Kung may isang bagay na naituro kay Lovi Poe ang pagiging Mrs. Monty Blencowe, ito ay ang mag-slowdown sa buhay.
Hindi niya raw nagawa ito noong single pa siya.
Bilang isa sa in-demand na artista sa kanyang henerasyon, abala si Lovi sa halos araw-araw na taping at shooting noon.
Ikinasal sina Lovi at Monty sa U.K. noong August 26, 2023.
Sa Los Angeles, California, nakabase ngayon ang mag-asawa.
Si Monty ay isang scientist sa University of California, Los Angeles (UCLA). Isa rin siyang independent film producer, base sa kanyang X at Instagram bio.
"I'm enjoying it. I'm teaching myself to enjoy moments when it's not fast-paced all the time," kuwento ni Lovi sa PEP.ph (Philippine Entertainment Portal) tungkol sa kanyang buhay may-asawa.
"Mahirap siya for me kasi nakasanayan ko siya since teenager, work, work, work. Fast-paced talaga.
"So when I was there [U.S.], sabi ni Monty, 'It's okay, it would be fine.' Sabi niya, 'It's been two days, kaya mo yan.' Tinuturuan niya ako to slow down."
Ayon kay Lovi, pag nasa Amerika siya ay ginagampanan niya ang normal na gawain ng isang maybahay tulad ng paglalaba at pagluluto.
"Oh my god! Sabi ko nga, I'm very different, very quiet ang life ko dun.
"Hindi naman ako every day pumupunta sa work, nagluluto ako, naglalaba, naghuhugas ako ng pinggan. Oo, lahat yan ginagawa ko, everything.
"You know, it' nice kasi I get to do that. Ginagawa ko rin siya dito, pero minsan kasi I always have work. Buti na lang may mga kasama tayo sa bahay na talagang tumutulong sa atin.
"Dun, I do everything on my own. May help na pumupunta, pero hindi naman on a daily basis."
Dito rin naranasan ni Lovi ang mag-budget at personal na mag-grocery para sa pangangailangan nila ng kanyang asawa.
"Yes, mahirap siya, I try meal plans and I try to budget kasi, siyempre ako, I take care of the food. And Monty loves going out really, kasi pag magkasama kami, it's always a celebration.
"I try my best. I try to cook up for him a good meal. May times pasado, may times hindi.
"Sobrang dali lang ng niluluto ko, usually baked salmon, baked chicken, ganyan. Para healthy saka easy."
Eksklusibong nakapanayam ng PEP si Lovi sa media launch ng kanyang make-up collection, ang Love, You By Lovi Poe, na ginanap sa Blue Leaf, Cosmopolitan, sa Libis, Quezon City, noong October 22, 2024.
Read: WEDDING ALBUM: Lovi Poe and Monty Blencowe
LOVI POE ON HOW SHE AND HUSBAND HANDLE THEIR MONEY
Bilang isang independent woman at may sarili ring ipon, kanya-kanyang gamit daw ng sarili nilang pera sina Lovi at Monty.
"Wala, we use our own, e. It's something, basically, it's just there," ani Lovi.
"Parang he's very, like, what you want, buy what you want.
"Open naman kami talaga and freedom.
"You know, we're both working. I can take care of myself, he can take care of his own, very like that.
"I think it's nice, kanya-kanya naman yan."
Hindi raw maluho si Lovi kaya nakatulong ito nang malaki kung bakit nakaipon siya ng sariling pera.
"Ever since before naman, hindi matipid, but I'm trying to be more mindful. Ever since, hindi naman ako ma-shopping. Mas madalas akong bumili for others kaysa sa sarili ko.
"Si Monty, my husband would be, like, 'What's the point of working if you will not buy stuff for yourself?' Siya mismo ang nagsasabi, 'Buy it.' I would say, 'Mont, I don't need it.' He will say, 'It's okay, enjoy it.'
"It's true, sometimes kailangan akong sabihan ng ganun."
Mas napupunta raw sa travels ang gastos ni Lovi.
"More on experience, travelling talaga ako.
"Siguro bibili lang ako ng gamit pag hindi na ako makatulog dahil gustung-gusto ko siya, pero bihirang mangyari yun.
