Dahil sa nagbabadyang sama ng panahon dulot ng bagyong Pepito, kanselado ang ikalawang araw ng much-awaited Grand BINIverse concert na nakatakda sanang mangyari sa Araneta Coliseum sa Cubao, Quezon City, sa Linggo, November 17, 2024.
Sa inilabas na advisory ng ABS-CBN ngayong Biyernes, November 15, ay opisyal na nilang isinapubliko ang hindi pagtuloy ng day two ng Grand BINIverse sa November 17, bagkus ay inilipat ito ng panibagong araw.
Base sa inilabas nilang pahayag, ang November 17 concert ng P-pop girl group na BINI ay malilipat na sa Martes, November 19.
Read: BINI embraces positive life shifts after phenomenal stardom
Tanging ang pangalawang araw lang sa three-night sold out concert ng BINI ang na-reschedule dahil tuloy na tuloy pa rin ang day one nito sa Sabado, November 16, at day three sa Lunes, November 18.
Sa mga nag-aatubiling dumalo sa bagong schedule ng day two, maaaring i-refund ang kanilang mga ticket.
Read: On Stage: Silver Lining Redux, Pinoy Playlist, Grand BINIverse
Mababasa sa advisory ng ABS-CBN:
"In light of the weather forecast for Typhoon Pepito making landfall on Sunday (Nov. 17), the Grand BINiverse concert scheduled on that day will be moved to Tuesday (Nov. 19) to ensure everyone's safety.
"All tickets for Sunday will be honored on Nov. 19 at the Araneta Coliseum.
"Ticket holders who will no longer be able to attend on Nov. 19 can contact Ticketnet for their refund.
"For those who purchased iWantTFC passes to watch the concert on livestreaming, the passes will also be valid on Tuesday (Nov 19).
"The Grand BINiverse concerts on Saturday (Nov. 16) and Monday (Nov. 18) will proceed as planned.
"Part of the proceeds from the Grand BINIverse concert will be donated to the ABS-CBN Foundation to help those affected by the typhoon.
"Thank you for your patience and understanding. Stay safe, Kapamilya!"
DAY TWO OF BINIVERSE RESCHEDULED DUE TO TYPHOON PEPITO
Sa paghina at paglayo ng bagyong Ofel sa PAR (Philippine Area of Responsibility) ay siya namang paglakas at paglapit ng susunod na bagyo sa bansa—ang bagyong Pepito.
Ayon sa weather bulletin ng PAG-ASA (Philippine Atmospheric, Geophysical and Astronomical Services Administration) as of 5:00 P.M., ang bagyong Pepito ay namataang nasa layong 465 kilometers ng silangan ng Guiuan, Eastern Samar, habang ito ay nasa gitna pa ng dagat.
Gayunpaman ay patuloy pa ang paglakas nito na may sustained winds na 150 kph (kilometers per hour) at pagbugso na umaabot na sa 185 kph.
Read: Busy BINI reflects on responsibilities as pop idols
Mabilis ang pagkilos ng bayong Pepito pa-west-northwest na umaabot hanggang 30 kph.
Dahil dito, itinaas na ng PAG-ASA ang tropical cyclone wind signal number two sa Eastern Northern Samar, Northern Eastern Samar, at NorthEastern Samar Province.
Signal number one naman sa Aurora, Quezon, Polilio Island, Eastern Laguna, Marinduque, Camarines Norte, Camarines Sur, Catanduanes, Albay, Sorsogon, Masbate, rest of Eastern Samar, rest of Northern Samar, rest of Samar, at Biliran.
Pinaalalahan din ng PAG-ASA ang mga maaapektuhang lugar dahil hanggang signal number five ang pinakamataas na babala na maaaring itaas ng bagyong Pepito.
Nakikita raw kasi nila itong nag-iipon pa ng lakas mula sa dagat na posible ring umabot sa super typhoon category habang ito ay papalapit sa Samar at Bicol region.
Nakatakdang mag-landfall ang bagyong Pepito sa Sabado November 16, o di kaya't Linggo ng madaling araw, November 17.
Ito ang dahilan kung bakit minarapat na ng ABS-CBN na kanselahin ang ikalawang araw sana ng Grand BINIverse concert dahil sa kaligtasan ng maaapektuhang concertgoers.
Read: BINI embraces positive life shifts after phenomenal stardom