito Miranda.
Nananatiling bukas ang PEP.ph (Philippine Entertainment Portal) sa anumang pahayag ng mga personalidad na nabanggit sa artikulong ito.