"Pag may nakita ako tapos di ako makatulog. Dati pa ito, ha... May shoes ako na binabalik-balikan, simple lang naman siyang sapatos. It's like Stella McCartney platform shoes. Years ago pa yan.
"I remember I was, like, 'Should I buy it, should I buy it?'
"You know what, I'll buy it kasi days na, e. Hahaha! Ilang weeks na akong hindi makatulog.
"And my friends would be, like, 'Lovi, you should enjoy yourself. Go, buy it.' I bought it.
"Siyempre ako, I treat myself once in a while.
"I make sure I put it sa mga bagay na I think I will take myself time in the future."
May investment ba siya sa lupa o kaya ay insurance?
Sagot ni Lovi, "Yes, mga ganyang bagay, I'm trying."
Read: Lovi Poe's condo retreat: a glimpse into her immaculate home in the city
WORK AND HOME LIFE SET-UP
Aminado si Lovi na mahirap ang long-distance relationship gaya ng sa kanila ni Monty, pero back and forth naman siya sa U.S. kapag wala siyang work commitments.
"Sinuwerte talaga ako na I have a secured husband, tapos very supportive talaga of my dreams and hope.
"We have dreams together, we have individual goals, but I support him, he supports me.
"Parang if there's one person who wants me to achieve my goals, it's him. I'm very lucky to have him as my husband."
Paliwanag pa ni Lovi: "Basically, umuuwi ako dito pag may work ako.
"May mga times na kailangang magkasama kaming dalawa, siyempre, like, special occasions.
"May months na ako ay allotted talaga for him, and may mga months na I have to work."
Nang tanungin kung ano ang plano niya sa Pasko, tingin ni Lovi ay sa Los Angeles sila ni Monty sa December.
Nakauwi na ngayon sa Los Angeles si Lovi para makasama si Monty, sa Amerika magseselebra ng Pasko si Lovi.
"Last year nag-U.K. kami. This year, parang gusto naman namin sa L.A.," ani Lovi.
Dagdag niya, "I will fly with my mom coz my sister is also in L.A."
Tinanong din ng PEP si Lovi kung may plano na ba silang magkaroon ng baby ni Monty.
"We are just waiting for it to happen. Bahala na ang Diyos. We will just let it to happen. If it happens, it happens," sagot ng aktres.
Napaisip pang sabi ni Lovi, "Of course, I want a boy din coz I want a little Monty, pero siyempre baby girl din. A baby girl would be nice."
Read: What it costs to stay at Cliveden House, venue of Lovi Poe-Monty Blencowe wedding
LOVI POE MAKEUP LINE
Pinasok na rin ni Lovi ang pagnenegosyo sa pamamagitan ng kanyang make-up line, ang Love, You By Lovi, sa ilalim ng Ready Set Glow brand.
Pagkukuwento ni Lovi, isa itong pangarap na masaya siyang nagkaroon ng katuparan sa ngayon.
"Ang sarap ng pakiramdam. I just can't believe it's finally happening kasi ilang buwan na namin, ilang taon na namin pinagplanuhan namin yung products talaga namin para mabuo. Finally now na-launch na siya. I feel so blessed and I'm so, so happy."
Tingin ni Lovi, hindi lang basta pampaganda ang makeup kundi isa itong pampataaas ng confidence at daan para sa personal expression.
"I've been with Ready Set Glow family for so many years, sobrang naging perfect ang lahat, nag-usap kami, and we created our own line together."
Nagpapasalamat din ang aktres dahil buo ang suporta sa kanya ni Monty sa bagong negosyong pinasok.
"Sabi ko nga, kahit he's, like, how many miles away from me, pero talagang he was with me while we're doing it, when I was choosing the makeup.
"Lahat yan, with his watches, yung suot-suot ko na yung makeup, nandun siya. He's very supportive talaga, the best."
Sa kanyang speech sa program proper, inalay rin ni Lovi ang make-up creation sa kanyang namayapang manager na si Leo Dominguez.
"Tito Leo was here, parang we were doing all the planning, all of the makeup, lahat.
"Sabi ko nga, I just can't believe he was not here to witness lahat ng things na binuo namin together.
"Yung Guilty Pleasure, yun ang unang movie ko na di niya mapapanood and then itong make-up line... but I know he's with us."